SANTIAGO 2:11 - Tepehua Pisaflores

¹¹ Mu an Dios nawlh: “Jant'u k'at'at'amat'i yu jant'u yu t'at'a'un”, chi nawpalay: “Jant'u k'ajama'nin.” Pus chaway, li xamati jantu t'atamayi yu jantu t'at'ajun, pero li jama'ninin, jantucha muktaxtuyi an lhamap'a'sin.

SANTIAGO 2:11 ပူးပေါင်းရင်းမြစ်များ

SAN MATEO 19:18

An ts'alh najun: ―¿Tanyucha lhamap'a'sini? Pus an Jesús juniy, an tan najunta: ―Jant'u kat'ijama'nin, jant'u k'at'it'at'amat'i yu jant'u yu t'at'a'un, jant'u k'at'ija'alhawan, jant'u k'at'imaslak'at'in.

SAN MARCOS 10:19

K'ats'aycha an lhamap'a'sin: “Jant'u wa aya k'alat'i, jant'u k'ajama'nin, jant'u k'aja'alhawan, jant'u k'amaslak'at'in, jant'u k'aja'o'xch'o'on, oxi k'ala'ts'i mimpay chi minati.”

SAN LUCAS 18:20

K'ats'aycha an lhamap'a'sin tan najun: “Jant'u k'at'at'amat'i yu jant'u t'at'a'un, jant'u k'ajama'nin, jant'u k'aja'alhawan, jant'u xamat'i wa aya k'alhich'iwin, ch'i oxi k'ala'ts'i mimpay chi minati.”

ROMANOS 13:9

An lhamap'a'sin najun: “Jant'u wa aya k'alat'i, jant'u k'ajama'nin, jant'u k'aja'alhawan, jant'u k'ask'unla'ts'i tu'u'.” Tacha ani laknajun an lhamap'a'sin chi an alicha lhamap'a'sin, anchacha naw'ojota an tan najun: “K'amap'aynit'i mint'alapanak t'ach'a akst'umap'aynik'an.”