SAN MARCOS 6:14 - Tepehua Pisaflores

¹⁴ An rey Herodes k'atsaalhi li an Jesús sawalhcha ixmispakan. Ixtalaknajun yucha an ixjama'paxanancha Juani la'awcho'olh xliyu lay lhilak'ilhtuy masi yu la'lhima'anxkay laj'ay tanlhun, yu masuy ix'alhp'asninti an Dios.

SAN MARCOS 6:14 ပူးပေါင်းရင်းမြစ်များ

SAN MATEO 9:31

Pero yu'uncha akxni ta'alhcha, tsukulhcha talaknajuni chux an la'acha'anaxni.

SAN MARCOS 1:28

Watukan ta'a'pitsi'olhi an chiwinti chux Galilea.

SAN MARCOS 1:45

Pero yucha akxni alhcha, tsukulhcha laknajuni tani putapasalhcha, pus an Jesús xli'astan jantucha wanaj lay ixtanuyachalhi ixlitalakasun an la'acha'an, wa ma'atcha istsukuyachalh tan wa la'asa'nik'a, pero wa tanchuncha ixtalakminachalh ixtala'cha'an.

SAN MARCOS 8:28

Yu'uncha ta'alhtaylh, tajuniy: ―Ali'in tanajun ma jama'paxanaj Juank'at'i, ali'in ma Eliask'at'i, chi ali'in tanajun ma xamaticha yu wachu lhichiwiniy ixchiwinti Dios.

SAN LUCAS 13:31

Wa yuchaka wilhchan tacha'alh ali'in fariseojnin, tajuniy an Jesús: ―K'ap'inchicha, k'at'axt'ucha ani mu an Herodes ma'niputunan.

SAN LUCAS 3:1

La'akawkisicha k'ata ixch'alhkatnant'ajun an ay jamach'alhkat Tiberio, akxni gobernador ixjunita an Poncio Pilato, xalakaat'un Judea. Chi an Herodes ixch'alhkatnan xalakaat'un Galilea, chi an ixt'ala'ajun junkan Felipe ixch'alhkatnant'ajun xalakaat'un Iturea chi Traconite. Chi an Lisanias ixch'alhkatnan xalakaat'un Abilinia.

SAN LUCAS 7:17

Wanajcha ta'a'pitsi'olhi an chiwinti chux xalakaat'un Judea, chi chux an la'acha'anaxni yu ixtala'acho'owilananilh.

SAN LUCAS 9:19

Yu'uncha tajuniy: ―Ali'in tanajun ma Jama'paxanaj Juank'at'i, ali'in ma Eliask'at'i, chi ali'in tanajun ma xamati yu an ma'anchacha ixtalhichiwiniy ixchiwinti Diosi la'awcho'olh.

1 TESALONICENSES 1:8

Uxitnani yu p'u'a't'aynik'ant'it, an ixchiwinti an Jamach'alhkat ta'a'pitsilhcha, jantu wa Macedoniajcha chi Acayajcha k'atsaakalh wanaj ta lakachux, chi k'atsaakani t'ach'a an k'iklak'a'iyat an Dios, pus jantucha task'iniya li kitnan tu'u aknajuw.

HEBREOS 2:4

Atumpaj an Dios yucha pumasuycha laka laktanlhun yu la'lhi'a'nin chi tanlhuncha yu jantu wa xamaticha lapanak lay ilhtuy chi mala'pitsiycha an stalan'a ixTakuwin tacha yu yuchacha oxi lhiwilay.