LOS HECHOS 8:34 - Tepehua Pisaflores

³⁴ An jamacha'a Etiopía juniy an Felipe: ―Lamapaynin ak'i'uni tichini yuchacha lhichiwiniy an lapanak an yu ixlichiwiniy ixchiwinti Dios. ¿Wa ix'akstucha lhichiwinkan tacha ani najunta u xamati apumatami lhichiwiniy?

LOS HECHOS 8:34 ပူးပေါင်းရင်းမြစ်များ

SAN MATEO 13:36

Akxni talak'ancho'olhcha an ixta'a'yanalh an Jesús, yucha tanulhcha an laka cha'a', pus an ixt'alhtanan stalhcha tala'alh, tajuniy: ―Akilajuniwi tuchini nawputuncha an yu jantu oxi jach'ananti.

SAN MATEO 15:15

An Pedro alhtaylh juniy: ―Akilajuniwi tuchini nawputuncha t'ach'a an na'un.

LOS HECHOS 8:27

Pus an Felipe ostayalh chi alhcha, walh an laka tij paxto'lhicha pumatam lapanak jamacha'a Etiopía. Ani lapanak xa'ayi ixjunita, ixtesorero an xarreina Etiopía chi kilalh la'acha'an Jerusalén, kitapayninilh an Dios.

LOS HECHOS 8:33

Stakcha tamamaxanilh, walh chi jantu xamati lhi'a'tayjulh. An ixjatsukunti ma'osukalhi ani lakaat'un. Jantu xamati lay katinawlh tichini yu'unchacha yu tapu'a'p'un'alh.

LOS HECHOS 8:35

Pus an Felipe, tsukulhcha lhixa'alayi an tacha ixpunawt'ajun ixchiwinti Dios an jamacha'a Etiopía. Junilhcha an laj'oxi chiwinti yu lhichiwiniy an Jesús.