LOS HECHOS 1:16 - Tepehua Pisaflores

¹⁶ ―Kint'ala'awnin, ixlitask'iniya li chuncha ka'ixtapasalh tacha an ixnajuntacha an David akxni machiwinilh an Stalan'a Takuwin. Yucha lhichiwinilhi an Judas yu jatap'ulhnilh an lapanakni an yu tach'apayawlh an Jesús,

LOS HECHOS 1:16 ပူးပေါင်းရင်းမြစ်များ

SAN MATEO 26:14

Xapumatam an ixpumakawt'uyk'an ixt'alhtanan an Jesús, yu ixjunkan Judas Iscariote, jala'alhi an xalaj'ajin sacerdotejnin,

SAN MATEO 26:47

Ixchiwint'ajunka an Jesús, la'cha'alhcha an Judas, xapumatam an ixpumakawt'uyk'an ixt'alhtanan, t'o'o'ocha jat'acha'alh lhuw lapanakni, ixtalaklhi'antacha ix'espadajk'an chi ixk'iwk'an. Yu'uncha an xalaj'ajin sacerdotejnin chi an laktatanincha yu ancha xalapanakni ixtalhinajunta.

SAN MATEO 26:54

Pero li chuncha, ¿tasucha lay kalhitapasaya tacha an ts'o'muk'akanta tan najun li chuncha katapasalhi?

SAN MATEO 26:56

Pero wa xliyu li chuncha katapasaya tacha an tats'o'muk'ata an yu ixtalhichiwiniy ixchiwinti Dios. Wa chuncha an ixt'alhtanan an Jesús, wanaj tamakaw'olh, ta'oslicha.

SAN MARCOS 12:36

Pero mu an David yucha nawpalay akxni machiwinilh an ixtakuwin Dios, najun: “An Jamach'alhkat Dios juniy an kiJamach'alhkat Cristo: Tan oxicha kimpa'xti ak'imp'ikt'ut'a'ulh, sta akxni ajkamama'oyacha la mijach'aja an yu wa taxkayan.”

SAN MARCOS 14:43

Ixchiwint'ajunka an Jesús, la'cha'alhcha an Judas, xapumatam an ixpumakawt'uyk'an ixt'alhtanan, ts'ananacha tat'acha'alhi ali'in lapanakni, ixtalaklhi'antacha ix'espadajk'an chi ixk'iwk'an. Yu'uncha an xalaj'ajin sacerdotejnin chi an xamaestrojnin lhamap'a'sin chi an laktatanini ixtamala'achata.

SAN LUCAS 22:47

Chunchaka ixchiwint'ajun an Jesús, walh lhilhuwcha cha'ankalh, an yu ixjunkan Judas, xapumatam an ixpumakawt'uyk'an ixt'alhtanan an Jesús, ixjap'ulhnitacha an lapanakni, chi la'cha'alhcha an Jesús, la'xtikilhtastuklhicha.

SAN JUAN 10:35

Li an Dios, diosnini jajunilh an yu takilhichiwinchilh ixchiwinti, pus k'atsayawi li an tan chuncha ts'o'muk'akanta jantu layi jantucha katikiklaka'iw.

SAN JUAN 13:18

’Jantu minchuxk'ani iklalhichiwint'awnaw, kit'in ijk'atsayi tichini yu'unchacha yu ijkasakxtuta. Pero katapasaya tacha an najunta an tan ts'o'muk'akanta: “An yu kint'alakwayt'ajun wa akint'atasp'it'a'.”

SAN JUAN 17:12

Akxni ani lakamunulhpa xajkat'a'aklat'ajun, kit'in ijkama'alhi la minta'a'ut an yu k'ijaxt'a'nin. Kit'in ijkama'alh chi jantu xamati ts'an'alh, wa yucha an yu ists'an'atacha, para li katapasalhi tacha an najunta an tan ts'o'muk'akanta.

SAN JUAN 19:36

Mu tacha ani laktapasalh wa xliyu li katapasalhi an tacha ts'o'muk'akanta tan najunta: “Jantu katit'e'enikalhi ixjalukut.”

LOS HECHOS 1:20

Mu ts'o'muk'akanta an laka libro yu junkan Salmos tan najunta: Wanaj kasa' walhi an la ixcha'a', Chi jantu k'is xamati katawilh ancha. Chi najun: Pumatamcha ka'a'ch'apanicho'olh an ixtapatsat.

LOS HECHOS 13:15

Akxni tapunaw'olhcha an lhamap'a'sin chi an ixlamap'a'sink'an yu ma'anchacha ixtalhichiwiniy ixchiwinti Dios, an xalaj'ajin an tan ixtata'ayxt'o'a an lapanakni tanajun: ―T'ala'awnin li sna tu'u k'anawna'it yu k'ajap'ula'oximaj'ayat'it an lapanakni, ch'awaych'a k'ana'unt'it.

LOS HECHOS 13:38

Pus chaway k'ak'ats'at'itcha aniya t'ala'awnin, yucha an Jesusi p'umak'ats'aanik'anat'it li layi k'amala'mixinik'ana'it'it mintala'alhink'an.

LOS HECHOS 15:13

Akxni tachiwin'olhcha an Jacobo, najun: ―T'ala'awnin, akila'asmatniw,

LOS HECHOS 15:7

Ixli'astan akxni stakcha lalhikikxtukukalh, an Pedro tayalhcha chi jajuniy: ―T'ala'awnin, uxitnan k'ats'ayat'iti li ma'anchacha, an Dios kisakxtulhi de kitnan, para li ajkamak'atsaanilhi an laj'oxi chiwinti an yu jantu judiojnin, para li yu'uncha katajakiklaka'inilh.

LOS HECHOS 2:23

Chi ani lapanak, ma'axt'a'nik'ant'it, ch'i ma'nit'it, mu chunchacha ixlilaklhkata chi chunchacha ix'ilhtuputun an Dios, jalhi'unit'iti an ay tajunita lapanakni li katamakxtukmuk'alhi laka cruz.

LOS HECHOS 2:37

Akxni chunchacha ta'asmatlhi an yu ancha ixta'ayxto'nun, sawalhcha tala'ta'oxila'alhilh, pus talhisakmilhcha an Pedro chi an ali'in ixjamala'achata an Jesús wachucha jalhisakmikalh, jajunkan: ―T'ala'awnin, ¿tisuncha lay ak'ilhtuwi?

LOS HECHOS 22:1

―Yu lhit'ala'awnin chi xalakpaynin, k'a'asmatt'iti tacha ani aklajunaw, yu ikputa'a'tayjuy.

LOS HECHOS 23:1

An Pablo sa'cha jala'ts'ini an yu ixta'ilhtuy junta, chi jajuniy: ―T'ala'awnin, kit'in sta chaway la ix'ukxlakapu Dios ijk'atsayi li oxi ikt'ajun.

LOS HECHOS 23:6

Chi an Pablo mu jalhakapu'alhi an lapanakni li an ali'in yu'uncha an saduceojnin chi an akilhmaktamin yu'uncha an yu ixjajunkan fariseojnin, pus p'ascha jaxa'alalh jajuniy: ―T'ala'awnin, kit'in ikfariseo, chi yu ta ijkalhila'ts'in wachu yu'un. Chi tuchi kilhilhiminkanta ani wa xliyu li ijkiklaka'iya li katala'awcho'oya an yu tanitacha.

LOS HECHOS 28:17

La'at'utucha wilhchan la'pusli, an Pablo lhinawlh li kajat'asanikalhi an xalaj'ajin judiojnin an Roma, akxni tata'ayxto'lhicha jajuniy: ―T'ala'awnin, kit'in jantu tani ijka'ilhtuy an judiojnin chi jantu tani iklak'ilhtuy tacha an ixtalhismanitacha an yu ta ixjalhila'ts'inaw. Walh an la'acha'an Jerusalén ikma'axta'kalhi la ixmakak'an an jamacha'an Roma,

LOS HECHOS 28:25

Chi mu jantu wa tami ixtak'atsay, akxni ixtitalak'ancho'oycha, an Pablo jajunilh: ―An Stalan'a Takuwin ts'ajwi jajunilh an yu t'a ixjala'lhila'ts'inat akxni an Isaías yu ixlichiwiniy ixchiwinti Dios manawnikalh:

LOS HECHOS 7:2

Pus yucha ja'alhtayanalh, jajuniy: ―T'ala'awnin, chi xalakpaynin, akila'asmatniw: An yu ay Dios sawalh talakasunilhi an kimpayk'an Abraham, akxni ixt'ajun an xalakaat'un Mesopotamia, akxni jantuka' ix'an tawlhna la'acha'an Harán,

1 PEDRO 1:11

An ixTakuwin an Cristo p'ulhnajcha ixjamak'atsaaniya an yu ixtalhichiwiniy ixchiwinti Dios tuchi lhima'alh'ajnacha kalhitsukuya an Cristo chi tacha an ay kala'ts'inkana ixli'astan. Chi yu'uncha ixtalhipuxkawniycha ixtak'atsaaputun tichini yuchacha anchunu lapanak, chi tani wanancha chuncha katapasaya tacha an ixjamasuniy an Takuwin.

2 SAN PEDRO 1:21

Tacha an najunta ixchiwinti Dios jantu tu'u yu wa yucha an lapanakcha chuncha kanawputulh. Chunchuniya yu tapasalh, an yu ixtalhichiwiniy ixchiwinti Dios yucha an Diosi jajunilh tani katanawlhcha, yucha an Stalan'a Takuwini jamachiwinilh.

2 SAN PEDRO 2:21

Palay oxi jantu a'tam kaxtamispalh an yu oxi tij, mu chaway li tamispalhcha, chi tamakawpalayi an la'stalan'a lhamap'a'sin yu tala'a'ilh.