LOS HECHOS 4:7 - Tepehua Pisaflores

⁷ Talhinawlhcha li kajalhi'anikalhi an Pedro chi an Juan. Pus ixtan'ajnichak'ani jayawkalh chi jalhisakmikalhcha, jajunkan: ―¿Tisiyuchacha tamakawniyan u la ixta'a'ut tisiyuchacha li ch'unch'ach'a ilht'uyat ani laktanlhuni?

LOS HECHOS 4:7 ပူးပေါင်းရင်းမြစ်များ

SAN MATEO 21:23

Akxni cha'alhcha laka tajtan an Jesús, an xalaj'ajin sacerdotejnin chi an laktatanincha yu ancha jamacha'an, tala'cha'alhi akxni ixmasut'ajun, chi tajuniy: ―¿T'asu li ch'unch'ach'a lay lak'ilht'uy ani tanlhuni? ¿Tisiyuchacha makawniyan li k'alak'ilht'u?

SAN MARCOS 11:28

Tajuniy: ―¿T'asu li ch'unch'ach'a layi, tisiyuchacha makawniyan li k'ajalakt'amakxt'u an tajast'anani?

SAN JUAN 2:18

An judiojnin tajuniy an Jesús: ―Li ch'unch'ach'a lay, ¿tisuncha akilamasuniyaw li t'ach'ip'ini li ch'unch'ach'a k'alat'i?

SAN JUAN 8:3

Wa chuncha an xamaestrojnin lhamap'a'sin chi an fariseojnin talhicha'anilh pumatam t'aku', yu ta'a'taymalh tan ixa'alat'ajun yu jantu yu ixt'apapa', ixtan'ajnicha tayawlh an tan lhilhuw ixlakyakalh,

SAN JUAN 8:9

Pus an lapanakni mu ta'alha'asmatlhicha tacha an jajunilh an Jesús, tapastaklhi li wachu talhit'ajuni ixtala'alhink'an, pus talak'ancho'olhcha. P'ulhnajcha yucha an yu laktatanincha talak'alh, chi ixli'astan yucha an yu palayka lakts'alanin. Xli'astan wa yucha an t'akucha chi an Jesuscha tatamakawlh.

LOS HECHOS 4:10

K'ak'ats'a'o'ot'itcha, chi chux an xalapanakni Israel, la ixta'a'ut an Jesucristo jamacha'a Nazareti tak'uch'ulh. Yu makxt'ukmuk'at'it uxitnan laka cruz chi yu mala'awnicho'olh an Dios, yucha yu puta'oxilh ani lapanak chi aniya yalh.

LOS HECHOS 4:6

Chi ancha wachu ixt'ajun an xa'ay tukan sacerdote yu ixjunkan Anás, chi an Caifás, chi Juan, chi Alejandro chi ixchuxk'ancha an yu ta ixtala'lhila'ts'in an yu tukancha xalaj'ajin sacerdotejnin.

LOS HECHOS 4:8

An Pedro mu sawalhcha ixlit'ajuni an Stalan'a Takuwin, ja'alhtaylh jajuniy: ―Uxitnani jamach'alhkatni chi uxitnani laktatanin.

LOS HECHOS 5:40

Chi ixli'astan jat'asanicho'okalhcha an yu ixjamala'achata an Jesús, chi stakcha ja'ayna'kalh chi jajunikalhcha li jantucha ali katalhichiwinilhi ixchiwinti an Jesús, chi wa chuncha jamakawkalhcha.