1 Corintios 10:1 - Triqui de San Juan Copala

¹ Me raj xca̱j nij soj cuentá cheꞌé xi̱i núj si̱j israelitá nij síí cumán ga̱a naá, tinu̱j, nocoj, se vaa caráán ngaa rihaan güii xráá cunuda̱nj nij soꞌ, quiꞌyaj Yaꞌanj, ne̱ cachén sa̱ꞌ nij soꞌ tanu̱u̱ na yaꞌa̱nj, quiꞌyaj Yaꞌanj,

1 Corintios 10:1 ပူးပေါင်းရင်းမြစ်များ

San Juan 4:20

Dan me se xi̱i núj roꞌ, aráj gue̱e̱ nij soꞌ rihaan Yaꞌanj xráá quij nihánj, tza̱j ne̱ soj si̱j israelitá taj se vaa o̱rúnꞌ chumanꞌ Jerusalén me rej no̱ xcúún níꞌ cara̱a̱ gue̱e̱ níꞌ rihaan Yaꞌanj, taj soj ado̱nj ―taj chana̱ yoꞌ rihaan Jesús a.

Romanos 1:13

Ne̱ me raj queneꞌe̱n soj se vaa guun queꞌe̱e̱ güii cachronj cuchi̱j chiháán soj, tinu̱j, nocoj. Tza̱j ne̱ ne caꞌve̱e cuchi̱j, cheꞌé se vaa chru̱j rihanj, tza̱j ne̱ ase vaa natáꞌ ꞌu̱nj rihaan ꞌó nij yuvii̱ yaníj roꞌ, da̱nj ga̱a̱ gue̱e̱ nata̱ꞌ ꞌu̱nj rihaan soj a. Nda̱a síj, ga̱a ne̱ cunu̱u ri̱i̱ doj tuviꞌ níꞌ, quiꞌya̱j níꞌ ado̱nj.

Romanos 11:21

Dan me se nda̱ꞌ se chru̱un cavii man raa̱ chruun ya̱ me nij síí israelitá, tza̱j ne̱ ne cara̱a̱ xꞌnaa Yaꞌanj rihaan nij soꞌ, ne̱ quiriꞌíj yaníj Yaꞌanj man maꞌa̱n ya̱ nij soꞌ, ne̱ cheꞌé dan táá a̱ soj, ne̱ se̱ cuchuꞌviꞌ Yaꞌanj quiriꞌi̱j yaníj Yaꞌanj man soj si̱j raꞌa chruun olivó ma̱n rcoꞌ a̱ maꞌ.

Romanos 4:11

Cachén queꞌe̱e̱ yoꞌ caꞌmii Yaꞌanj da̱nj cheꞌé soꞌ, ga̱a ne̱ cutaꞌ maꞌa̱n soꞌ taꞌngaꞌ man soꞌ, ne̱ tihaa̱n soꞌ rihaan nij yuvii̱ ma̱n rihaan chumii̱ se vaa a̱j tinavij ya̱ Yaꞌanj cacunꞌ xráá soꞌ a. Dan me se guun soꞌ xi̱i cunuda̱nj nij yuvii̱ nuu sa̱ꞌ nimán rihaan Yaꞌanj yuvii̱ ne ataꞌ taꞌngaꞌ man, ne̱ ase vaa quiꞌyaj Abraham roꞌ, da̱nj ꞌyaj uún nij soꞌ a. Dan me se cuchumán rá Abraham niꞌya̱j soꞌ Yaꞌanj ga̱a ataa cata̱ꞌ taꞌngaꞌ man soꞌ, ne̱ da̱nj ꞌyaj nij síí yaníj uún a.

1 Corintios 12:1

Me raj xca̱j soj cuentá cheꞌé suun sa̱ꞌ nica̱j níꞌ ꞌyaj Nimán Yaꞌanj, tinu̱j, nocoj.

1 Corintios 14:38

Sese vaa ꞌo̱ síí taj se vaa né na̱na̱ cataj xnaꞌanj Síí ꞌNi̱j Raꞌa man níꞌ me nana̱ nihánj, ne̱ se̱ cuchumán rá níꞌ se vaa si̱j nataꞌ snana̱ Yaꞌanj me maꞌa̱n soꞌ maꞌ.

Gálatas 3:29

Cheꞌé se si̱j noco̱ꞌ man Cristó me soj roꞌ, cheꞌé dan maꞌa̱n ya̱ taꞌníí taꞌnij siꞌno̱ síí cuꞌna̱j Abraham me soj rihaan Yaꞌanj, nda̱a vaa cataj Yaꞌanj rihaan Abraham se vaa quiꞌya̱j soꞌ se lu̱j rihaan ta̱ranꞌ nij taꞌníí taꞌnij siꞌno̱ Abraham ado̱nj.

Hebreos 11:29

Dan me se nij yuvii̱ israelitá me se cheꞌé se amán rá nij soꞌ niꞌya̱j nij soꞌ Yaꞌanj roꞌ, cheꞌé dan guun nucua̱j nij soꞌ cachén nij soꞌ tanu̱u̱ na yaꞌa̱nj cuꞌna̱j Na Yaꞌa̱nj Veꞌe̱j a. Ne̱ xꞌneꞌ tanu̱u̱ na yaꞌa̱nj yoꞌ, ne̱ quináj yoꞌóó naco̱o̱ ina̱nj cachén nij soꞌ, quiꞌyaj Yaꞌanj a. Tza̱j ne̱ ga̱a guun rá nij síí ma̱n yoꞌóó Egiptó cache̱n nij soꞌ, ne̱ canó xráá nij soꞌ, quiꞌyaj na yoꞌ a.