SAN MARCOS 14:49 - Tepehua Pisaflores

⁴⁹ Lhilhiji xaklala'cha'anaw xakmasuy an laka ay tajtan, walh akxni jantu kilach'apayajuw, pero wa xliyu li chuncha kajuna tacha an ts'o'muk'akanta la ixchiwinti Dios.

SAN MARCOS 14:49 ပူးပေါင်းရင်းမြစ်များ

SAN MATEO 1:22

Chux tacha ani tapasalh, wa xliyu li an Dios ixmanawnitacha an yu ixlichiwiniy ixchiwinti Dios, akxni nawlh:

SAN MATEO 26:54

Pero li chuncha, ¿tasucha lay kalhitapasaya tacha an ts'o'muk'akanta tan najun li chuncha katapasalhi?

SAN MATEO 26:55

Pus akxni an Jesús jajuniy an lapanakni: ―¿Chu ijka'alhawna li kilamintawcha ch'apayawnin laka espada chi laka k'iw? Lhilhiji xak'an masunu an laka tajtan, chi akxni jantu kilach'apayajuw.

SAN MATEO 26:56

Pero wa xliyu li chuncha katapasaya tacha an tats'o'muk'ata an yu ixtalhichiwiniy ixchiwinti Dios. Wa chuncha an ixt'alhtanan an Jesús, wanaj tamakaw'olh, ta'oslicha.

SAN MARCOS 10:1

Taxtulh an Jesús la'acha'an Capernaúm, alhcha xalakaat'un Judea chi an ixlitapiktutamcha ayxkan junkan Jordán, walh wanajcha lhilhuwi la'cha'ampalakalh, pus tsukulhcha jamasunipalay tacha ixlismanitacha.

SAN MARCOS 11:27

Wachuncha ta'ampalhcha Jerusalén, walh akxni ix'aklat'ajuncha laka tajtan an Jesús, tala'cha'alhcha an xalaj'ajin sacerdotejnin chi an xamaestrojnin lhamap'a'sin chi an laktatanin.

SAN MARCOS 12:35

Akxni ixmasuy an Jesús an laka tajtan ixjajuniy: ―¿Tasu li tanajuncha an xamaestrojnin lhamap'a'sin li an Cristo ists'alh Daviti?

SAN MARCOS 14:48

Chi an Jesús jajuniy: ―Wa t'ach'a wa p'uxk'awyatcha ja'alhawna t'ant'at li kilach'apayawputunaw, laklhit'ant'atcha mi'espadajk'an chi mink'iwk'an.

SAN MARCOS 14:50

Wachuncha tamakaw'olhi an ixt'alhtanan an Jesús, talakats'alalhcha.

SAN LUCAS 19:47

Lhilhiji ixmasuy an laka tajtan an Jesús, pero an xalaj'ajin sacerdotejnin chi an xamaestrojnin lhamap'a'sin chi an xalaj'ajin lapanakni wa ixtama'niputujlhit'ajuncha.

SAN LUCAS 22:37

Mu klajunaw, kajuna la kijatsukunti tacha an najunta an tan ts'o'muk'akanta, tan najunta: “Jat'aput'e'ekalhi an yu wa ay tajunita.” Mu chux tacha an kilhits'o'muk'akanta katapasa'oya'.

SAN JUAN 10:23

Chi an Jesús an laka tajtani ix'aklat'ajun, an lhila'ixmalhticha Salomón.

SAN JUAN 18:20

An Jesús alhtaylh juniy: ―Kit'in chux lakamunulhpa ixlitalakasuni xajkaxa'alay. Jantu tu'u yu wa la'asa'nik'acha akchiwinilh, o'sliyan li tan pulakchiwin ch'a'a chi laka laktajtani xakmasuy, tan tata'ayxto'ojoy an judiojnin.

SAN JUAN 7:37

Akxni wa x'amancha wilhchan an laka k'atan, mu yucha yu palaycha ixlitapalay, an Jesús tayalhcha chi p'ascha najun: ―Li xamati kikxixa, akila'milhcha, chi ka'ot'a' xkan.

SAN JUAN 8:12

An Jesús a'tam jaxa'alapalhi an lapanakni, jajuniy: ―Kit'ini xajatapulhkunu an lakamunulhpa', yu akinch'a'o'aya jantu wa lakaputs'isni katitsukulh, kalhitsukuya an jatapulhkunu yu xt'a'a jatsukunti.

SAN JUAN 8:2

Wats'isin chincho'olhcha an laka tajtan, pus ta lhichux tacha an wilakalh an la'achan tala'cha'alhcha, chi yucha tawilhcha, tsukulhcha jamasuniy.