LOS HECHOS 12:7 - Tepehua Pisaflores

⁷ Walh wa akxni cha'alh pumatam ix'angelh an Dios, an laka pulach'in wanaj tapulhku'olh. An angelh pajach'apachalhi an Pedro, makujulh, chi juniy: ―Lascha k'at'ay. Pus wa akxni an cadena lakmakpatajulhi an Pedro.

LOS HECHOS 12:7 ပူးပေါင်းရင်းမြစ်များ

SAN MATEO 2:13

Ixli'astan akxni ta'ancho'olhcha, an José la ixjala'awanti talakasunilh pumatam ix'angelh an Dios, juniy: ―K'a'ost'aycha, k'ach'ixsakt'icha an jas'at'a, chi ali an ixnati xalakaat'uncha Egiptojo k'a'osp'it'it. Anch'ach'a k'at'awlht'achi'it sta akxni kit'in ajkuncho'oyan, mu an Herodes kapuxkawya an jas'at'a para li lay kama'nilh.

SAN LUCAS 2:9

Walh jatalakasunilh an ix'angelh an Dios. Xlimjcha jamapulhkunilhi tuntala'acho'o an Dios, pus sawalhcha talaktalhanalh.

SAN LUCAS 24:4

Pus jantucha ixtalhimacha'xay, walh wa akxni tatalakasulh ixt'uyunk'an lapanakni waniy an tan ixtalakyanalh, wa la'xlimjnik'acha an ixla'ch'itk'an.

LOS HECHOS 10:30

An Cornelio juniy: ―La'at'at'icha wilhchan ixjuntachalh tacha chaway panch'e'ex ixjunita aniya xaktanun la kincha'a', xaktapaynit'ajun yu puta'oxaycha las tres, walh akxni ikla'ts'in kintalakasunilhcha pumatam lapanak, an ixla'ch'it wa xlimjnik'acha.

LOS HECHOS 12:23

Wa akxni pumatam ix'angelh an Dios, ilhtulh li kata'an'alhi an Herodes, mu jantu tu'u ixliwilay an Dios, pus nilhi an Herodes, wanaj pupa'olh tsapulh.

LOS HECHOS 12:6

Chi anchunu jatats'isni akxni an Herodes ixpast'ak'acha li kamaxtuya katunkuna, an Pedro ilhtatay, la ixpujank'an ixt'uyunk'an soldadojnin, laka ma'at'uy cadenajcha ixmakch'i'ulakanta. Chi an ali'in soldadojnin ixtajalhistaknantacha an la xamalhticha an pulach'in.

LOS HECHOS 12:8

Chi an angelh juniy: ―K'amala'ch'incha ch'i k'ach'ant'anut'icha amiwarachi. Pus chunchacha ilhtulh an Pedro, chi an angelh jumpalay: ―K'ap'ula'axt'a'k'acha ch'i ak'inch'a'o'acha.

LOS HECHOS 16:26

Walh wa akxni p'asi laklalh an lakaat'un, wanaj lakchikix'olhi an ixjach'aja an pulach'in. Chi wa chuncha wanaj la'tati'a'olhi an xamalhticha an pulach'in, chi wanaj la'tax'ot'olhi an cadenaj an yu ixjapulakch'i'ulakanta ta ixchuxk'an an tach'inin.

LOS HECHOS 2:24

Pero an Dios mala'awnicho'olh, chi jantucha ali ma'alh'ajnalhi laka lhinin, mu an lhinin jantu layi katit'alalhajalh an Jesús.

LOS HECHOS 5:19

Pero pumatam ix'angelh an Dios malhti'alhi an xamalhticha an pulach'in akxni puts'ista ixjunita chi jamaxtulh, jajuniy:

LOS HECHOS 9:3

Pero akxni waniycha ixcha'ant'ajun la'acha'an Damasco, la'atam jatapulhkunu minchalh an lakt'iyan, wanaj la'atanchanu'olh, wa xlimjnik'acha.

EFESIOS 5:14

Xliyu lhinajunta: Uxint'i yu lht'at'ay, k'ak'ujt'icha, ch'i k'a'ost'aycha la ixpujank'an an janinin, walh kamapulhkuniyani an Cristo.

HEBREOS 1:14

Mu ixchuxk'an an angelhnin yu'uncha takuwinin yu tat'atapatsay an Dios, yu'uncha jamala'achakanta para li kata'a'tayjulh an yu katata'alhtaxtuya'.

APOCALIPSIS 18:1

Akxni chunchacha ikla'ts'in'olh ixli'astan an lakt'iyan ta'alhtajupalh pumatam angelh, ay lhich'alhkati ixlit'ajun, chi wanaj mapulhku'olhi an lakaat'un la ixmakalip'at.