1 Corintios 11:4 - Triqui de San Juan Copala

⁴ Dan me se ga̱a achíín niꞌya̱j snóꞌo rihaan Yaꞌanj do̱ꞌ, ga̱a nataꞌ soꞌ snana̱ Yaꞌanj cuno̱ cunuda̱nj nij síí noco̱ꞌ man Cristó do̱ꞌ, ne̱ sese ca̱ráán soꞌ raa̱ soꞌ, ne̱ nij ndoꞌo ꞌyaj soꞌ rihaan maꞌa̱n soꞌ vaa ga̱a na̱nj ado̱nj.

1 Corintios 11:4 ပူးပေါင်းရင်းမြစ်များ

Hechos 13:1

Dan me se xꞌneꞌ nij síí noco̱ꞌ man Jesucristó ya̱nj chumanꞌ Antioquía roꞌ, taꞌa̱j nij soꞌ me síí nataꞌ snana̱ Yaꞌanj, ne̱ ꞌó taꞌa̱j nij soꞌ me síí tucuꞌyón snana̱ Yaꞌanj rihaan yuvii̱ a. Ne̱ síí cuꞌna̱j Bernabé do̱ꞌ, síí cuꞌna̱j Simón tucuꞌnáj nii Síí Chro̱n do̱ꞌ, síí cuꞌna̱j Lucio síí cavii estadó Cirene do̱ꞌ, síí cuꞌna̱j Manaén síí cachij rcuaꞌa̱a̱n ga̱ rey cuꞌna̱j Herodes do̱ꞌ, síí cuꞌna̱j Saulo do̱ꞌ, me nij síí cata̱ ro̱j suun sa̱ꞌ yoꞌ a.

1 Corintios 11:14

Neꞌen cunuda̱nj yuvii̱ se vaa sese ga̱a̱ xca̱a̱n ndoꞌo yuvé raa̱ snóꞌo, ne̱ gu̱un naꞌa̱j soꞌ,

1 Corintios 11:5

Ne̱ chana̱ me se ga̱a achíín niꞌya̱j noꞌ rihaan Yaꞌanj do̱ꞌ, ga̱a nataꞌ noꞌ snana̱ Yaꞌanj cuno̱ cunuda̱nj nij síí noco̱ꞌ man Cristó do̱ꞌ, ne̱ sese se̱ caráán noꞌ raa̱ noꞌ, ne̱ nij ꞌyaj noꞌ rihaan maꞌa̱n noꞌ vaa na̱nj á. Ase vaa chana̱ raa̱ ca̱an roꞌ, vaa noꞌ,

1 Corintios 12:10

ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

1 Corintios 12:28

Ne̱ Yaꞌanj roꞌ, me síí cuneꞌ man ꞌo̱ ꞌo̱ soj quiꞌya̱j soj se‑su̱u̱n Yaꞌanj cheꞌé xꞌneꞌ nij síí noco̱ꞌ man Cristó, ne̱ ino̱ vaa suun caꞌneꞌ Yaꞌanj rihaan ꞌo̱ ꞌo̱ soj a. Ne̱ dan me se asino cuneꞌ Yaꞌanj man núj si̱j ꞌanj nataꞌ snana̱ Jesucristó, ga̱a ne̱ cuneꞌ uún Yaꞌanj man nij síí nataꞌ nana̱ rqué Yaꞌanj rihaan a. Ga̱a ne̱ cuneꞌ uún Yaꞌanj man nij síí tucuꞌyón snana̱ Yaꞌanj rihaan yuvii̱, ga̱a ne̱ cuneꞌ uún Yaꞌanj man nij síí ꞌyaj suun sa̱ꞌ noco̱o a. Ga̱a ne̱ cuneꞌ uún Yaꞌanj man nij síí uun nucua̱j tinahuun sa̱ꞌ man yuvii̱ ranꞌ, ne̱ cuneꞌ uún Yaꞌanj man nij síí racuíj man yuvii̱ ranꞌ sayuun a. Ne̱ cuneꞌ Yaꞌanj man nij síí uun chij rihaan nij síí noco̱ꞌ man Cristó, ne̱ cuneꞌ Yaꞌanj man nij síí neꞌen caꞌmi̱i̱ xnaꞌánj naca̱ a.

1 Corintios 13:2

Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.

1 Tesalonicenses 5:20

Se̱ nachriꞌ soj man nana̱ cata̱j xnaꞌanj naca̱ Nimán Yaꞌanj rihaan soj maꞌ.