SAN MARCOS 14:36 - Tepehua Pisaflores

³⁶ Najun: ―KimPay, kimPay, uxint'i jantu tu'u yu jantucha lay k'a'ilht'u. Ak'imala'xt'inunini ani ay lhima'alh'ajna, pero yu tacha uxint'i lak'ask'ini kawalh, jantu yu tacha kit'in iknajun.

SAN MARCOS 14:36 ပူးပေါင်းရင်းမြစ်များ

SAN MATEO 26:39

Pus stalhcha alh lakats'uniy, tatso'ottalhcha chi tamuntitachalhcha an lakaat'un, tsukulhcha tapayniy, najun: ―KimPay, li lay, ak'imala'xt'inunini ani ay lhima'alh'ajna pero jantu tacha kit'in klakask'ini kawalh, tacha uxint'i lak'ask'ini kawalh.

SAN MATEO 26:42

A'tam ampalh, a'tam tapaynipalhi ixlipu'a't'uycha, najun: ―Kimpay li jantu layi ak'int'imala'xt'inunin ani ay lhima'alh'ajna, chunchacha kawalh t'ach'a oxi lhiwilay.

SAN MATEO 6:9

Uxitnan ch'unch'uniya kat'ap'ayniya'it: Kimpay, uxint'i yu wilhchi lakt'iyan, aminta'a'ut stalan'a kala'ts'inkalh.

SAN MARCOS 10:27

Pus an Jesús sa'cha jala'ts'in, jajuniy: ―Yu an lapanak jantu lay ilhtuy, an Dios yucha layi ilhtu'ojoy chux.

SAN MARCOS 10:39

Yu'uncha tajuniy: ―¡Chun, kalaya'! Pus an Jesús jajuniy: ―K'ama'alh'ajnana'itcha tacha kit'in, chi k'aniya'itcha tacha kit'in.

SAN MARCOS 14:37

Walh akxni jala'cha'ancho'olh an ixt'alhtanan, ixtalaklhtatanancha, pus juniy an Pedro: ―Simón, ¿lht'at'ay? ¿Jantu layi masi wa tamcha hora ak'int'a'alhk'ujt'i?

SAN JUAN 12:27

’Chaway wanaj jantu k'is oxi ijk'atsan la kintak'atsan. ¿Chi tasicha aknawna'a? ¿Aknawna: “KimPay ak'ima'osunini ani tacha ijk'atsan, aknawna'”? ¡Kit'in yuchacha ikla'minta ani!

SAN JUAN 18:11

An Jesús juniy an Pedro: ―¡K'amat'a'uch'o'o la xacubierta ami'espada! Li yucha an kimPaycha kixta'niy ani suniya lhima'alh'ajna, ¿chu laycha jantucha aktila'a'ilh?

SAN JUAN 4:34

An Jesús jajuniy: ―Kit'in kiwayt yucha li ak'ilhtulh tacha an lakask'in an yu kimakminta, chi li ak'ilhtu'olhi an ixtapatsat.

SAN JUAN 5:30

’Jantu layi tu'u k'ilhtuy yu wa ki'akstucha ak'ilhtuputulh. Tacha ik'asmat'a kijuniy an kimPay chunchacha ik'ilhtuy, pus an yu ik'ilhtuy ts'awj, mu jantu yu wa kit'incha iknajuni ik'ilhtuy, yu najun an kimPayi ik'ilhtuy, yu kimakminta.

GÁLATAS 4:6

Chi para li kamasulhi li uxitnan ixjas'at'ancha, an Dios makmilhi la mijalhunutk'an an ixTakuwin an isTs'alh. Chi an ixTakuwin p'asi chiwiniy, najun: “¡KimPay! ¡KimPay!”

FILIPENSES 2:8

Chi jantu wachun kawalh, akxni wa tacha lapanakcha ixjunita, jakilhpatinijk'ats'aalh, ja'asmatnalh, sta nilh chi laka cruzi nilh.

2 TIMOTEO 2:13

Li jantu katimuktaxtuwi yu kintalhijunan, yucha jantu chuni lay, yucha muktaxtuyi yu najun, mu yucha jantu layi jantucha katimuktaxtunikalh ix'akstu yu najun li ka'ilhtuya'.

TITO 1:2

Yu'uncha tapakxan'iy an jatsukunti yu jantu a'tam min'ojoy. Akxni jantuka' tu'u ix'ilhtukan chunchacha ixnajunta an Dios li kaxt'a'a', chi yucha jantu maslakatinin.

HEBREOS 6:18

Akxni jajunilh li kajaxta'niya sawalhi yu ja'alhtasuniy chi jaxta'nilh an ixchiwinti, jajunilh la'at'uy chiwinti yu jantu lay katitapaxalh, chi an Dios jantu lay katipumaslakatinilh. Yucha pula'a'iyaw yu sawalh oxi kintama'oxamixiyan yu an puxkawyaw ixja'a'tayjunti Dios chi yu kiklaka'iyaw tacha an kintajunan li kapakxan'iw.