SAN MARCOS 10:24 - Tepehua Pisaflores

²⁴ An ixt'alhtanan sawalhcha ixtalhi'a'niya tacha an jajunilh, pus an Jesús jajumpalay: ―Kints'alan, ¡sawalh lhima'anxkayi katatanuyanta la ixlich'alhkat Dios an yu tachanu tumin takiklaka'iy!

SAN MARCOS 10:24 ပူးပေါင်းရင်းမြစ်များ

SAN MATEO 19:25

Pus sawalhcha ixtalhi'a'niya akxni chunchacha ta'alha'asmatlhi an ixt'alhtanan an Jesús, chi tajuniy: ―¿Pus chuncha tisiyuchacha lay kata'alhtaxtuya'a?

SAN MARCOS 1:27

Pus sawalhcha ixtalhi'a'niya an yu ancha ixtatanumanalh, ixtalajuniy: ―¿Tisuncha aniya? ¿Tisu sast'icha lhamap'a'sini li layi jalaj'aymay an makxkay'un chi ta'asmatniya?

SAN MARCOS 10:23

Chi an Jesús jalaklakawanancha, jajuniy an ixt'alhtanan: ―¡Sawalhcha lhima'anxkayi katacha'ana an la ixlich'alhkat Dios an yu talhit'ajun lhuw ixtumink'an!

SAN LUCAS 16:14

An lapanakni yu ixjajunkan fariseojnin sa'cha ixta'alha'asmat'a an Jesús, chi mu yu'uncha sawalhcha ixta'achaniya an tumin, pus jantucha oxi ixtalhichiwiniy an Jesús.

SAN JUAN 13:33

Lakt'ikt'in kijas'at'an, jantucha ma'ani aktilat'a'aklatsukuw. Uxitnan akilapuxkawyaw, pero tacha an ijkajunilh judiojnin wanajcha chuni iklajunaw uxitnan: Jant'u lay k'at'ip'it'iti tan ikti'an kit'in.

SAN JUAN 21:5

An Jesús jajuniy: ―Ts'alan, ¿jant'u t'u'u lhit'awnat jatanti? Yu'uncha tajuniy: ―Jantu.

SAN JUAN 6:60

Akxni chunchacha ta'alha'asmatlhi, ixluwk'an an ixt'alhtanan tanajun: ―Tacha ani najun lhima'anxkay, ¿tisiyuchacha lay kakiklaka'iya'a?

GÁLATAS 4:19

Kijas'at'an, a'tam iklalhima'alh'ajnant'awpalaw, tacha akxni xamati xanati ma'alh'ajnan akxni jamas'at'anan. Chi ali akma'alh'ajnana sta li oxich'a k'a'unt'it tacha an Cristo.

1 TIMOTEO 6:17

K'aja'un an yu talhit'ajun ixtumink'an yu ani lakamunulhpa li jantu katapu'ayajk'atsaalh chi jantu yu katalhila'silh an ixlaktanlhunk'an yu la'la'lhuw, mu an laktanlhun yu laj'oxi alin ani, jantu lhitala'si. Yucha an Diosi katalhila'silh, mu yucha lhuw kintaxta'niyan chux an tanlhun, para li kalhi'achawcha.

1 JUAN 2:1

Ani tanlhun klats'o'niyaw, ixlakata li jant'u k'a'ilht'ut'iti mintala'alhink'ani kijas'at'an, chi li xamati ilhtuy ixtala'alhin lhit'awnawi yu akintalhi'a'tayjuyan ix'ukxlakapu an kimPayk'an, yucha an Cristo, yucha oxi lapanak.

1 JUAN 4:4

Kijas'at'an, uxitnan ixnawin Dios chi jalhajat'atcha an yu wa tamaslakatinin, mu an yu tat'a'aklat'awnan palay alhp'as walh jantu an yu t'ajun lakamunulhpa'.

1 JUAN 5:21

Kijas'at'an, k'ajalajk'ats'anant'iti ixlakatak'an an yu tacha ixdiosninchak'an tala'ts'in an lapanakni.

APOCALIPSIS 3:17

Mu uxint'i na'un: Kit'in ikjamatumin lhuwcha iklaklhit'ajun kintanlhun chi jantucha tu'u ikma'lhtask'iniy. Pero jant'u k'ats'ay li uxint'i jant'u ach'an, jant'u t'u'u lhit'a'un, wa k'ilhp'at'iy, wa la'lhtuluk'at'i chi wa alhalhak'at'i.