APOCALIPSIS 11:8 - Tepehua Pisaflores

⁸ An ixlakatunajk'an an tan jalhi'ay junita an tan ay la'acha'ani katatamaya'. Ancha tan wa kapulhimacha'xakalhcha junikalh li Sodoma chi Egipto, tan wachu tamakxtukmuk'alh laka cruz an kiJamach'alhkatk'an.

APOCALIPSIS 11:8 ပူးပေါင်းရင်းမြစ်များ

SAN MATEO 10:15

Anchunu la'acha'an u laka cha'a o'sliyancha li palay kaxta'nikana lhima'alh'ajna akxni kajasakxtununa an Dios, walh masi palay jantu an xalakaat'un Sodoma chi an xalakaat'un Gomorra.

LOS HECHOS 9:4

Pus an Saulo alo' ta'a'talh, chi asmat'a junkan: ―Saulo, Saulo, ¿t'asu li k'ilhit'ama'ch'ap'uycha?

HEBREOS 13:12

Pus xliyu wachu an Jesús, para li kajamastalan'anilhi la ixjak'alhni an yu takiklaka'iy, ixlima'spa an la'acha'ani nilh.

HEBREOS 6:6

Pero li yu'uncha a'tam tata'a'tapalay, jantucha layi wanaj a'tam ixlisast'i katijamach'a'o'apalakalh Dios, mu chuncha tachanu a'tam tamakxtukmuk'apalayi an isTs'alh Dios, chi tamamaxaniycha tan lhilhuw.

2 SAN PEDRO 2:6

An Dios wachu jamama'alh'ajnilhi an la'acha'an Sodoma chi an la'acha'an Gomorra wanaj lhk'ak'a ja'ilhtu'olh. Ani la'acha'anaxni pumasukancha tani kaja'ilhtukanacha an yu jantu tala'ts'imputun an Dios.

JUDAS 1:7

K'ap'ast'akt'it wachu an la'acha'an Sodoma chi Gomorra chi yu waniycha la'acha'anaxni ixlaklhitamakajun. An Dios jala'xawalh laka jikmi yu jantu a'tam mixa, mu wa tani talalhcha yu jantucha oxi chi wa ayacha ixtalay, chunchacha yu'uncha kintapumak'atsaanikanan.

APOCALIPSIS 11:13

Wa akxni p'asi laklalh an lakaat'un chi décima parte an ay la'acha'ani talakpujlhi chi la'atujun mil lapanakni tanilh ixlakata li laklalh an lakaat'un. An yu jantu tanilh sawalhcha talaktalhanalh, chi talaknawlhi li an Dios yu wilhchalh anu lakt'iyan yucha ay.

APOCALIPSIS 11:9

Chi an lapanakni yu tanlayjcha katalakminanta ta kilhmakchux, ta lakachux ch'alhkatnankan, chi ta kilhmakchux chiwinti alin, kata'a'la'ts'imayacha an ixt'iyunk'an janinin, la'at'utu wilhchan apaytat chi jantu katitamakawlhi li kajamaknukalh.

APOCALIPSIS 14:20

An uva pach'itkalhcha ma'spa an la'acha'an, chi an tan ixmukanta an uva takutlhi jak'alhni, sta an la ixfrenojk'an an kawayojnini tacha'aninilh, 300 kilómetrojo ixlima'at cha'alh.

APOCALIPSIS 14:8

Wa chuncha talakasupalh pumatam angelh yu ixlipumat'uycha taylhi'alh, najun: ―¡Tat'ilhilhcha, tat'ilhilhcha an ay la'acha'an Babilonia, mu ja'ilhtulhi li chux an ay la'acha'anaxni kata'otlhi an jamaskajanti xaxkan uva yu wa aya pulay.

APOCALIPSIS 16:19

An ay la'acha'an puma'at'utu walh, chi an la'acha'anaxni an lakamunulhpa laktalakt'ilhilh. Wa chuncha an Dios pastaklhi an ay la'acha'an yu junkan Babilonia para li kama'ot'ulhcha an jamaskajanti xaxkan uva yu alhp'as ixtalh'amti an Dios.

APOCALIPSIS 17:1

Xapumatam an ixpumatujunk'an angelhnin an yu ixtalakch'apata la'atamin copa kila'milh chi kijuniy: ―K'at'at'i akmasuniyani yu t'acha'an ixma'alh'ajnat an ay t'aku yu wa aya lay, yu sa' wilh an la ix'ukxni lhuw lakxkan.

APOCALIPSIS 17:18

Chi an t'aku an yu la'ts'i yucha an ay la'acha'an yu jach'alhkatnaniy an xarejnin ani lakaat'un.

APOCALIPSIS 17:5

Chi ixmuntits'o'ulakantacha la'atam ta'a'ut yu jantu xamati mispay: “An ay Babilonia, ixnatik'an an wa aya talay t'akunin chi chux an tanlhun yu jantu lhila'ts'imputu ani lakamunulhpa'.”

APOCALIPSIS 18:10

Wa ma'atcha katatayayanta ixlakata li katatalhanajlaka'anacha tacha an kamama'alh'ajnikana', chi katanawna: “Payniycha, payniycha an ay la'acha'an Babilonia, yu k'ut'ilh la'acha'an, mu wanaj wa puwalasi chilh mima'alh'ajnat!”

APOCALIPSIS 18:18

chi akxni tala'ts'incha an xajin tacha an la'xajuy an ay la'acha'an, talakt'asalhcha tanajun: “Jantu a'tam alinta la'acha'an yu sawalh alhp'asni tacha an Babilonia.”

APOCALIPSIS 18:2

Chi p'ascha tukani chiwinilh, najun: “¡Ta'a'talhcha, ta'a'talhcha an ay Babilonia! Wa ixcha'achak'an lakmakxkay'uni chaway, chi wa taputats'e'acha chux tanlhun lakmakxkay'un chi wa ixpamaj'anchak'an chux tanlhun lakmakxkay ts'o'on chi yu jantu jalhila'ts'imputu.

APOCALIPSIS 18:21

Wa chuncha pumatam angelh yu k'ut'ilh ch'ixsaklhi la'atam aya chiwx, wa tacha wa la'atamcha ay xachiwx palakskitin chi warrarracha maka'alh an alamalh, najun: “Wanajcha chuni jant'u k'at'ilhima'la'ach'ip'ink'a k'alakt'ilhik'ana'a ay la'acha'an Babilonia, ch'i jant'uch'a a't'am k'at'ila'ts'inch'o'ok'a.

APOCALIPSIS 18:24

Ani la'acha'ani la'cha'ankalh ixjak'alhnik'an an yu ixtalhichiwiniy ixchiwinti Dios chi an yu ixlapanakni Dios chi ixchuxk'ancha an yu jama'nikanta ani lakaat'un.