1 Corintios 10:25 - Triqui de San Juan Copala

²⁵ Caꞌve̱e cha̱ soj na̱j guun nee̱ aneꞌ rihaan yuꞌvee, ne̱ se̱ nanó rá soj sese nee̱ cutaꞌ nii rihaan yaꞌanj quiꞌyaj maꞌa̱n yuvii̱ me nee̱ yoꞌ maꞌ. Ma̱an se cha̱ u̱u̱n soj na̱nj á.

1 Corintios 10:25 ပူးပေါင်းရင်းမြစ်များ

Hechos 10:15

Ga̱a ne̱ caꞌmii uún síí caꞌmii ga̱ Pedró, cataj soꞌ a: ―Sese Yaꞌanj me síí cataj se vaa cunuu sa̱ꞌ ꞌo̱ rasu̱u̱n, ne̱ se̱ guun cata̱j so̱ꞌ se vaa chiꞌi̱i̱ vaa rasu̱u̱n yoꞌ rihaan so̱ꞌ maꞌ ―taj uún soꞌ rihaan Pedró a.

Romanos 13:5

Cheꞌé dan cuno̱ soj rihaan nij síí nica̱j suun, ne̱ cuchuꞌvi̱ꞌ soj quiꞌya̱j nij soꞌ sayuun man soj sese quiꞌya̱j soj cacunꞌ a. Da̱nj na̱nj uún ne̱ xca̱j soj cuentá se vaa me rá Yaꞌanj quiꞌya̱j soj á.

Romanos 14:14

Cheꞌé se noco̱ꞌ ꞌu̱nj man Jesús Si̱j ꞌNi̱j Raꞌa man níꞌ, ne̱ guun ya̱ raj se vaa a̱ ꞌó rasu̱u̱n ne yuꞌva̱ꞌ ta̱ꞌaꞌ maꞌ. Tza̱j ne̱ sese vaa ꞌo̱ soꞌ uun rá se vaa cacu̱nꞌ cha̱ níꞌ ꞌo̱ rasu̱u̱n, ne̱ ya̱ uxrá cacu̱nꞌ cha̱ soꞌ a.

1 Corintios 8:7

Tza̱j ne̱ né cunuda̱nj tinúú níꞌ neꞌen nana̱ nihánj maꞌ. Vaa taꞌa̱j nij soꞌ canocoꞌ man yaꞌanj quiꞌyaj maꞌa̱n yuvii̱ ga̱a rque̱, ne̱ taꞌa̱j nij tinúú níꞌ me se ne nucua̱j nimán nij soꞌ, ne̱ ga̱a chá nij soꞌ nee̱ cutaꞌ nii rihaan yaꞌanj quiꞌyaj maꞌa̱n yuvii̱ me se uun vi̱j rá nij soꞌ niꞌya̱j nij soꞌ man nee̱ yoꞌ, cheꞌé se nee̱ cutaꞌ nii rihaan ꞌo̱ yaꞌanj quiꞌyaj maꞌa̱n yuvii̱ me yoꞌ, rá nij soꞌ a. Cacunꞌ me cha̱ꞌ man nee̱ cutaꞌ nii rihaan yoꞌ, rá nij soꞌ, ne̱ cheꞌé dan me sese cha̱ nij tinúú níꞌ síí vaa da̱nj rá man nee̱ yoꞌ, ne̱ quiri̱ꞌ rá nij soꞌ na̱nj ado̱nj.

1 Timoteo 4:4

Dan me se nu̱ꞌ rasu̱u̱n quiꞌyaj Yaꞌanj me se sa̱ꞌ, ne̱ ne nó xcúún níꞌ nachri̱ꞌ níꞌ ni̱ꞌyaj níꞌ man se vaa quiꞌyaj Yaꞌanj cheꞌé níꞌ maꞌ. Ma̱an se ni̱caj níꞌ man yoꞌ, ne̱ cata̱j níꞌ guun niꞌya̱j níꞌ rihaan Yaꞌanj cheꞌé rasu̱u̱n yoꞌ cha̱ níꞌ á.

Tito 1:15

Dan me se xa̱ꞌ yuvii̱ vaa sa̱ꞌ nimán, tza̱j ne̱ sa̱ꞌ vaa cunuda̱nj rasu̱u̱n rihaan nij soꞌ, ne̱ xa̱ꞌ yuvii̱ vaa chiꞌi̱i̱ nimán, tza̱j ne̱ da̱j a̱ rasu̱u̱n ruviꞌ niꞌya̱j nij síí chiꞌi̱i̱ síí ne amán rá niꞌya̱j man Cristó roꞌ, chiꞌi̱i̱ vaa ta̱ranꞌ rasu̱u̱n rihaan nij soꞌ na̱nj ado̱nj. Síí vaa da̱nj roꞌ, quiriꞌ raa̱ nij soꞌ do̱ꞌ, nimán nij soꞌ do̱ꞌ, ne̱ ne acaj nij soꞌ cuentá a̱ maꞌ.