LOS HECHOS 12:6 - Tepehua Pisaflores

⁶ Chi anchunu jatats'isni akxni an Herodes ixpast'ak'acha li kamaxtuya katunkuna, an Pedro ilhtatay, la ixpujank'an ixt'uyunk'an soldadojnin, laka ma'at'uy cadenajcha ixmakch'i'ulakanta. Chi an ali'in soldadojnin ixtajalhistaknantacha an la xamalhticha an pulach'in.

LOS HECHOS 12:6 ပူးပေါင်းရင်းမြစ်များ

SAN MATEO 28:4

An yu ixtajalhistaknan soldadojnin sawalhcha talaktalhanalh wa xk'ip'ip'icha ixtalaklay chi tala'ta'a'talhcha, wa tacha wa talaknilhcha sa' talaktamalh.

LOS HECHOS 12:5

Pus an Pedro oxicha ixlistakkanta an laka pulach'in, pero an yu ixtakiklaka'iy Dios alhp'asi ixtataylhi'anta ixtalhitapaynini.

LOS HECHOS 21:33

Chi an comandante jala'cha'alhcha chi ch'apayawlhcha an Pablo, lhinawlhcha li kach'i'ulakalhcha laka ma'at'uy cadena. Ixli'astan lhasakminilhcha tichini yuchacha, chi tuchini ilhtulhcha.

LOS HECHOS 28:20

Pus chaway yuchacha ixlakata li iklalhit'asanitaw, para li aklala'ts'iw chi li aklaxa'alaw. Mu tacha ani ikma'ch'ikanta laka cadena ixlakata tacha an tapakxan'iy an jamacha'an Israel li katapasaya'.

LOS HECHOS 5:23

Tanajun an yu ixtajalhistaknan: ―An pulach'in oxi ixlaklhchajuy akxni ikcha'aw, chi an soldadojnin an ixlakapu an malhticha tajalhistaknanta. Pero akxni ikmati'awcha, jantu xamati ikla'cha'aw pulakni.

EFESIOS 6:20

mu ixlakata yucha li kimakminkanta masi iklaklhchajuy. K'at'ap'aynit'iti para li tachapuni aklhichiwinilh tacha yu ak'ilhtulh.

2 TIMOTEO 1:16

An ixfamilia an Onesíforo kajalhi'a'tayjulhi an Jamach'alhkat, mu yucha wanaj a'lhuwi kima'oximaj'ayalh chi jantu kint'amaxanalhi akxni xakimalaklhchawkanta chi xakimakch'ikanta laka cadenaj.

HEBREOS 13:6

Pus lhitala'si lay nawnaw: An Jamach'alhkat Dios yucha ki'a'tayjuy. Jantu aktitalhamnilhi tani laycha aki'ilhtulh an wa lapanakcha.