1 Corintios 10:28 - Triqui de San Juan Copala

²⁸ Tza̱j ne̱ sese cata̱j xnaꞌanj ꞌo̱ soꞌ rihaan soj se vaa nee̱ utaꞌ nii rihaan yaꞌanj quiꞌyaj maꞌa̱n yuvii̱ me nee̱ yoꞌ, ne̱ se̱ chá soj man nee̱ yoꞌ a̱ maꞌ. ꞌO̱ se síí cataj xnaꞌanj rihaan soj roꞌ, ne gu̱un ya̱ rá soꞌ se vaa caꞌve̱e cha̱ soj nee̱ yoꞌ, ne̱ cheꞌé dan me se̱ guun cha̱ soj a̱ maꞌ.

1 Corintios 10:28 ပူးပေါင်းရင်းမြစ်များ

Romanos 14:15

Sese yuꞌva̱ꞌ cha̱ꞌ ꞌo̱ rasu̱u̱n rá tinúú so̱ꞌ, ne̱ sese cha̱ so̱ꞌ man yoꞌ, ne̱ gu̱un rá soꞌ cha̱ soꞌ uún, ne̱ dan me se cha̱ soꞌ, ga̱a ne̱ quira̱nꞌ soꞌ cacunꞌ, qui̱ꞌyáá so̱ꞌ á. Sese da̱nj qui̱ꞌyáá so̱ꞌ, ne̱ né si̱j ꞌe̱e̱ rá man tinúú mé so̱ꞌ ga̱a a̱ maꞌ. Se̱ caꞌvej rá so̱ꞌ quira̱nꞌ tinúú so̱ꞌ cacunꞌ cheꞌé se chá chá so̱ꞌ maꞌ. ꞌO̱ se neꞌén so̱ꞌ se vaa caviꞌ Cristó cheꞌé maꞌa̱n tinúú so̱ꞌ ado̱nj.

1 Corintios 10:26

Danj Yaꞌanj taj se vaa nu̱ꞌ cachra̱ꞌ chumii̱ do̱ꞌ, cunuda̱nj rasu̱u̱n ma̱n rihaan chumii̱ do̱ꞌ, me siꞌyaj Yaꞌanj Si̱j ꞌNi̱j Raꞌa man níꞌ a. Da̱nj taj Danj Yaꞌanj, ne̱ taj cheꞌé cuchuꞌvi̱ꞌ níꞌ cha̱ níꞌ man siꞌyaj Síí ꞌNi̱j Raꞌa man níꞌ maꞌ.

1 Corintios 8:7

Tza̱j ne̱ né cunuda̱nj tinúú níꞌ neꞌen nana̱ nihánj maꞌ. Vaa taꞌa̱j nij soꞌ canocoꞌ man yaꞌanj quiꞌyaj maꞌa̱n yuvii̱ ga̱a rque̱, ne̱ taꞌa̱j nij tinúú níꞌ me se ne nucua̱j nimán nij soꞌ, ne̱ ga̱a chá nij soꞌ nee̱ cutaꞌ nii rihaan yaꞌanj quiꞌyaj maꞌa̱n yuvii̱ me se uun vi̱j rá nij soꞌ niꞌya̱j nij soꞌ man nee̱ yoꞌ, cheꞌé se nee̱ cutaꞌ nii rihaan ꞌo̱ yaꞌanj quiꞌyaj maꞌa̱n yuvii̱ me yoꞌ, rá nij soꞌ a. Cacunꞌ me cha̱ꞌ man nee̱ cutaꞌ nii rihaan yoꞌ, rá nij soꞌ, ne̱ cheꞌé dan me sese cha̱ nij tinúú níꞌ síí vaa da̱nj rá man nee̱ yoꞌ, ne̱ quiri̱ꞌ rá nij soꞌ na̱nj ado̱nj.

1 Corintios 8:9

Nda̱ꞌ se caꞌve̱e cha̱ soj me maꞌa̱n rasu̱u̱n, tza̱j ne̱ ta̱dó soj se vaa ma̱an cheꞌé se chá quiꞌya̱j tinúú soj cacunꞌ, quiꞌya̱j soj á.