SAN MARCOS 7:26 - Tepehua Pisaflores

²⁶ Tapayniniycha li kak'uch'unilhi an istsi'. An t'aku lhigriegojo ixchiwiniy chi jamacha'a Sirofenicia.

SAN MARCOS 7:26 ပူးပေါင်းရင်းမြစ်များ

SAN MATEO 15:22

Walh pumatam t'aku jamacha'a Canán, la'cha'alhi an Jesús, chi p'ascha ixa'alay ixjuniy: ―¡Jamach'alhkat Jesús, ists'alh David, iksk'iniyan lamapaynin! An kintsi wa la'apaxto'ta la'atam makxkay'un, chi sawalhcha mama'alh'ajni.

SAN MATEO 4:24

Pus sawalhcha tapumispalh sta chux xalakaat'un Siria, lhuwcha ta'an'anini ixtalhicha'aniy, yu intacha ixtaxkaniy, yu ixlakpach'apata makxkay'un, yu wa ixniy chi yu wa ixtalaklakalhtukulun, pus ixjak'uchuycha.

SAN MARCOS 7:25

Mu tichi t'aku ixlit'ajun istsi, wa ixlakpach'apata makxkay'un. K'atsaalhi li ancha t'ajun an Jesús, pus la'cha'alh chi tatso'ottatawlhnilhcha la ixjach'aja'.

SAN MARCOS 7:27

An Jesús juniy: ―Kachajcha p'ulhnaj tita'o'atsalh an jas'at'an, mu jantu oxi xajachalh li ajkama'osunilhcha yu ta'ut'ajun chi ajkamaka'anilhcha an x'oyun.

GÁLATAS 3:28

Chaway tachanu jantucha xamati judio u griego, u yu wa putapatsakancha lapanak, u yu jantu xamati putapatsay, u lapanak, u t'aku'. Mu chaway li t'at'ala'xt'o't'atcha an Cristo Jesús, chux uxitnan wa pumatamcha.

COLOSENSES 3:11

Ancha jantucha tu'u lhitapalay xamati lapanak masi yu griego u yu judio chi yu akaxwililich'uk'up'uxkanta ix'a'axt'a'a u yu jantu, chi yu jalakpastaknan u yu jantu jalakpastaknan chi yu wa putapatsakancha lapanak u yu jantu, ancha wa yucha an Cristojcha yu lhitapalay chi yucha taput'aw'oyan.