SAN MATEO 21:34 - Tepehua Pisaflores

³⁴ Akxni chilhcha ixpaku an uva, jamala'achachalhcha ixma'tsukunin an jamalakaat'un lapanak, para li an yu jamach'ixta'nita ixlakaat'un kataxta'nilhcha yu ixnawin.

SAN MATEO 21:34 ပူးပေါင်းရင်းမြစ်များ

SAN MATEO 21:35

Pero an yu jamach'ixta'nikanta lakaat'un, t'o' tach'apa'ochalhi an ixma'tsukunin an jamalakaat'un: pumatam stakcha talakasamalh, an pumatam tama'nilhcha, chi an pumatam stakcha talakat'alhmalh.

SAN MATEO 21:38

Pero akxni tala'ts'ilhcha an ists'alh, an yu ixjamach'ixta'nikanta lakaat'un, talajuniy: “Yucha anicha yu jamanawin kajuncho'oya an lakaat'un. Kama'niw, walh ki'anuchak'ani kajuna an yu ixnawin ka'ixwalh.”

SAN MATEO 21:40

’Chaway akxni kamina an jamanawin an tan ch'ankanta uva, ¿t'asuch'a lhiwilayat kaja'ilhtuya an yu tatapatsay tan ch'ankanta uvaja?

SAN MATEO 21:41

Yu'uncha ta'alhtaylh, tajuniy: ―Kajama'ni'oya', jantu k'is katijamak'akxanilh, chi xamati'incha kajamach'ixta'nicho'oya an ixlakaat'un, yu kataxta'niya wa tukani yu ixnawin akxni ixpakucha an ix'uva.

SAN MATEO 22:3

An rey jamala'achalhcha an ixma'tsukunin li kata'alhcha jalakt'asaninin an yu jat'awayputunkan, pero yu'uncha jantu tak'uxa'alhi ma'waynin.

SAN MARCOS 12:1

Tsukulhcha jaxa'alay wa laka pulhamacha'xani an Jesús, jajuniy: ―Pumatam lapanak ch'anlhi ix'uva chi kurralhnulhcha, chi ja'ajnalhcha tan kapach'itkana', chi ilhtulhcha la'atam torre, jamach'ixta'nilhcha tichi yu'uncha lapanakni, chi yucha ma'atcha alh.

SAN MARCOS 12:7

Walh an yu ancha ixtajalhistaknan talajuniy: “Yucha anicha jamanawin kajuncho'oya an lakaat'un. Kama'niw, walh ki'anuchak'ani kajuna'.”

SAN MARCOS 12:9

’¿T'asich'a lhiwilayat kalaya an yu jamanawin an tan ch'ankanta uvaja? Yucha kamina chi kajama'ni'oya an yu ixtajalhistaknan, ali'ini kajaxta'niya an lakaat'un an tan ixch'an ix'uva.

SAN LUCAS 20:9

Wa chuncha an Jesús tsukulhcha jajuniy la'atam pulhamacha'xani an lapanakni, jajuniy: ―Pumatam lapanak ch'anlhi ix'uva, chi jamach'ixta'nilhcha tichi yu'uncha lapanakni, chi yucha ma'ancha alh tanchun ma'at.