’Dan me se ase vaa tumé yuvii̱ man daán yuvii̱ matzinj roꞌ, da̱nj quiꞌya̱j soj, tu̱mé soj man maꞌa̱n soj do̱ꞌ, man xꞌneꞌ nij síí noco̱ꞌ man Cristó do̱ꞌ á. Dan me se Nimán Yaꞌanj me síí cuneꞌ man soj gu̱un soj síí tu̱mé sa̱ꞌ rihaan Yaꞌanj man xꞌneꞌ yoꞌ, xꞌneꞌ quiránj Jesús ga̱ ton cavii man maꞌa̱n soꞌ ado̱nj.
1 Corintios 10:32 - Triqui de San Juan Copala32 Da̱nj na̱nj uún, ne̱ se̱ quiꞌyaj soj se vaa gu̱un vi̱j rá nij yuvii̱ israelitá do̱ꞌ, nij yuvii̱ yaníj do̱ꞌ, xꞌneꞌ cunuda̱nj nij síí noco̱ꞌ man Yaꞌanj do̱ꞌ maꞌ. အခန်းကိုကြည့်ပါ။ |
1 Corintios 10:32
19 ပူးပေါင်းရင်းမြစ်များ
ne̱ ꞌyaj núj yanj nihánj caꞌne̱j núj rihaan nij soj xꞌneꞌ nij síí noco̱ꞌ man Yaꞌanj ya̱nj chumanꞌ Corinto a. Dan me se narii Yaꞌanj man soj canoco̱ꞌ soj man Cristó Jesús, ne̱ canacúún Yaꞌanj man soj gu̱un soj síí nuu sa̱ꞌ nimán a. Ne̱ veé yanj nihánj caꞌne̱j cuchi̱ꞌ rihaan cunuda̱nj ꞌó nij síí ya̱nj me rej maꞌa̱n síí ataꞌ tuꞌva̱ se‑chuvi̱i Jesucristó Si̱j ꞌNi̱j Raꞌa man níꞌ a. Dan me se Síí ꞌNi̱j Raꞌa man nij soꞌ ne̱ Síí ꞌNi̱j Raꞌa man maꞌa̱n ya̱ níꞌ me ya̱ soꞌ a.
Ina̱nj da̱nj ꞌyaj ma̱ꞌanj, ne̱ nu̱ꞌ se vaa me rá ꞌo̱ ꞌo̱ taꞌa̱j yuvii̱ qui̱ꞌyáá ꞌu̱nj roꞌ, ꞌyáá ꞌu̱nj, ne̱ ne ꞌyáá ꞌu̱nj ina̱nj se me raj ma̱ꞌanj qui̱ꞌyáj maꞌ. ꞌO̱ se ꞌyáá ꞌu̱nj nda̱a vaa me rá nij yuvii̱ na̱nj ado̱nj. ꞌO̱ se nanóꞌ ꞌu̱nj chrej cavi̱i̱ sa̱ꞌ cunuda̱nj nij yuvii̱ doj, ga̱a ne̱ nani̱i̱ nij soꞌ rihaan sayuun cheꞌé se sa̱ꞌ yoꞌ ado̱nj. Ina̱nj da̱nj quiꞌya̱j soj á.
Sese ina̱nj me rá soj cha̱ soj do̱ꞌ, coꞌo̱ soj do̱ꞌ, ne̱ me cheꞌé ne quina̱nꞌ soj tucuá soj cha̱ soj do̱ꞌ, coꞌo̱ soj do̱ꞌ ga̱. Taj va̱j tucuá soj vaa, dan ꞌyaj soj da̱nj naꞌ. Nachriꞌ soj niꞌya̱j soj man xꞌneꞌ tinúú soj síí noco̱ꞌ man Yaꞌanj, dan ꞌyaj soj da̱nj naꞌ. Me cheꞌé me rá soj gu̱un naꞌa̱j nij tinúú soj nij síí nique̱ ga̱. Da̱j cata̱j ꞌu̱nj rihaan soj, rá soj ga̱. Caꞌve̱e cata̱j ꞌu̱nj se vaa sa̱ꞌ uxrá ꞌyaj soj, rá soj a̱ xe̱e̱.
Ne̱ Yaꞌanj roꞌ, me síí cuneꞌ man ꞌo̱ ꞌo̱ soj quiꞌya̱j soj se‑su̱u̱n Yaꞌanj cheꞌé xꞌneꞌ nij síí noco̱ꞌ man Cristó, ne̱ ino̱ vaa suun caꞌneꞌ Yaꞌanj rihaan ꞌo̱ ꞌo̱ soj a. Ne̱ dan me se asino cuneꞌ Yaꞌanj man núj si̱j ꞌanj nataꞌ snana̱ Jesucristó, ga̱a ne̱ cuneꞌ uún Yaꞌanj man nij síí nataꞌ nana̱ rqué Yaꞌanj rihaan a. Ga̱a ne̱ cuneꞌ uún Yaꞌanj man nij síí tucuꞌyón snana̱ Yaꞌanj rihaan yuvii̱, ga̱a ne̱ cuneꞌ uún Yaꞌanj man nij síí ꞌyaj suun sa̱ꞌ noco̱o a. Ga̱a ne̱ cuneꞌ uún Yaꞌanj man nij síí uun nucua̱j tinahuun sa̱ꞌ man yuvii̱ ranꞌ, ne̱ cuneꞌ uún Yaꞌanj man nij síí racuíj man yuvii̱ ranꞌ sayuun a. Ne̱ cuneꞌ Yaꞌanj man nij síí uun chij rihaan nij síí noco̱ꞌ man Cristó, ne̱ cuneꞌ Yaꞌanj man nij síí neꞌen caꞌmi̱i̱ xnaꞌánj naca̱ a.
ꞌO̱ se ga̱a ataa ca̱nocoj man Cristó, ne̱ quiꞌyaj ndoꞌoj sayuun man xꞌneꞌ nij síí noco̱ꞌ man Yaꞌanj, ne̱ cheꞌé dan ya̱j mej síí noco̱ꞌ xco̱ doj rihaan ꞌó da̱nj nij síí cuneꞌ Jesucristó ca̱ta̱ suun caꞌa̱nj nata̱ꞌ snana̱ soꞌ a. Cheꞌé dan né si̱j no̱ xcúún cata̱j yuvii̱ cheꞌej se vaa síí cuneꞌ Jesucristó mej, raj a̱ maꞌ.
ꞌU̱nj me síí cuꞌna̱j Pabló si̱j cuneꞌ Cristó Jesús caꞌa̱nj nata̱ꞌ snana̱ soꞌ rihaan yuvii̱, nda̱a vaa me rá maꞌa̱n Yaꞌanj qui̱ꞌyáj a. Ya̱nj tinúꞌ Timoteo ga̱j, ne̱ ꞌyaj rój yanj nihánj caꞌne̱j rój rihaan soj xꞌneꞌ nij síí noco̱ꞌ man Cristó ya̱nj chumanꞌ cuꞌna̱j Corinto, ga̱ cunuda̱nj ꞌó nij soj si̱j noco̱ꞌ man Cristó ya̱nj nu̱ꞌ estadó cuꞌna̱j Acaya uún a.
ꞌO̱ se ase vaa quiranꞌ nij xꞌneꞌ nij síí noco̱ꞌ man Yaꞌanj síí ma̱n estadó Judea roꞌ, da̱nj quiranꞌ uún soj, cheꞌé se si̱j noco̱ꞌ man Cristó Jesús me ta̱ranꞌ soj, tinu̱j, nocoj. Dan me se quiranꞌ nij síí ma̱n estadó Judea sayuun, quiꞌyaj nij yuvii̱ israelitá síí ma̱n chiháán nij soꞌ, ne̱ quiranꞌ uún soj sayuun, quiꞌyaj nij síí ma̱n chiháán soj ado̱nj.
Tza̱j ne̱ sese se̱ cuchiꞌ raꞌya̱nj ꞌu̱nj, ne̱ taj se ꞌyaj maꞌ. A̱j neꞌén so̱ꞌ da̱j quiꞌya̱j soj si̱j noco̱ꞌ man Yaꞌanj ga̱a yáán soj ga̱ tinúú soj ado̱nj. ꞌO̱ se tucuá Yaꞌanj me xꞌneꞌ cunuda̱nj soj síí noco̱ꞌ man Yaꞌanj si̱j vaa iꞌna̱ꞌ ya̱ na̱nj á. Cheꞌé maꞌa̱n soj me se acaj yuvii̱ cuentá se vaa ya̱ vaa snana̱ Yaꞌanj ne̱ maꞌa̱n soj me síí nica̱j nana̱ ya̱ ado̱nj.
ကြော်ငြာတွေ