SAN MARCOS 4:39 - Tepehua Pisaflores

³⁹ Pus ostayalh, la'a'aymalhi an p'as un, chi an alamalh, juniy: ―Sa'ch'a k'at'a'ulh chi sa'ch'a k'ak'ilhu. Pus wanaj sa' tawlhcho'olh.

SAN MARCOS 4:39 ပူးပေါင်းရင်းမြစ်များ

SAN MATEO 8:26

Yucha jajuniy: ―¿T'asu li lakt'alhananatcha? Jantu ayi mijakiklaka'intik'an. Wa chuncha, an Jesús tayalh chi jalaj'aymalhi an un chi an alamalh, pus wanaj sa' tatawilh.

SAN MARCOS 4:38

An Jesús ilhtatajtajumachalh la ix'istaj an barco, ix'a'ts'inta ix'a'ts'i. Mu sawalhcha ixtalaktalhanani an ixt'alhtanan tamakujulhcha, tajuniy: ―Maestro, talak'aknut'awnawcha uxint'i jant'u lhak'ap'up'in.

SAN MARCOS 9:25

Chi mu la'ts'incha an Jesús li wanajcha lhilhuwi ixcha'ant'awkan, pus akxni la'a'aymalhcha an makxkay'un, juniy: ―Makxkay'un yu jant'u ch'iwiniy chi a'atapa, k'amak'awcha ani ts'alh, ch'i jant'uch'a ali k'alakp'ach'ap'a.

SAN LUCAS 4:35

Pus an Jesús la'a'aymalh juniy: ―¡Wasa'cha k'ak'ilhu, chi k'amak'awcha ani lapanak! Wa chuncha an makxkay'un, ma'talhi an lapanak tan an ixtayanalh ali'in, pero jantu tani ilhtulh.

SAN LUCAS 4:39

Yucha tantawilhi an tan ixmalh, la'a'aymalhi an alhp'as jaskakana', pus makawlhcha an alhp'as iskakat, chi wa akxni tayalhcha an ixput'icha'o'olh an Simón tsukulhcha jamaway.

SAN LUCAS 8:24

Pus tala'alh tamakujulh, tajuniy: ―¡Maestro, Maestro, ka kalakniyawcha! Yucha ostayalh, la'a'aymalhi an un chi tacha an milh milh ixlaklay an alamalh, pus wanaj sa' tawilh, sa'cha juncho'olh.