1 Corintios 1:4 - Triqui de San Juan Copala

⁴ Niga̱nj taj ꞌu̱nj guun niꞌya̱j níꞌ rihaan Yaꞌanj cheꞌé nij soj cheꞌé se lu̱j quiꞌyaj Yaꞌanj cheꞌé soj cheꞌé se noco̱ꞌ soj man Cristó Jesús ado̱nj.

1 Corintios 1:4 ပူးပေါင်းရင်းမြစ်များ

San Mateo 19:11

Ga̱a ne̱ cataj Jesús a: ―Né tucua̱nj canoco̱ꞌ cunuda̱nj snóꞌo me nana̱ caꞌmii soj maꞌ. Ma̱an se do̱j nij snóꞌo canoco̱ꞌ tucuáán yoꞌ, quiꞌya̱j Yaꞌanj na̱nj ado̱nj.

San Juan 10:30

ꞌO̱ se ase vaa o̱rúnꞌ yuvii̱ vaa ꞌu̱nj ga̱ Réj ado̱nj ―taj Jesús rihaan nij soꞌ a.

San Juan 14:14

Sese cachi̱nj soj ꞌo̱ rasu̱u̱n rihanj cheꞌé se‑chu̱vií ꞌu̱nj, ne̱ veé da̱nj qui̱ꞌyáj ado̱nj.

San Juan 14:16

Ga̱a ne̱ cachi̱nj niꞌya̱j ma̱ꞌanj rihaan Réj Yaꞌanj, ga̱a ne̱ caꞌne̱j soꞌ ꞌó síí cuchi̱ꞌ rihaan soj, ne̱ ra̱cuíj ndoꞌo soꞌ man soj, ne̱ ca̱yáán soꞌ ga̱ soj nu̱ꞌ cavii nu̱ꞌ caꞌanj a.

San Juan 14:26

Tza̱j ne̱ vaa güii caꞌne̱j Réj Yaꞌanj man Nimán soꞌ cuchi̱ꞌ Nimán soꞌ rihaan soj cheꞌé se‑chu̱vií ꞌu̱nj a. Ne̱ ra̱cuíj ndoꞌo Nimán soꞌ man soj, ga̱a ne̱ tu̱cuꞌyón Nimán soꞌ nu̱ꞌ nana̱ man soj a. Ne̱ ninu̱j rá soj nu̱ꞌ nana̱ caꞌmij rihaan soj, quiꞌya̱j Nimán Yaꞌanj yoꞌ na̱nj ado̱nj.

San Juan 15:26

’Dan me se caꞌne̱j ꞌu̱nj Nimán Yaꞌanj cavi̱i̱ soꞌ rej ya̱nj Yaꞌanj caꞌna̱ꞌ soꞌ rihaan soj, ne̱ ra̱cuíj ndoꞌo soꞌ man soj, ne̱ ina̱nj nana̱ ya̱ rque̱ soꞌ man soj a. Asa̱ꞌ caꞌnaꞌ Nimán Yaꞌanj rihaan soj, ga̱a ne̱ cata̱j xnaꞌanj soꞌ rihaan nij yuvii̱ cheꞌej ado̱nj.

Hechos 11:23

Dan me se cuchiꞌ soꞌ, ga̱a ne̱ queneꞌen soꞌ se vaa quiꞌyaj ndoꞌo Yaꞌanj se lu̱j ga̱ nij síí yaníj yoꞌ, ne̱ guun niha̱ꞌ uxrá rá soꞌ a. Ne̱ narqué soꞌ chrej sa̱ꞌ rihaan nij síí yaníj yoꞌ se vaa caꞌne̱j nimán nij soꞌ ꞌo̱ canoco̱ꞌ xraan nij soꞌ man Síí ꞌNi̱j Raꞌa man níꞌ a.

Hechos 21:20

Ne̱ ga̱a cuno nij síí chij snana̱ Pabló, ne̱ cataj nij soꞌ se vaa sa̱ꞌ uxrá quiꞌyaj Yaꞌanj ga̱ nij síí yaníj a. Ga̱a ne̱ cataj nij tuvi̱ꞌ Jacobo rihaan Pabló a: ―A̱j neꞌén so̱ꞌ se vaa queꞌe̱e̱ míj tuviꞌ níꞌ si̱j israelitá amán rá niꞌya̱j man Jesucristó, tinu̱j. Ne̱ nij soꞌ roꞌ, me síí ya̱nj uxrá quiꞌya̱j nu̱ꞌ nda̱a vaa taj stucua̱nj Moisés a.

Romanos 1:8

Cuno yuvii̱ ma̱n nu̱ꞌ rihaan chumii̱ se vaa amán rá nij soj niꞌya̱j soj Yaꞌanj, ne̱ cheꞌé dan me taj ꞌu̱nj guun niꞌya̱j níꞌ rihaan Yaꞌanj, ne̱ racuíj Jesucristó mán ꞌu̱nj taj ꞌu̱nj guun niꞌya̱j níꞌ rihaan Yaꞌanj cheꞌé cunuda̱nj soj na̱nj á.

Romanos 6:17

Ga̱a rque̱ me se se‑mo̱zó cacunꞌ me soj, tza̱j ne̱ guun rá maꞌa̱n soj cuno̱ soj tucuáán tucuꞌyón núj rihaan soj cheꞌé Yaꞌanj, ne̱ cheꞌé dan taj ꞌu̱nj guun niꞌya̱j níꞌ rihaan Yaꞌanj ado̱nj.

1 Corintios 1:3

Me rá núj quiꞌya̱j Rej níꞌ Yaꞌanj quiꞌya̱j Jesucristó Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé soj, ne̱ me rá núj ga̱a̱ xe̱j nimán soj, quiꞌya̱j ro̱j soꞌ ado̱nj.

1 Timoteo 1:14

Tana̱nj quiꞌyaj uxrá Cristó Jesús Si̱j ꞌNi̱j Raꞌa man níꞌ se lu̱j ga̱ ꞌu̱nj, se vaa cuchumán rá ꞌu̱nj niꞌya̱j ꞌu̱nj man soꞌ, ne̱ cunuu ꞌe̱e̱ raj tuvij, quiꞌyaj soꞌ ado̱nj.