1 Corintios 10:15 - Triqui de San Juan Copala

¹⁵ Síí a̱j acaj cuentá me soj, raj, ne̱ cheꞌé dan me nuchru̱j ra̱a̱ soj nana̱ aꞌmij á.

1 Corintios 10:15 ပူးပေါင်းရင်းမြစ်များ

1 Corintios 10:14

Cheꞌé dan tu̱mé uxrá soj man soj si̱j ꞌe̱e̱ ndoꞌo raj man chugua̱nj. Se̱ caráj gue̱e̱ soj rihaan yaꞌanj quiꞌyaj maꞌa̱n yuvii̱ maꞌ.

1 Corintios 10:16

Dan me se ga̱a nuu chre̱ꞌ níꞌ rihaan Yaꞌanj, ne̱ vaa ꞌo̱ tazá na vinó rihaan níꞌ, ne̱ taj níꞌ guun niꞌya̱j níꞌ rihaan Yaꞌanj cheꞌé tazá, ne̱ ase vaa ton cavii man Cristó roꞌ, da̱nj vaa na vinó yoꞌ rihaan níꞌ a. Ne̱ da̱nj tihaa̱n níꞌ se vaa uun rcuaꞌa̱a̱n níꞌ ga̱ Cristó cheꞌé ton cavii man soꞌ chugua̱nj. Ga̱a ne̱ uxraꞌ taꞌa̱j níꞌ rachrúún, ga̱a ne̱ chá ta̱ranꞌ níꞌ do̱j rachrúún yoꞌ, ne̱ ase vaa nee̱ man Cristó roꞌ, da̱nj vaa rachrúún yoꞌ rihaan níꞌ a. Ne̱ da̱nj tihaa̱n níꞌ se vaa uun rcuaꞌa̱a̱n níꞌ ga̱ Cristó cheꞌé se caviꞌ Cristó cheꞌé níꞌ chugua̱nj.

1 Corintios 11:13

Nuchru̱j ra̱a̱ maꞌa̱n soj da̱j quiꞌya̱j soj á. Cuna̱j vaa cachi̱nj niꞌya̱j chana̱ rihaan Yaꞌanj sese se̱ caráán raa̱ noꞌ, rá soj naꞌ.

1 Corintios 14:20

Ga̱a̱ sca̱ꞌ raa̱ nij soj, tinu̱j, nocoj. Se̱ gaa raa̱ soj ase vaa raa̱ ꞌo̱ xnii maꞌ. Dan me se ase vaa neꞌej ataa nari̱ꞌ quiꞌya̱j cacunꞌ roꞌ, da̱nj ga̱a̱ soj, tza̱j ne̱ ga̱a̱ sca̱ꞌ raa̱ soj á.

1 Corintios 4:10

Dan me se ase vaa síí niꞌyo̱n vaa núj rihaan chumii̱ nihánj, cheꞌé Cristó, tza̱j ne̱ síí cu̱u raa̱ me soj cheꞌé Cristó, rá soj a. Ne̱ síí nucua̱j ndoꞌo me soj, rá soj, tza̱j ne̱ núj me se síí ninaj me núj a. Ne̱ veꞌé ndoꞌo aráj cochro̱j yuvii̱ rihaan soj, tza̱j ne̱ xa̱ꞌ maꞌa̱n núj, tza̱j ne̱ tana̱nj a̱ nachriꞌ yuvii̱ niꞌya̱j yuvii̱ man núj a.

1 Corintios 6:5

Dan me se vaa cheꞌé gu̱un naꞌa̱j ya̱ soj cheꞌé se vaa ꞌyaj soj na̱nj á. Nuviꞌ a̱ ꞌó tinúú soj síí gu̱un nucua̱j naquiꞌya̱j cu̱u cheꞌé tinúú soj síí ma̱n scaꞌnúj soj a̱ naꞌ.

1 Corintios 8:1

Ne̱ cata̱j xnaꞌanj ꞌu̱nj rihaan soj cheꞌé nee̱ a̱j cutaꞌ nii rihaan yaꞌanj quiꞌyaj maꞌa̱n yuvii̱ a. Neꞌen níꞌ se vaa síí acaj cuentá me cunuda̱nj níꞌ, ne̱ né se yaꞌa̱nj tihaꞌ me neꞌen níꞌ, ne̱ caꞌmi̱i̱ xta̱ꞌ níꞌ maꞌ. ꞌO̱ se nij ndoꞌo vaa sese da̱nj quiꞌya̱j níꞌ ado̱nj. Tza̱j ne̱ sese ꞌe̱e̱ rá níꞌ man tinúú níꞌ, ne̱ ra̱cuíj níꞌ man tinúú níꞌ, ga̱a ne̱ doj a̱ cavi̱i̱ sa̱ꞌ níꞌ á.

1 Tesalonicenses 5:21

Tza̱j ne̱ xca̱j soj cuentá da̱j vaa ꞌo̱ ꞌo̱ nana̱ cuno̱ soj, ga̱a ne̱ queneꞌe̱n soj sese ya̱ nana̱ caꞌmii Nimán Yaꞌanj me yoꞌ, ne̱ sa̱ꞌ cu̱nuû rá soj nu̱ꞌ nana̱ sa̱ꞌ yoꞌ á.