SAN MATEO 11:5 - Tepehua Pisaflores

⁵ Li an la'la'lhtulu'un tajalakawanancha, chi an lakch'anlht'ulukun, talakalhtanancha, an yu ixtalaklakap'uch'ita, tala'tala'a'oxilhcha, an laj'a'atapan, taja'asmatnancha, an yu ixtalaknitacha, jala'mala'awnicho'okalh, chi an jakilhpatinin jamak'atsaanikancha an laj'oxi chiwinti.

SAN MATEO 11:5 ပူးပေါင်းရင်းမြစ်များ

SAN MATEO 10:8

K'ajak'uch'ut'iti an ta'an'anin, chi an yu wa talaklakap'uch'ita, k'ajamala'awnit'iti an janinin chi k'ajak'uch'ut'iti an yu wa tala'apaxt'o'a makxkay'un. Ch'i t'ach'a jant'u map'alat'iti li laych'a jak'uch'ununat la ixtalakask'i Dios, wach'u jant'u k'alhach'inint'it.

SAN MATEO 11:4

An Jesús ja'alhtaylh, jajuniy: ―K'ap'inchi'itcha mak'atsaaninini an Juan t'acha ani asmat'at ch'i t'ach'a ani la'ts'inat.

SAN MATEO 12:13

Wa chuncha an Jesús junilhi an lapanak an yu jantu lay ixlak'anuy ixmaka: ―K'alats'awalat'icha amimaka'. Pus lats'awalalhcha, chi tamaj'oxilhcha.

SAN MATEO 21:14

Ixli'astan an laka tajtan, an Jesús tala'cha'alh yu wa la'la'lhtulu'un chi yu wa lakch'anlht'ulukun, chi jak'uch'ulhcha.

SAN MATEO 5:3

―Oxi para yu'uncha an yu la ixtakuwink'an tajakilhpatinijk'atsay, mu yu'uncha ixnawink'ani an lhich'alhkat an lakt'iyan.

SAN MATEO 9:30

Wakcha tajalakawanalh. Chi an Jesús jajuniy li jantu k'is xamati katajunilh.

SAN MARCOS 7:37

Chi sawalhcha ixtalhi'a'niy, ixtalaknajun: ―Sawalh oxi tacha an ilhtulh, layi jak'uch'uy masi an yu wa laj'a'atapan chi an yu jantu lay tachiwiniy.

SAN MARCOS 9:25

Chi mu la'ts'incha an Jesús li wanajcha lhilhuwi ixcha'ant'awkan, pus akxni la'a'aymalhcha an makxkay'un, juniy: ―Makxkay'un yu jant'u ch'iwiniy chi a'atapa, k'amak'awcha ani ts'alh, ch'i jant'uch'a ali k'alakp'ach'ap'a.

SAN LUCAS 4:18

An ixTakuwin Dios la ki'ukxni t'ajun, mu yucha kilakpach'apalh la ixmaka para li ajkalhixa'alalh an laj'oxi chiwinti an jakilhpatinin. [Chi kimakminta para li ajkak'uch'ulh an yu wa tala'ta'oxila'alhiy la ixjalhunutk'an.] Chi para li p'asi aknawlh li an yu talaklhchawnan kajamakawkalh, chi katajalakawanalhi an yu jantu tajalakawanan. Chi para li kajamakawkalhi an yu sawalhcha jamama'alh'ajnikan.

SAN JUAN 10:25

An Jesús jajuniy: ―Mu iklajunawcha, pero jantu kilakiklaka'iyaw. An tanlhun an yu iklak'ilhtuy la ixta'a'ut an kimPay, yuchacha masuy.

SAN JUAN 10:38

Pero li chuncha ik'ilhtuy, masi jantu akilakiklaka'iw, yucha an yu ik'ilhtuycha k'ak'iklak'a'it, para li wa xawa'a'tamcha k'ak'ats'at li an kimPay kinput'ajun chi kit'in yucha ikput'ajun.

SAN JUAN 2:23

Akxni la'acha'anka Jerusalén ixt'awnachalh an Jesús, la ixk'atan Paxku, ixluwk'ani takiklaka'ilh, mu ixtala'ts'incha tacha an tu'u ixlak'ilhtuy yu jantu wa tichicha lay ilhtuy.

SAN JUAN 3:2

Ani lapanak la'alhi an Jesús puts'ista, chi juniy: ―Maestro, ijk'atsayawi li Diosi mala'achatacha'an para li akilamiw masuninin, mu jantu xamati lay kati'ilhtulh t'ach'a an lak'ilht'uy tanlhun yu wa tichicha lapanak, li yu jantu Dios t'a'aklat'ajun.

SAN JUAN 5:36

Pero kit'in iklalhiminitaw yu palay laj'ay pujamak'atsaaninti, an Juan palay wa lakat'ikt'i. Yu ik'ilhtuy kit'in, yucha yu kilhijuniy an kimPay, chunchacha putasuy li yucha an kimPayi kimakminta.

SAN JUAN 9:7

Ixli'astan juniy: ―K'ap'inchicha la'puch'a'a an tan nap'an wilh xkan junkan Siloé ―nawputun Mala'achakanta. Pus alhcha la'puch'a'a', walh tasp'itcho'ochalh, ixjalakawanancha.

LOS HECHOS 2:22

’Jamacha'an Israel, k'a'asmatt'iti ani chiwinti: Uxitnan oxi k'ats'ayat li an Dios tamasunini la mi'ukxlakapuk'an an ix'alhp'asninti an Jesús, jamacha'a Nazaret. An Dios pu'ilhtulhi an Jesús laj'ay tanlhun yu la'lhi'a'nin chi tanlhuncha yu lakmasulh.

SANTIAGO 2:5

Kint'ala'awnin, uxitnan iklamapayniyaw, k'a'asmatt'iti ani: An Dios yucha jasakxtuta an yu wa takilhpati ani lakamunulhpa', para li sawalhcha katajakiklaka'inilh chi para li katajama'lhtayanalhi an lhich'alhkat, yu yucha an Dios jajunita li kajaxta'niya an yu tamapayniy.