1 Corintios 11:30 - Triqui de San Juan Copala

³⁰ Dan me se ma̱an cheꞌé se nij ꞌyaj taꞌa̱j soj rihaan Síí ꞌNi̱j Raꞌa man níꞌ roꞌ, cheꞌé dan a̱j ranꞌ queꞌe̱e̱ soj sayuun chugua̱nj. Dan me se taꞌa̱j soj anó chiꞌii̱ man, ne̱ ꞌó taꞌa̱j soj ꞌo̱ ninaj, ne̱ ꞌó taꞌa̱j soj a̱j caviꞌ na̱nj á.

1 Corintios 11:30 ပူးပေါင်းရင်းမြစ်များ

Hechos 13:36

Dan me se xa̱ꞌ maꞌa̱n David, tza̱j ne̱ ga̱a quisíj quiꞌyaj soꞌ nu̱ꞌ nda̱a vaa guun rá Yaꞌanj quiꞌya̱j soꞌ cheꞌé nij tuviꞌ soꞌ, ga̱a ne̱ caviꞌ soꞌ a. Ga̱a ne̱ cachinꞌ nii man soꞌ rej na̱j nij xi̱i soꞌ, ga̱a ne̱ riꞌyuj nee̱ man soꞌ a.

Hechos 7:60

Ga̱a ne̱ canicunꞌ ru̱j soꞌ, ne̱ nucua̱j ndoꞌo caguáj soꞌ, cataj soꞌ a: ―Señor, se̱ caraá so̱ꞌ cacunꞌ nihánj xráá nij soꞌ maꞌ ―taj soꞌ, ga̱a ne̱ caviꞌ soꞌ a.

1 Corintios 11:29

Sese ne acaj soj cuentá sese nee̱ man Síí ꞌNi̱j Raꞌa man níꞌ me se chá soj, ne̱ quira̱nꞌ soj sayuun, ne̱ sese ne acaj soj cuentá sese ton man Síí ꞌNi̱j Raꞌa man níꞌ me se ꞌo soj, ne̱ quira̱nꞌ soj sayuun ado̱nj.

1 Corintios 11:31

Sese naquiꞌya̱j cu̱u níꞌ cheꞌé maꞌa̱n níꞌ da̱j vaa níꞌ, ga̱a ne̱ se̱ quiꞌyaj Síí ꞌNi̱j Raꞌa man níꞌ sayuun man níꞌ maꞌ.

1 Corintios 11:32

Tza̱j ne̱ ma̱an cheꞌé se nij ꞌyaj níꞌ, rá Síí ꞌNi̱j Raꞌa man níꞌ, ne̱ cheꞌé dan ꞌyaj soꞌ sayuun man níꞌ, cheꞌé rej nari̱ꞌ níꞌ da̱j quiꞌya̱j níꞌ cavi̱i̱ sa̱ꞌ níꞌ ado̱nj. Sese nari̱ꞌ sa̱ꞌ níꞌ chrej sa̱ꞌ, ga̱a ne̱ se̱ quiranꞌ níꞌ sayuun quiꞌya̱j Yaꞌanj, asa̱ꞌ quiꞌyaj soꞌ sayuun man cunuda̱nj yuvii̱ ma̱n rihaan chumii̱ nihánj maꞌ.

1 Corintios 15:51

Cuno̱ soj á. Cata̱j xnaꞌanj ꞌu̱nj rihaan nij soj ꞌo̱ nana̱ sa̱ꞌ yuve̱ tihaa̱n naca̱ Yaꞌanj rihanj na̱nj á: Se̱ caviꞌ ta̱ranꞌ níꞌ maꞌ. ꞌO̱ se vaa güii, ne̱ rque o̱rúnꞌ orá leꞌe̱j nii yu̱u̱n cheꞌe̱ cunu̱u ino̱ ta̱ranꞌ níꞌ,

1 Tesalonicenses 4:14

Tza̱j ne̱ amán ya̱ rá níꞌ se vaa caviꞌ Jesús, ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ cheꞌé dan neꞌen níꞌ se vaa xa̱ꞌ nij tinúú níꞌ síí caviꞌ, tza̱j ne̱ caꞌna̱ꞌ uún nij soꞌ ga̱ Jesús, quiꞌya̱j Yaꞌanj ado̱nj.

Apocalipsis 3:19

Dan me se ꞌu̱nj roꞌ, narqué ꞌu̱nj chrej nucua̱j man nu̱ꞌ nij síí ꞌe̱e̱ raj man, ne̱ qui̱ꞌyáj sayuun man nij soꞌ sese se̱ cuno nij soꞌ rihanj chugua̱nj. Cheꞌé dan gu̱un niha̱ꞌ rá soj cuno̱ soj rihanj, ne̱ ca̱nica̱j nimán soj canoco̱ꞌ soj chrej sa̱ꞌ á.