1 Corintios 11:3 - Triqui de San Juan Copala

³ Me raj xca̱j soj cuentá se vaa uun chij Cristó rihaan nu̱ꞌ snóꞌo, ne̱ snóꞌo uun chij rihaan chana̱ nica̱ soꞌ, ne̱ uun chij Yaꞌanj rihaan Cristó a.

1 Corintios 11:3 ပူးပေါင်းရင်းမြစ်များ

San Mateo 28:18

Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

San Juan 14:28

A̱j cuno soj nana̱ caꞌmij, se vaa cavi̱i̱ ꞌu̱nj quina̱nꞌ ꞌu̱nj, tza̱j ne̱ caꞌna̱ꞌ uún ꞌu̱nj rihaan soj ado̱nj. Sese si̱j aráj cochro̱j rihanj me soj, ne̱ guun niha̱ꞌ rá soj cuno soj nana̱ se vaa cavi̱i̱ ꞌu̱nj quina̱nꞌ ꞌu̱nj yan ya̱nj Réj Yaꞌanj asuun tza̱j á. ꞌO̱ se síí noco̱o doj mej Réj rihanj na̱nj ado̱nj.

1 Corintios 3:23

ꞌO̱ se síí noco̱ꞌ man Cristó me soj, ne̱ Taꞌni̱j Yaꞌanj me Cristó uún a.

Efesios 4:15

Ma̱an ina̱nj nana̱ ya̱ caꞌmi̱i̱ níꞌ rihaan tinúú níꞌ, cheꞌé se ꞌe̱e̱ rá níꞌ man tinúú níꞌ, ga̱a ne̱ sa̱ꞌ doj queneꞌe̱n níꞌ canoco̱ꞌ níꞌ man Cristó nu̱ꞌ se vaa quiꞌya̱j níꞌ ado̱nj. Dan me se ase vaa rii taꞌngaꞌ cúú yave̱ yuvii̱ rihaan nu̱ꞌ nee̱ man yuvii̱ roꞌ, da̱nj vaa rii taꞌngaꞌ Cristó rihaan níꞌ ado̱nj.

Colosenses 1:18

Ne̱ soꞌ me síí uun chij ndoꞌo rihaan níꞌ á. Dan me se ase vaa rii taꞌngaꞌ cúú yave̱ yuvii̱ rihaan maꞌa̱n yuvii̱ roꞌ, da̱nj vaa rii taꞌngaꞌ Cristó rihaan cunuda̱nj níꞌ xꞌneꞌ yuvii̱ noco̱ꞌ man soꞌ chugua̱nj. Asino soꞌ me síí cunuu iꞌna̱ꞌ uún ga̱a caviꞌ soꞌ, ne̱ da̱nj ina̱nj ga̱a̱ cunu̱u iꞌna̱ꞌ uún níꞌ, quiꞌya̱j soꞌ, ga̱a ne̱ gu̱un soꞌ síí ra̱a̱ doj rihaan cunuda̱nj níꞌ ado̱nj.

Colosenses 2:10

Ne̱ Cristó me síí uun chij rihaan nu̱ꞌ nij nana̱ chre̱e ma̱n rihaan chumii̱ nihánj, ne̱ ya̱nj Cristó ga̱ soj, ne̱ cheꞌé dan taj se achiin man soj cuano̱ maꞌ.

Colosenses 2:19

Dan me se taj cúú yave̱ nij soꞌ táá gaán chihá nij soꞌ vaa, ese taj Cristó rihaan nij soꞌ maꞌ. Ne uno nij soꞌ snana̱ Cristó maꞌ. Ne̱ ase vaa rii taꞌngaꞌ cúú yave̱ níꞌ rihaan nee̱ man níꞌ roꞌ, da̱nj vaa rii taꞌngaꞌ Cristó rihaan ta̱ranꞌ níꞌ si̱j noco̱ꞌ man soꞌ, ne̱ sa̱ꞌ doj nocoꞌ níꞌ man Yaꞌanj, ꞌyaj Cristó, ne̱ ina̱nj da̱nj me rá Yaꞌanj quiꞌya̱j níꞌ na̱nj ado̱nj. Ne̱ ase vaa vaa sca̱ꞌ nee̱ man níꞌ ꞌyaj yaꞌaâ man níꞌ roꞌ, da̱nj vaa cuya̱a̱n vaa ta̱ranꞌ níꞌ si̱j noco̱ꞌ man Yaꞌanj ꞌyaj Cristó ado̱nj.

Colosenses 3:18

Cata̱j xnaꞌanj ꞌu̱nj rihaan nij chana̱ vaa nica̱, se vaa veꞌé cuno̱ nij noꞌ rihaan nica̱ nij noꞌ á. Da̱nj vaa no̱ xcúún nij noꞌ quiꞌya̱j nij noꞌ, ese chana̱ noco̱ꞌ man Cristó Si̱j ꞌNi̱j Raꞌa man níꞌ me nij noꞌ a.

1 Pedro 3:1

Veé da̱nj vaa no̱ xcúún soj cha̱na̱ cuno̱ soj rihaan nica̱ soj á. Caꞌve̱e se naꞌvej rá nica̱ taꞌa̱j soj cuno̱ nij soꞌ snana̱ Yaꞌanj, tza̱j ne̱ se̱ cachiin caꞌmi̱i̱ soj cha̱na̱ cheꞌé snana̱ Yaꞌanj maꞌ. Tana̱nj cheꞌé se veꞌé ndoꞌo ꞌyaj soj rihaan nica̱ soj roꞌ, cheꞌé dan gu̱un rá nica̱ soj canoco̱ꞌ nij soꞌ man Yaꞌanj ga̱ soj chugua̱nj.