SAN MARCOS 2:28 - Tepehua Pisaflores

²⁸ Xliyu kit'in yu ikwalh isTs'alh Lapanak ikch'alhkatnani masi akxni jantu tapatsakan wilhchan.

SAN MARCOS 2:28 ပူးပေါင်းရင်းမြစ်များ

SAN MATEO 12:8

Mu kit'in yu ikwalh isTs'alh Lapanak ikch'alhkatnani masi akxni jantu tapatsakan wilhchan.

SAN MARCOS 2:27

Chi jajumpalay: ―An wilhchan akxni jantu tapatsakan, ilhtukalh ixlakata an lapanak, jantu ilhtukalh an lapanak ixlakata an wilhchan akxni jantu tapatsakan.

SAN MARCOS 3:1

A'tam tanupalhi an Jesús an tan ixtata'ayxt'o'a an lapanakni, walh ancha ixtanun pumatam lapanak yu jantu lay ixlak'anuy ma'atam ixmaka'.

SAN MARCOS 3:4

Chi jalhisakmilhcha an ali'in an Jesús, jajuniy: ―¿Oxi li ka'ilhtukalh yu oxi tu'u akxni jantu tapatsakan wilhchan? ¿U ani wilhchan ixpu'ilhtuka yu jantu oxi? ¿Ani wilhchan layi akma'alhtaxtunilh jatsukunti, u akma'nilh? Jantu xamati alhtaylh.

SAN LUCAS 6:5

Chi jajumpalay an Jesús: ―Kit'in yu ikwalh isTs'alh Lapanak ikch'alhkatnani masi akxni jantu tapatsakan wilhchan.

SAN JUAN 5:17

An Jesús jajuniy: ―An kimPay masi tacha chaway, tapatsay, kit'in wachu iktapatsay.

SAN JUAN 9:14

Akxni la'oxilh an pulh'om an Jesús chi malakawanilhcha an yu jantu lay ixjalakawanan akxni jantu ixtapatsakan wilhchani ixjunita.

SAN JUAN 9:16

Pus an ali'in fariseojnin ixtanajun: ―Anchunu lapanak jantu Diosi makminta, mu tapatsayi akxni masi jantu tapatsakan wilhchan. Pero ali'in ixtanajun: ―¿Pero tasicha lay kalhilak'ilhtulh ani tanlhun li wa ma'lhta'alhiniycha? Pus tatala'apitsilhcha, tatakilhmakt'uyulhcha.

EFESIOS 1:22

An Dios chux an tanlhun la ixjach'aja an Cristojo mama'olh, chi jajunikalh an yu takiklaka'iycha Dios li an Cristo yucha yu ay tukan Jamach'alhkat, wa tuchicha ixlakata yucha yu ay.

APOCALIPSIS 1:10

Akxni ixwilhchan an Jamach'alhkat Dios, an Takuwin kila'chilh chi wanaj kila'tanu'olh chi p'asi chiwinkalh ik'asmatlhi an ki'a'lhcha', tacha makat'ajun la'atam s'olh.