SAN MARCOS 1:7 - Tepehua Pisaflores

⁷ Ixnajun: ―Xli'astan kamina pumatam yu palay alhp'asni, kit'in jantu k'is ixt'achun, yucha masi li wa akta'antalhcha ak'o'x'otnilh ixwarachi, jantu ikt'acha'an.

SAN MARCOS 1:7 ပူးပေါင်းရင်းမြစ်များ

SAN MATEO 3:11

Kit'in sawalh, wa laka xkani ijkama'paxay yu jantucha ali katita'ilhtulh ixtala'alhink'an, pero an yu astan mintachalh yucha palay ay, kit'in jantu, yucha kajama'paxanana la ixTakuwin Dios chi laka jikmi, yucha jantu ikt'acha'ani masi wa aklakch'apalhi'anilhcha ixwarachi.

SAN MATEO 3:14

Pero an Juan jantu ixma'paxaputun, yucha juniy: ―Kit'in iknajun uxint'i ak'ima'p'axat'i chi uxint'i kit'ini k'ila't'ant'a.

SAN MARCOS 1:6

An ixla'ch'it an Juan wa ixla'ach'awt camellojo ixla'oxiynikanta chi ixch'axpawilhcha a'xtam jaxt'a'an. Chi akxni xwajin wa t'axkat yu alin lakak'iwini ix'uy, chi sele'.

SAN MARCOS 1:8

Kit'in wa laka xkani iklama'paxayaw pero yucha katama'paxayan la ixTakuwin Dios.

SAN LUCAS 3:16

Pero an Juan jajuniy: ―Kit'in wa laka xkani klama'paxayaw, pero kamina pumatam yu palay ay, kit'in jantu, yucha katama'paxayan la ixTakuwin an Dios chi laka jikmi, yucha jantu ikt'acha'ani masi wa ak'o'x'otnilhcha ixwarachi.

SAN JUAN 1:27

Yucha yu kamina ixli'astan, yucha masi wa ak'o'x'otnilhcha ixwarachi jantu ikt'acha'an.

LOS HECHOS 13:25

Chi akxni an Juan ix'ilhtu'ot'ajuncha an ixtapatsat, nawlh: “Kit'in jantu yu an yu uxitnan p'ast'ak'at'it. Pero ixli'astan kamina pumatam yu masi wa ak'ukxmala'xtunilhcha ixwarachi kit'in jantu k'is ikt'acha'an.”

LOS HECHOS 19:4

An Pablo jajuniy: ―Chun sawalh, an Juan ixjama'paxaycha yu ixtakiklaka'iycha an Dios, pero ixjajuniy li katakiklaka'ilhi an yu astan mintachalh. Yu ixjajumputun li katakiklaka'ilhi an Jesús.