Ne̱ ꞌnúú trigó cayuu scaꞌnúj coj tanj roꞌ, ase vaa síí uno snana̱ Yaꞌanj vaa yoꞌ, tza̱j ne̱ nanó ndoꞌo rá soꞌ cheꞌé rasu̱u̱n ma̱n rihaan chumii̱ nihánj, ne̱ me ndoꞌo rá soꞌ quiꞌya̱j canaán soꞌ saꞌanj, ne̱ cheꞌé dan tihaꞌ yuꞌunj soꞌ man maꞌa̱n soꞌ cheꞌé saꞌanj a. Cheꞌé dan me taj se ꞌyáꞌ canoco̱ꞌ sa̱ꞌ soꞌ nana̱ nariꞌ soꞌ, ne̱ ne nuu sa̱ꞌ nimán soꞌ rihaan Yaꞌanj maꞌ.
1 Corintios 1:20 - Triqui de San Juan Copala20 Ne̱ da̱j ranꞌ nij síí avii ndoꞌo raa̱ do̱ꞌ, nij síí chru̱u̱n yanj do̱ꞌ, nij síí cu̱u raa̱ ma̱n rihaan chumii̱ nihánj cuano̱ do̱ꞌ, rá soj ga̱. Ya̱j nihánj me se nana̱ snúú rmaꞌa̱n avii raa̱ nij soꞌ, quiꞌyaj Yaꞌanj na̱nj ado̱nj. အခန်းကိုကြည့်ပါ။ |
1 Corintios 1:20
28 ပူးပေါင်းရင်းမြစ်များ
Dan me se ma̱n ndoꞌo síí chru̱u̱n yanj ne̱ chumanꞌ Atenas, ne̱ taꞌa̱j nij soꞌ me síí tucuꞌyón snana̱ síí cuꞌna̱j Epicuro, ne̱ ꞌó taꞌa̱j nij soꞌ cuꞌna̱j estoico a. Ne̱ do̱j tuviꞌ nij soꞌ aꞌmii anó tuviꞌ ga̱ Pabló a. Dan me se taꞌa̱j nij soꞌ cataj a: ―Me taj síí nihánj tuꞌva rmaꞌa̱n soꞌ da̱nj, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ, niꞌya̱j nij soꞌ man Pabló a. Ne̱ ꞌó taꞌa̱j nij soꞌ cataj a: ―Síí aꞌmii natáj snana̱ yaꞌanj curuviꞌ naca̱ me soꞌ na̱nj á ―taj ꞌó taꞌa̱j nij yuvii̱, ese nataꞌ Pabló nana̱ sa̱ꞌ cheꞌé Jesús rihaan nij soꞌ, ne̱ nataꞌ Pabló se vaa caꞌve̱e cunu̱u iꞌna̱ꞌ uún nij síí caviꞌ a.
Dan me se ga̱a quiꞌyaj Yaꞌanj chumii̱, ne̱ curuviꞌ nu̱ꞌ rasu̱u̱n quiꞌyaj Yaꞌanj niꞌya̱j yuvii̱, ne̱ nuviꞌ maꞌa̱n Yaꞌanj niꞌya̱j yuvii̱, tza̱j ne̱ neꞌen yuvii̱ nij rasu̱u̱n quiꞌyaj Yaꞌanj a. Ne̱ me rá Yaꞌanj xca̱j nij yuvii̱ cuentá se vaa síí uun chij ndoꞌo me Yaꞌanj, ne̱ dan me se xca̱j nij yuvii̱ cuentá se vaa ya̱ o̱rúnꞌ soꞌ me Yaꞌanj, ne̱ xca̱j nij yuvii̱ cuentá se vaa ga̱a̱ nucua̱j ndoꞌo Yaꞌanj nu̱ꞌ caꞌnaꞌ nu̱ꞌ caꞌanj a. Cheꞌé dan sese cata̱j nij yuvii̱ se vaa ne neꞌen nij yuvii̱ da̱j vaa Yaꞌanj, ne̱ síí ne̱ me nij yuvii̱ na̱nj ado̱nj.
Ma̱an se ina̱nj síí niꞌyo̱n ma̱n rihaan chumii̱ narii Yaꞌanj, ne̱ dan me se nacaj Yaꞌanj man nij síí niꞌyo̱n, cheꞌé rej gu̱un naꞌa̱j nij síí avii ndoꞌo raa̱ ma̱n rihaan chumii̱ na̱nj á. Ne̱ síí taj snucua̱j ma̱n rihaan chumii̱ narii Yaꞌanj, ne̱ dan me se nacaj Yaꞌanj man nij soꞌ, cheꞌé se me rá Yaꞌanj gu̱un naꞌa̱j nij síí vaa snucua̱j rihaan chumii̱ nihánj na̱nj ado̱nj.
Tza̱j ne̱ ma̱an cheꞌé se nij ꞌyaj níꞌ, rá Síí ꞌNi̱j Raꞌa man níꞌ, ne̱ cheꞌé dan ꞌyaj soꞌ sayuun man níꞌ, cheꞌé rej nari̱ꞌ níꞌ da̱j quiꞌya̱j níꞌ cavi̱i̱ sa̱ꞌ níꞌ ado̱nj. Sese nari̱ꞌ sa̱ꞌ níꞌ chrej sa̱ꞌ, ga̱a ne̱ se̱ quiranꞌ níꞌ sayuun quiꞌya̱j Yaꞌanj, asa̱ꞌ quiꞌyaj soꞌ sayuun man cunuda̱nj yuvii̱ ma̱n rihaan chumii̱ nihánj maꞌ.
Tza̱j ne̱ ya̱ nana̱ cu̱u aꞌmii núj rihaan nij yuvii̱ a̱j cachij cheꞌé stucua̱nj Yaꞌanj, tza̱j ne̱ né na̱na̱ avii raa̱ yuvii̱ ma̱n rihaan chumii̱ nihánj cuano̱ me nana̱ aꞌmii núj maꞌ. Ne aꞌmii núj nana̱ avii raa̱ nij síí uun chij rihaan chumii̱ nihánj cuano̱ maꞌ. ꞌO̱ se nichrunꞌ caꞌne̱e̱ Yaꞌanj suun uun chij ata̱ nij soꞌ na̱nj ado̱nj.
Sese vaa ꞌo̱ tuviꞌ soj avii ndoꞌo raa̱ nana̱ cu̱u nana̱ uno yuvii̱ ma̱n rihaan chumii̱ nihánj cuano̱, rá maꞌa̱n soꞌ, ne̱ dan me se caꞌne̱ꞌ rá soꞌ ga̱ suun aꞌmii da̱nj na̱nj á. Se̱ guun tiha̱ꞌ yuꞌunj soꞌ man maꞌa̱n soꞌ maꞌ. Ma̱an se xca̱j soꞌ cuentá ne̱ naquiꞌya̱j soꞌ síí snúú rmaꞌa̱n man soꞌ, ga̱a ne̱ caꞌve̱e quisi̱j soꞌ gu̱un soꞌ síí avii ndoꞌo raa̱ doj chugua̱nj.
Nana̱ avii raa̱ yuvii̱ ma̱n rihaan chumii̱ nihánj roꞌ, daj chiha̱a̱ míj taj se uun nana̱ yoꞌ rihaan Yaꞌanj maꞌ. ꞌO̱ se Danj Yaꞌanj taj se vaa yuvii̱ avii raa̱ roꞌ, me rá nij soꞌ tiha̱ꞌ yuꞌunj nij soꞌ tuviꞌ nij soꞌ, tza̱j ne̱ nica̱j Yaꞌanj nana̱ avii raa̱ nij soꞌ, ne̱ tiha̱ꞌ yuꞌunj nij soꞌ man maꞌa̱n nij soꞌ ꞌyaj Yaꞌanj na̱nj ado̱nj. Da̱nj taj Danj Yaꞌanj á.
Ne̱ ne neꞌen soj se vaa vaa güii, ne̱ caꞌne̱ꞌ níꞌ si̱j noco̱ꞌ man Cristó cunuda̱nj cacunꞌ cheꞌé cunuda̱nj nij yuvii̱ ma̱n rihaan chumii̱ nihánj a̱ naꞌ. Sese caꞌne̱ꞌ soj cacunꞌ cheꞌé cunuda̱nj chumii̱ vaa güii, ga̱a ne̱ me cheꞌé se̱ guun nucua̱j soj caꞌne̱ꞌ soj cacunꞌ cheꞌé cacunꞌ leꞌe̱j nii cuano̱ ga̱.
ကြော်ငြာတွေ