HEBREOS 7:24 - Tepehua Pisaflores

²⁴ Pero an Jesús mu yucha jantu a'tam katinilh, pus an ixpusacerdote jantu a'tami xamati kati'a'ch'apanicho'olh.

HEBREOS 7:24 ပူးပေါင်းရင်းမြစ်များ

SAN JUAN 12:34

An lapanakni ta'alhtaylh tajuniy: ―Kitnan ik'asmattaw an laka lhamap'a'sin li an Cristo katsuku'alhiya'. ¿T'asuch'a li na'un li task'iniya li an yu kijunchilh isTs'alh Lapanak kamakxtukmuk'akana'a? ¿Tanyucha isTs'alh Lapanaki?

ROMANOS 6:9

K'atsayawi li an Cristo, la'awcho'olh chi jantucha a'tam katinilh. An lhinin jantucha layi ta kati'ilhtulh.

ROMANOS 9:5

Yu'uncha ixlakpaynink'an oxi ixtat'a'aklat'ajun Dios ma'anchacha. Chi yu'uncha japula'awlh an Cristo, chi an Cristo yucha Dios, wa tanchun kawalhcha. Yucha lhilhiji kaxta'niw lhimala'puchajun. Chuncha kajunlhi.

HEBREOS 13:8

An Jesucristo wanajcha yu yu kutanchacha ixjuntachalh, chi yu chaway, chi wa ixpujun'alhincha kajuna'.

HEBREOS 7:28

An ixlamap'a'sin Moisés wa lapanaknicha yu lay ta'ilhtuy ixtala'alhink'ani jalhka'ulay, pero an yu nawlh an Dios li sawalh, yu xli'astancha lhamap'a'sin ilhtukalh, yucha lhka'ulay an isTs'alh, yu jantu tu'u ixtala'alhin chi yu ixpujun'alhincha.

APOCALIPSIS 1:18

chi ikt'ajun. Xaknitalh, pero chaway ixpujun'alhincha li ikt'ajun. Kit'in iklhit'ajuni an xayave lhinin chi an xayave tan alin ma'alh'ajnat, laka la'nin.