HEBREOS 1:9 - Tepehua Pisaflores

⁹ Uxint'i yucha an yu laj'oxi tanlhuni ach'aniy, jant'u la'ts'imp'ut'uni an yu jantu laj'oxi tanlhun, xliyu lhisakxtun an Dios, miDios, chi palay xta'nini achat an mint'alhtanan jantu.

HEBREOS 1:9 ပူးပေါင်းရင်းမြစ်များ

SAN LUCAS 4:18

An ixTakuwin Dios la ki'ukxni t'ajun, mu yucha kilakpach'apalh la ixmaka para li ajkalhixa'alalh an laj'oxi chiwinti an jakilhpatinin. [Chi kimakminta para li ajkak'uch'ulh an yu wa tala'ta'oxila'alhiy la ixjalhunutk'an.] Chi para li p'asi aknawlh li an yu talaklhchawnan kajamakawkalh, chi katajalakawanalhi an yu jantu tajalakawanan. Chi para li kajamakawkalhi an yu sawalhcha jamama'alh'ajnikan.

SAN JUAN 1:41

Chi an Andrés watukan la'alhi an ixt'ala'ajun yu junkan Simón, chi juniy: ―Ikla'cha'aw an Mesías. (Yucha nawputun Cristo.)

SAN JUAN 10:17

’An kimPay xliyu kilhimapayniy, mu kit'in ikma'axt'a'a an kijatsukunti para li ajkama'lhtayanancho'olh.

SAN JUAN 20:17

An Jesús juniy: ―Jant'u ak'ilak'ach'ap'a, mu jantuka' ikla'ani an kimPay anu talhman. Pero k'ap'inchi jajunini an kijat'ala'awnin, li ikti'ancha tan wilhchalh an kimPay chi mimPayk'an, an kiDios chi miDiosk'an.

SAN JUAN 3:34

Mu an yu Dios makminta, yucha an ixchiwinti Diosi lhichiwiniy, chi mu an Dios yucha jantu wa jatapulhkanti xt'a'a an ixTakuwin.

LOS HECHOS 10:38

K'ats'ayat'iti li an Dios xta'nilhi ix'alhp'asninti chi Stalan'a ixTakuwin an Jesús yu jamacha'a Nazaret, ch'i k'ats'ayat'iti li an Jesús tanlhun yu laj'oxi ix'ilhtuy chi ixjak'uch'uyi wa tichicha yu an xapay makxkay'un ixjamama'alh'ajniy. Chuncha lay ix'ilhtuy mu an Dios ixt'a'aklat'ajun.

LOS HECHOS 4:26

An rejnin chi an jamach'alhkatni ani lakaat'un, tala'talh'amancha chi wa tamcha tak'atsay, tat'alaxtukuycha an Dios chi an ixCristo.

LOS HECHOS 4:27

’Sawalhi li an Herodes chi an Poncio Pilato aniya tatala'xto'lhi, ani la'acha'an, ali an yu jantu israelitajnin chi an yu israelitajnin. Tat'alaxtukulhi an Jesús, mima'tsuku', yu uxint'i sakxt'u li Cristo kawalh.

ROMANOS 12:9

Yu ixlisawalhch'a k'alamap'aynip'axat atamjtamin, k'axk'a'it'iti an yu jantu laj'oxi tanlhun chi k'a'ilht'ut'iti an yu laj'oxi tanlhun.

ROMANOS 15:13

An Dios yu ilhtuy li kapakxan'ikalhi yu najun, yuchacha kataxta'nin achat chi oxi jatawlhnat, uxitnan yu k'iklak'a'iyat, chi an la ix'alhp'asninti an Stalan'a Takuwin yuchacha katapu'ilhtun an Dios li k'ap'akxan'it'iti an tacha najun.

1 CORINTIOS 1:9

An Dios, yucha ilhtuy sawalhi yu najun li ka'ilhtuya', chi yucha yu tat'asanin, para li k'at'at'ala'xt'o't'iti an isTs'alh Jesucristo, yucha kiJamach'alhkatk'an.

2 CORINTIOS 11:31

An Dios yu ixPay an kiJamach'alhkatk'an Jesucristo yu t'acha'an li ixpujun'alhincha oxi kalhipastakkalh, k'atsayi li sawalhi yu iknajun.

GÁLATAS 5:22

Pero an ixTakuwin Dios yucha ilhtuy li kajamapayniniw, li ka'achaw, li oxi katawlaw, li ixlak'anti ka'ilhtuw an tanlhun, li oxi kajala'ts'iw an ali'in, li oxi lapanaki kajunwi, li kamuktaxtuwi an tanlhun,

EFESIOS 1:3

Ayi kala'ts'iw an Dios yu ixPay an kiJamach'alhkatk'an Jesucristo, mu yucha kintamakminicha'ani awint'i lakt'iyan chux yu ma'lhtask'iniy kintakuwink'an, yucha an Cristojo kintalhiminin.

FILIPENSES 2:9

Xliyu an Dios wachu palay lhitapalayi ilhtulh, chi xta'nilhi ta'a'ut yu palay lhitapalay, yu jantu tu'u alimpalay yu ixt'achun.

HEBREOS 2:11

Mu ixchuxk'an wa pumatami ixPayk'an: tacha an yu jamastalan'anan chi an yu jamastalan'anikan. Xliyu an isTs'alh Dios jantu maxanani li kintajunan li ixjat'ala'awnin juntaw.

HEBREOS 2:9

Pero la'ts'inawi li an Jesús yu an Dios ilhtulh tam panch'e'ex li palay wa xalakat'ikt'i kawalh chi an angelhnin palay xalaj'ajin, li yucha xta'nikalhi ixcorona para li ayi kala'ts'inkalh chi kalhila'sikalh ixlakata li yucha nilh. An Dios la ixjamapayninti lakask'ilhi li kama'k'atsaalhi an lhinin kilakatak'an kinchuxk'an.

HEBREOS 7:26

Pus an Jesús yucha xa'ay tukan sacerdote yu ixma'lhtask'iniyaw. Yucha Stalan'a, jantu tu'u ilhtuy yu jantu oxi, yucha jantu lhkiliki, yucha jantu jat'atala'xt'o'a an yu ta'ilhtuy ixtala'alhink'an yucha palay awint'i lakt'iyani ulakantachalh.

1 PEDRO 1:3

Ayi kala'ts'iw an Dios chi ixPay an kiJamach'alhkatk'an Jesucristo, mu yucha laka ay ixjamapayninti kintamala'awnicho'on, yucha an Jesucristojo chuncha kintapu'ilhtun akxni an la'awcho'olh. Chunchacha kintapu'ilhtun li kapakxan'iwi

1 JUAN 1:3

Pus, klamak'atsaaniyawi yu ikla'ts'intaw chi ik'asmattaw, para li uxitnan akilat'atala'xto'wicha, tacha kitnan ikt'atala'xto'taw an kimPayk'an Dios chi an Jesucristo, isTs'alh.

APOCALIPSIS 2:15

Wach'u jalhit'a'un ali'ini yu jantu tamakawputun tacha an tamasuy an nikolaytajnin.