1 Corintios 10:27 - Triqui de San Juan Copala

²⁷ Sese nacúún ꞌo̱ síí ne nocoꞌ man Cristó man soj cha̱ soj ga̱ soꞌ, ne̱ caꞌve̱e caꞌa̱nj soj cha̱ soj ga̱ soꞌ, sese da̱nj me rá soj, ne̱ caꞌve̱e cha̱ soj na̱j guun rasu̱u̱n rque̱ soꞌ cha̱ soj na̱nj á. Se̱ xnáꞌanj soj sese nee̱ cutaꞌ nii rihaan yaꞌanj quiꞌyaj maꞌa̱n yuvii̱ me nee̱ yoꞌ maꞌ. Ma̱an se cha̱ u̱u̱n soj na̱nj á.

1 Corintios 10:27 ပူးပေါင်းရင်းမြစ်များ

San Lucas 15:23

Ne̱ ticavi̱ꞌ soj man scúj leꞌe̱j ramii ndoꞌo, ne̱ quiꞌya̱j chuvi̱i soj, ne̱ cha̱ níꞌ, ne̱ quiꞌya̱j níꞌ chaꞌanj á.

San Lucas 19:7

Dan me se cuno nij yuvii̱ da̱j cataj Jesús, ga̱a ne̱ nij caꞌmii nij yuvii̱ niꞌya̱j nij soꞌ man Jesús, cataj nij soꞌ a: ―Nihánj me se aranꞌ soꞌ tucuá ꞌo̱ síí tumé ndoꞌo cacunꞌ ado̱nj ―taj nij yuvii̱ niꞌya̱j nij soꞌ man Jesús a.

1 Corintios 10:25

Caꞌve̱e cha̱ soj na̱j guun nee̱ aneꞌ rihaan yuꞌvee, ne̱ se̱ nanó rá soj sese nee̱ cutaꞌ nii rihaan yaꞌanj quiꞌyaj maꞌa̱n yuvii̱ me nee̱ yoꞌ maꞌ. Ma̱an se cha̱ u̱u̱n soj na̱nj á.

2 Corintios 1:13

Dan me se taj va̱j nana̱ nachranꞌ cachrón núj naya̱a̱ soj maꞌ. Ina̱nj nana̱ gu̱un nucua̱j soj naya̱a̱ soj do̱ꞌ, ina̱nj nana̱ gu̱un nucua̱j soj cuno̱ soj do̱ꞌ, me nana̱ cachrón núj naya̱a̱ soj na̱nj ado̱nj. Cuano̱ roꞌ, a̱j nariꞌ soj taꞌa̱j nana̱ cataj xnaꞌanj núj rihaan soj, ne̱ me rá núj nari̱ꞌ gue̱e̱ soj nu̱ꞌ nana̱ yoꞌ a. Da̱nj me rá núj, cheꞌé yan gu̱un niha̱ꞌ rá núj cheꞌé soj güii caꞌna̱ꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj, ne̱ veé da̱nj gu̱un niha̱ꞌ rá soj cheꞌé núj uún na̱nj á.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

2 Corintios 5:11

Chuꞌviꞌ núj cheꞌé se neꞌen núj se vaa quiꞌya̱j Síí ꞌNi̱j Raꞌa man níꞌ sayuun man nij síí tumé cacunꞌ, ne̱ cheꞌé dan nagoꞌ núj chrej nucua̱j man yuvii̱ canoco̱ꞌ nij yuvii̱ man soꞌ, ne̱ a̱j neꞌen Yaꞌanj da̱j vaa nimán núj a. Ne̱ guun ya̱ rá ꞌu̱nj se vaa xca̱j maꞌa̱n nij soj cuentá da̱j vaa nimán núj na̱nj ado̱nj.