1 Corintios 10:18 - Triqui de San Juan Copala

¹⁸ Ne̱ xca̱j soj cuentá se vaa ase vaa ꞌyaj níꞌ cuano̱ roꞌ, da̱nj quiꞌyaj nij yuvii̱ israelitá nij síí ma̱n ga̱a naá, chá cunuda̱nj nij soꞌ nee̱ rqué nij soꞌ rihaan Yaꞌanj, ne̱ cheꞌé dan ase vaa o̱rúnꞌ yuvii̱ roꞌ, da̱nj vaa cunuda̱nj nij soꞌ rihaan Yaꞌanj a.

1 Corintios 10:18 ပူးပေါင်းရင်းမြစ်များ

Romanos 1:3

Dan me se caꞌmii Yaꞌanj cheꞌé Taꞌníí soꞌ Jesucristó Si̱j ꞌNi̱j Raꞌa man níꞌ, ne̱ xa̱ꞌ nee̱ ma̱n soꞌ, tza̱j ne̱ síí noco̱ꞌ xnaꞌanj tuvi̱ꞌ ga̱ rey cuꞌna̱j David síí cayáán ga̱a naá me soꞌ ado̱nj.

Romanos 4:1

Síí cuꞌna̱j Abraham me se xi̱i níꞌ si̱j israelitá me soꞌ ga̱a naá, ne̱ neꞌen níꞌ se vaa né cheꞌe̱ se vaa quiꞌyaj maꞌa̱n soꞌ me cunuu sa̱ꞌ nimán soꞌ maꞌ.

Romanos 4:12

Ne̱ xi̱i nij yuvii̱ ataꞌ taꞌngaꞌ man me uún soꞌ, sese ya̱ noco̱ꞌ nij soꞌ tucuáán noco̱ꞌ maꞌa̱n soꞌ, ne̱ dan me se cuchuma̱n rá nij soꞌ ni̱ꞌyaj nij soꞌ Yaꞌanj, ne̱ tuviꞌ Abraham gu̱un nij soꞌ a. Dan me se xi̱i níꞌ me Abraham, sese quiꞌya̱j níꞌ nda̱a vaa quiꞌyaj soꞌ ado̱nj.

1 Corintios 9:13

Neꞌen soj se vaa nij síí ꞌyaj suun rihaan Yaꞌanj rque nuvií noco̱o roꞌ, chá nij soꞌ taꞌa̱j rasu̱u̱n ꞌanj nica̱j yuvii̱ rque nuvií yoꞌ a. Ne̱ nij síí racuíj man yuvii̱ rqué rasu̱u̱n rihaan Yaꞌanj roꞌ, chá maꞌa̱n nij soꞌ taꞌa̱j rasu̱u̱n yoꞌ, ne̱ dan me se no̱ xcúún nij soꞌ cha̱ nij soꞌ rasu̱u̱n yoꞌ ado̱nj.

Gálatas 6:16

Me rá ꞌu̱nj ga̱a̱ xe̱j nimán ta̱ranꞌ soj si̱j noco̱ꞌ tucuáán nihánj, ne̱ ga̱a̱ ꞌe̱e̱ rá Yaꞌanj man soj ado̱nj. Ya̱ ase vaa yuvii̱ israelitá me soj rihaan Yaꞌanj na̱nj chugua̱nj.

Hebreos 13:10

Dan me se ase vaa síí nicu̱nꞌ mesá altar rihaan, ne̱ ma̱n rasu̱u̱n sa̱ꞌ rihaan ꞌyaj Yaꞌanj roꞌ, da̱nj vaa níꞌ chugua̱nj. Ne̱ o̱rúnꞌ níꞌ me síí no̱ xcúún cha̱ rasu̱u̱n ta̱j rihaan mesá altar yoꞌ ado̱nj. Ne̱ nij síí ꞌyaj suun cheꞌé tucuáán nga̱ tucuáán noco̱ꞌ nii rá nuvií noco̱o roꞌ, ne nó xcúún nij soꞌ cha̱ nij soꞌ nij rasu̱u̱n sa̱ꞌ ta̱j rihaan se‑mesa̱ níꞌ a̱ maꞌ.