1 Corintios 10:11 - Triqui de San Juan Copala

¹¹ Ina̱nj da̱nj quiranꞌ nij yuvii̱ israelitá nij síí cumán ga̱a naá, ga̱a ne̱ cachrón nii nana̱ nihánj cheꞌé nij soꞌ rihaan yanj, cheꞌé yan xca̱j níꞌ cuentá da̱j quiꞌya̱j níꞌ tiempó ya̱j, cheꞌé se nichrunꞌ quisi̱j ya̱ nu̱ꞌ se vaa ataꞌ tuꞌva Yaꞌanj cheꞌé chumii̱ a.

1 Corintios 10:11 ပူးပေါင်းရင်းမြစ်များ

San Mateo 13:39

Ne̱ ase vaa síí tixꞌnuu̱ caân coj chiꞌi̱i̱ rihaan yoꞌóó yoꞌ roꞌ, vaa maꞌa̱n Síí Chre̱e yoꞌ, ne̱ ase vaa güii caꞌne̱ꞌ Yaꞌanj cacunꞌ cheꞌé yuvii̱ ma̱n rihaan chumii̱ nihánj roꞌ, da̱nj vaa güii quiri̱i̱ nii naa̱ yoꞌ, ne̱ ase vaa nij se‑mo̱zó Yaꞌanj vaa nij síí quiri̱i̱ naa̱ yoꞌ ado̱nj.

San Mateo 13:40

Dan me se ase vaa naquiꞌya̱j chre̱ꞌ nii man coj yoꞌ ne̱ caca̱a̱ yoꞌ rihaan yaꞌan roꞌ, da̱nj ga̱a̱ quira̱nꞌ nij síí noco̱ꞌ man Síí Chre̱e güii caꞌne̱ꞌ Yaꞌanj cacunꞌ cheꞌé yuvii̱ ma̱n rihaan chumii̱ nihánj ado̱nj.

Romanos 13:11

Da̱nj quiꞌya̱j nij soj, ga̱a̱ ꞌe̱e̱ rá nij soj tuviꞌ soj á. ꞌO̱ se neꞌen soj da̱j vaa chumii̱ nihánj cuano̱ na̱nj á. Xca̱j soj cuentá á. Dan me se asi̱j naca̱ cuchumán rá níꞌ niꞌya̱j níꞌ man Cristó, ne̱ nichrunꞌ güii nani̱i̱ níꞌ rihaan sayuun ne̱ cavi̱i̱ sa̱ꞌ níꞌ, rá níꞌ, tza̱j ne̱ cuano̱ nihánj me se ya̱ nichrunꞌ güii yoꞌ ado̱nj.

Romanos 13:12

Dan me se nichrunꞌ rá ranga̱ꞌ, ne̱ da̱j doj quisi̱j güii caꞌna̱ꞌ Cristó, ne̱ cheꞌé dan se̱ quiꞌyaj níꞌ cacunꞌ nda̱a vaa ꞌyaj yuvii̱ chéé rej nii̱ maꞌ. ꞌO̱ se adi̱ꞌ se chuguu̱n rej ranga̱ꞌ roꞌ, da̱nj ga̱a̱ cuchugu̱u̱n nimán níꞌ, ne̱ ꞌo̱ ga̱a̱ nucua̱j níꞌ quiꞌya̱j níꞌ se‑su̱u̱n Yaꞌanj á.

Romanos 15:4

Ga̱a naá me se cachrón nii nana̱ rihaan Danj Yaꞌanj yan nari̱ꞌ maꞌa̱n níꞌ da̱j quiꞌya̱j níꞌ ga̱a ne̱ gu̱un nucua̱j níꞌ quiꞌya̱j canaán níꞌ rihaan sayuun ne̱ nari̱ꞌ nucuaj nimán níꞌ ga̱a ne̱ caꞌve̱e gu̱un ya̱ rá níꞌ se vaa vaa güii cavi̱i̱ sa̱ꞌ níꞌ a.

Romanos 4:23

tza̱j ne̱ né cheꞌe̱ o̱rúnꞌ Abraham aꞌmii nana̱ yoꞌ nana̱ no̱ rihaan Danj Yaꞌanj maꞌ.

1 Corintios 10:6

Xca̱j ra̱a̱ níꞌ da̱j quiꞌyaj nij yuvii̱ israelitá ga̱a naá, ne̱ xca̱j níꞌ cuentá da̱j quiꞌya̱j níꞌ ya̱j á. Dan me se guun ndoꞌo rá nij yuvii̱ israelitá quiꞌya̱j nij soꞌ se nij, ga̱a ne̱ quiranꞌ nij soꞌ sayuun, ne̱ cheꞌé dan xca̱j níꞌ cuentá se vaa ne nó xcúún níꞌ gu̱un rá níꞌ quiꞌya̱j níꞌ se nij maꞌ.

1 Corintios 7:29

Dan me se me raj cuno̱ soj ꞌo̱ nana̱, tinu̱j, nocoj: Nichrunꞌ quisi̱j tiempó nihánj, ne̱ cheꞌé dan me se̱ nica̱j xraan níꞌ man rasu̱u̱n ma̱n rihaan chumii̱ nihánj maꞌ. Dan me se síí vaa nica̱ roꞌ, ase vaa síí ya̱a̱n roꞌ, da̱nj ga̱a̱ soꞌ ca̱yáán soꞌ á.

1 Corintios 9:10

Ase cheꞌé maꞌa̱n ya̱ níꞌ aꞌmii nana̱ nihánj xa̱ꞌ. Cheꞌé maꞌa̱n ya̱ níꞌ aꞌmii nana̱ nihánj ado̱nj. Síí uxraꞌ yoꞌóó roꞌ, no̱ xcúún soꞌ ga̱a̱ nucua̱j rá soꞌ se vaa ya̱ quiri̱ꞌ soꞌ taꞌa̱j se achij rihaan yoꞌóó yoꞌ vaa güii ado̱nj. Ne̱ síí rii naa̱ roꞌ, no̱ xcúún soꞌ ga̱a̱ nucua̱j rá soꞌ se vaa quiri̱ꞌ maꞌa̱n soꞌ taꞌa̱j se rii soꞌ man rque naa̱ yoꞌ chugua̱nj.

Gálatas 4:24

Ro̱j chana̱ nihánj roꞌ, da̱j se vaa ro̱j tucuáán uun ya̱ ataꞌ tuꞌva Yaꞌanj ga̱ níꞌ vaa ro̱j noꞌ a. ꞌO̱ se ꞌo̱ tucuáán me se avii quij Sinaí, ne̱ nij síí noco̱ꞌ tucuáán yoꞌ roꞌ, mozó u̱u̱n me nij soꞌ ado̱nj. Da̱j se vaa chana̱ cuꞌna̱j Agar vaa nij soꞌ a.

Filipenses 4:5

Ina̱nj niꞌya̱nj caꞌmi̱i̱ soj rihaan cunuda̱nj yuvii̱ ma̱n rihaan chumii̱ nihánj, ne̱ xca̱j nij yuvii̱ cuentá se vaa síí sa̱ꞌ me soj á. Nichrunꞌ caꞌna̱ꞌ uún Síí ꞌNi̱j Raꞌa man níꞌ na̱nj ado̱nj.

Hebreos 10:25

Ne̱ se̱ tanáj níꞌ tucuáán nuu chre̱ꞌ níꞌ ga̱ tinúú níꞌ maꞌ. ꞌO̱ se vaa yuvii̱ ne nocoꞌ tucuáán yoꞌ, tza̱j ne̱ no̱ xcúún soj nago̱ꞌ soj chrej nucua̱j man tinúú soj ga̱a nuu chre̱ꞌ soj á. Ne̱ ya̱j roꞌ, doj a̱ cunu̱u chre̱ꞌ soj, cheꞌé se neꞌen soj se vaa nichrunꞌ quisi̱j güii caꞌna̱ꞌ uún Cristó rihaan chumii̱ nihánj na̱nj ado̱nj.

Hebreos 10:37

Dan me se Danj Yaꞌanj taj se vaa nichrunꞌ caꞌna̱ꞌ síí caꞌna̱ꞌ, ne̱ se̱ guun ra̱a̱n soꞌ maꞌ.

1 Juan 2:18

Dan me se ase vaa taꞌníj vaa soj, ne̱ me raj cuno̱ soj nana̱ nihánj ado̱nj. ꞌO̱ se nichrunꞌ navi̱j güii man níꞌ, ne̱ a̱j cuno soj nana̱ se vaa caꞌna̱ꞌ maꞌa̱n síí ta̱j riꞌyunj man Cristó, ne̱ cata̱j soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me soꞌ, ne̱ nihánj me se a̱j caꞌnaꞌ queꞌe̱e̱ síí ta̱j riꞌyunj man Cristó, ne̱ cheꞌé dan neꞌen ya̱ níꞌ se vaa ya̱ nichrunꞌ navi̱j güii man níꞌ ado̱nj.