SAN MATEO 17:20 - Tepehua Pisaflores

²⁰ Yucha jajuniy: ―Mu wanaj wa k'isi jak'iklak'a'ininat'it. Li k'ajak'iklaka'inint'it masi wa tacha lakat'ikt'icha xatalhts'i mostaza, layi ka'una'it ani a'stitawk'a, anu kast'alh p'it'i, chi ka'ana', layi k'a'ilht'uya'it wa tuchicha. [

SAN MATEO 17:20 ပူးပေါင်းရင်းမြစ်များ

SAN MATEO 13:31

Jalhixa'alapalh la'atam pulhamacha'xani an Jesús, jajuniy: ―An ixlich'alhkat Dios, tachanu xamati lapanak kach'anlhi la ixlakaat'un xatalhts'i mostaza.

SAN MATEO 14:29

Yucha juniy: ―K'at'at'icha. Takutlhi an laka barco an Pedro, ukxjalhtanaj'alhcha an lakxkan an tan ixyachalh an Jesús.

SAN MATEO 17:17

An Jesús najun: ―¡Yu ch'away t'awnat jant'u jak'iklak'a'ininat'it, wa t'ani lap'ut'unatcha layat'itcha! ¿Tasu wanancha wa aktilat'a'aklatsukuyawi? ¿Tasu wanancha wa aktilalhilhitayaniyawi? ¡K'alhit'at'iti an ts'alh!

SAN MATEO 17:19

Ixli'astan akxni wa ix'akstuchak'an ixtat'ayanalh an Jesús an ixt'alhtanan, stalh tala'alh, tajuniy: ―¿Tasu li jantu lay ijk'uch'uw kitnani?

SAN MATEO 17:9

Chi akxni tata'alhtaju'cho'olhcha an a'stitawk'a an Jesús, jajuniy: ―Jant'u xamat'i k'a'unit t'ach'a an la'ts'int'it, sta akxni akla'awcho'oya kit'in yu ikwalh isTs'alh Lapanak.

SAN MATEO 21:21

Pus an Jesús, jajuniy: ―Iklajunaw, li jak'iklak'a'ininat'it sawalh, li jantu wa tamj tamjcha p'ast'ak'at'it, jantu wa tacha ani k'ilhtulh an xak'iw higojo k'at'i'ilht'ut'it, layi k'a'una'it ani a'stitawk'a: “K'a'ost'i, an alamalhcha k'at'a'uchi',” chi kajuna'.

SAN MATEO 8:26

Yucha jajuniy: ―¿T'asu li lakt'alhananatcha? Jantu ayi mijakiklaka'intik'an. Wa chuncha, an Jesús tayalh chi jalaj'aymalhi an un chi an alamalh, pus wanaj sa' tatawilh.

SAN MARCOS 11:22

An Jesús alhtaylh juniy: ―K'ak'iklak'a'it'iti an Dios.

SAN MARCOS 11:23

Mu wa tichicha yu kajunilh ani a'stitawk'a: “K'a'ost'i, an alamalhch'a k'at'a'uchi'”, li kiklaka'iya chux la ixjalhunut chi li lhiwilayi an yu najun li kajuna, kajuna sawalh.

SAN MARCOS 4:31

Tachanu la'atam lakat'ikt'i xatalhts'i mostaza, masi yucha wanaj wa lakat'ikt'i,

SAN MARCOS 9:23

An Jesús juniy: ―¿Sna layi ajk'uch'ulh? Watuchicha layi li k'iklak'a'iy.

SAN LUCAS 1:37

Mu an Dios yucha jantu tu'u yu jantucha lay ka'ilhtulh.

SAN LUCAS 17:6

Pus an Jesús jajuniy: ―Li k'ajak'iklak'a'inint'it masi wa tacha an xatalhts'icha mostaza, layi k'a'una'it'it ani k'iw junkan sicómoro: “K'a'ost'i, an lakxkancha k'at'ayachi'”, walh kata'asmatniyan.

SAN LUCAS 18:27

An Jesús ja'alhtaylh jajuniy: ―Yu jantu lay ilhtuy an lapanak, an Dios yucha layi ilhtuy.

SAN JUAN 11:40

An Jesús juniy: ―¿Chu jantu ijkunani li jak'iklak'a'inin, k'ala'ts'ina'a an ix'alhp'asninti Dios?

1 CORINTIOS 12:9

chi pumatam, jakiklaka'inti xta'nita, pero wanajcha yu an Takuwin, mu wa la'atam, chi an Takuwin ilhtuyi li pumatam layi kajak'uch'ulh an ta'an'anin.

1 CORINTIOS 13:2

Chi li masi kijunika li lay aklhichiwina ixchiwinti Dios, chi chuxi iklhimacha'xa'ojoy yu jantu mispakan chi iklajk'atsa'ojoyi chux an tanlhun chi iklhit'ajuni jakiklaka'inti yu lay ajkapuma'osulh an a'stitawk'a, pero li jantu iklhit'ajuni jamapayninti, jantu tu'u iklhitapalay.

HEBREOS 3:19

Pus la'ts'inawcha li jantu layi tatanuchalh wa xliyu li jantu tajakiklaka'inilh.