ROMANOS 7:22 - Tepehua Pisaflores

²² La kimpulakni ik'achaniya an ixlamap'a'sin an Dios,

ROMANOS 7:22 ပူးပေါင်းရင်းမြစ်များ

SAN JUAN 4:34

An Jesús jajuniy: ―Kit'in kiwayt yucha li ak'ilhtulh tacha an lakask'in an yu kimakminta, chi li ak'ilhtu'olhi an ixtapatsat.

ROMANOS 2:29

Yu judio sawalh sta la ixpulakni chuncha najun chi li iknajuni li ki'akaxwililich'uk'up'uxkanta ki'a'axt'a'a yucha li ch'uk'up'uxnikantacha yu jantu oxi la kijalhunut. Jantu yu akinti'ilhtulh chuncha li wa intacha stak ts'o'muk'akanta yu ka'ilhtukalh, yu chuncha ka'ilhtuyan sawalh yucha an Takuwin. Yu chuncha sawalh, yucha maklachalhcha, chi jantu yu an lapanakni katitajunin, yucha an Dios.

ROMANOS 8:7

An yu wa ixjatapast'ak'atchak'an ta'ilhtuputun, yu'uncha taxkajiya an Dios, mu jantu ta'ilhtuniputuni an ixlamap'a'sin chi jantu lay ta'ilhtuy.

2 CORINTIOS 4:16

Xliyu jantu li sna t'iya' iklhilayaw. Mu masi an kilakatunajk'an yu lhima'spa tat'ilhicha, pero la kimpulaknik'an tamin wilhchan jas'at'alay.

EFESIOS 3:16

Iksk'iniya an Dios li an la ixTakuwin chi an la ix'alhp'asninti yu minachalh an laka laj'oxi ixtanlhun, katalak'ut'ilini uxitnan la ixpulakni mijatsukuntik'an,

COLOSENSES 3:9

Jant'u k'alamaslak'at'ijwap'axat'it, mu li uxitnan maj'ant'itcha jatsukunti yu p'ulhnaj ixlit'awnat chi yu ix'ilht'uyat ixlip'ulhnaj.

HEBREOS 8:10

An lakchiwinti yu ajkaput'atamakawna an ixlapanakni Israel ixli'astan yucha ani, najuni an Jamach'alhkat: An la ixjatapast'ak'atk'ani ak'ilhtuya li katalhitsukulh an kilhamap'a'sin chi la ixjalhunutk'ani ajkats'o'muk'aniya'. Kit'ini ixDiosk'an ajkuna chi yu'uncha kilapanakni katajuna'.

1 PEDRO 3:4

La ixpulakni an mijalhunutk'ani tan k'usi k'amalht'ak'achi'it, yu jantu talakt'ilhi jamalht'ak'anti. Oxi lapanakni k'a'unt'it chi wa tichicha oxi k'ala'ts'int'it, yucha yu sawalh oxi lhiwilay an Dios.