HEBREOS 10:5 - Tepehua Pisaflores

⁵ Pus xliyu akxni tanuchilhcha an lakamunulhpa an Cristo juniy an ixPay: Uxint'i jant'u yu oxi lhiwilay yu jama'nikan jatapakxat chi lha'ulan, apalij k'ixt'a'nin kilakatunaj.

HEBREOS 10:5 ပူးပေါင်းရင်းမြစ်များ

SAN MATEO 11:3

para li katalhisakmilhi li yucha yu kamina u katapakxan'ipala pumatam.

SAN LUCAS 1:35

An angelh alhtaylh juniy: ―Yucha an Stalan'a Takuwini kala'chinan, chi an ix'alhp'asninti an yu wilhchalh talhman Dios kamatanchaniyan la ixma'stele', xliyu an stalan'a jas'at'a katsukuya, isTs'alh Diosi kajunkana'.

SAN LUCAS 7:19

jamala'achanilhi an Jesús para li katalhisakmilhi li yucha yu kamina u katapakxan'ipala pumatam.

SAN JUAN 1:14

An Chiwinti junlhi lapanak chi kintakit'atawlhchin. Chi la'ts'iwi an ix'alhp'asninti, yu xta'niy an ixPay, mu wa ix'akstu isTs'alh, chi yucha lhuwi ixjamapayninti chi chux an ixchiwinti sawalh.

GÁLATAS 4:4

Pero akxni chilhcha an panch'e'ex, an Dios makmilhcha an isTs'alh, yu putsukulh pumatam t'aku chi ix'asmat'a an ixlamap'a'sin Moisés.

1 TIMOTEO 3:16

Jantu lhitala'a'o'xcho'o li ay sawalhi an yu jantu tasuy jamapayninti: An Cristo kitalakasuchilhi laka jakanit, an ixTakuwin nawlhi li yucha sawalh, chi tala'ts'ilhi an angelhnin. Yucha jalhixa'alakalhi ta kilhmakchux ta'alin an lapanakni Kiklaka'ikani ani lakamunulhpa'. La'a'ikalhi an talhman li yucha ay.

HEBREOS 1:6

Chi lakatam najun akxni lhimilhcha an la'atamij isTs'alh ani lakamunulhpa: Ixchuxk'an an ix'angelhnin an Dios ayi katala'ts'ilh.

HEBREOS 10:10

Xlakata tacha an yu yuchacha oxi lhiwilalh an Dios chunchacha yu kintapustalan'akan, mu an Jesucristo ma'axta'lhi an ixlakatunaj para li kalha'ulanankalhcha, wa a'tam chi ixpujun'alhincha.

HEBREOS 10:7

Wa chuncha iknajun: “Anicha ikyalh, tacha kalaks kilhits'o'muk'akanta an laka japasmilinti jalhiki, para li ak'ilhtulhcha tacha yu uxint'i oxi lhiwilayi Dios.”

HEBREOS 10:8

P'ulhnaj najun, ixma'nika jatapakxat chi lha'ulan chi yu ixla'xawa'oka jatapakxat chi lha'ulan yu pumala'mixikan tala'alhin jant'u la'a'it'i, ch'i jant'u oxi lhiwilat'i (ani tanlhun chuncha ma'axta'kan mu chuncha lhinajun an lhamap'a'sin).

HEBREOS 2:14

Ixjas'at'an pumatam lapanak wachu chuni ixjakanitk'an chi ixjak'alhnik'an, wanajcha chuni an Jesús lhitsukulhi ixjakanit chi ixjak'alhni, para li an ixlinin kapulaklhajalhi an yu lay ixjama'ninin, an xapay makxkay'un.

HEBREOS 5:7

An Cristo akxni ixt'ajunka ani lakamunulhpa, tapayninilh chi sk'inilhi laka p'as chiwinti chi alhut an yu lay kaxma'alhtaxtulh laka lhinin, chi mu wa xliyu jakiklaka'inin, pus an Dios asmatnilh.

HEBREOS 8:3

Mu ixchuxk'an an xalaj'ajin sacerdotejnin jalhka'ulakani li katama'ninilhi jatapakxat an Dios chi li kataja'ulananilh, pus an Jesucristo wachu task'iniya li tu'u kama'axta'lhi.

1 PEDRO 2:24

An Cristo yucha lhi'alhcha an kintala'alhink'an la ixlakatunaj an laka cruz, para li kitnan jantucha akintala'chini an tala'alhin chi yu oxicha jatsukunti katsukuw. Yucha mak'atsanikalh para li uxitnan k'at'ak'uch'ut.

2 JUAN 1:7

Mu lhuw yu wa taja'o'xcho'onuni tat'ajun ani lakamunulhpa', yu'uncha jantu tanajuni li an Jesucristo kijunchilhi lapanak sawalh. Yu chuncha lay, yuchacha yu an wa ja'o'xcho'onun chi yuchacha yu jantu Cristo sawalh.