2 TIMOTEO 3:16 - Tepehua Pisaflores

¹⁶ Chux an tan ts'o'muk'akanta an ixchiwinti Dios yucha an Diosi chuncha chiwininta. Yucha pumasukan an tanlhun chi pujamap'a'sininkan chi pula'oxinikan ixjatapast'ak'at yu wa lhits'an'ay. Pujamatalanininkan para li oxi jatsukunti kalhitsukukalh,

2 TIMOTEO 3:16 ပူးပေါင်းရင်းမြစ်များ

SAN MATEO 13:52

An Jesús jajuniy: ―Xliyu wa tichicha xamaestro lhamap'a'sin yu laklaniy an ixlich'alhkat Dios, tachanu pumatam xapay inta laka cha'a', yu lakmakutuyi yu lhitapalay la'sast'i ixtanlhun chi yu la'ma'anchacha, para li kajapumalaklanilhi an lapanakni.

SAN MATEO 21:42

An Jesús jajuniy: ―¿Jant'u a't'am p'unawt'at'iti an tan ts'o'muk'akanta?, tan najun: An chiwx an yu wa tala'amaj'alh an yu tayajuy cha'a, apalij yucha yu palay lhitapalay chaway. Yucha an Diosi chuncha ilhtulh. Chi chaway sawalhcha lhi'a'niyaw.

SAN MATEO 22:43

Chi an Jesús, jajuniy: ―¿Pus tasucha li akxni an ixTakuwin Dios machiwinilh an David, najun: “kiJamach'alhkati an Cristo”:

SAN MATEO 26:54

Pero li chuncha, ¿tasucha lay kalhitapasaya tacha an ts'o'muk'akanta tan najun li chuncha katapasalhi?

SAN MATEO 26:56

Pero wa xliyu li chuncha katapasaya tacha an tats'o'muk'ata an yu ixtalhichiwiniy ixchiwinti Dios. Wa chuncha an ixt'alhtanan an Jesús, wanaj tamakaw'olh, ta'oslicha.

SAN MARCOS 12:24

An Jesús ja'alhtaylh jajuniy: ―Wa xliyu jant'u k'ats'ayat an ixchiwinti Dios, chi li yucha layi ilhtu'ojoy watuchicha, walh o'palaj xliyu k'a'ilht'ut yu jantu oxi.

SAN MARCOS 12:36

Pero mu an David yucha nawpalay akxni machiwinilh an ixtakuwin Dios, najun: “An Jamach'alhkat Dios juniy an kiJamach'alhkat Cristo: Tan oxicha kimpa'xti ak'imp'ikt'ut'a'ulh, sta akxni ajkamama'oyacha la mijach'aja an yu wa taxkayan.”

SAN JUAN 10:35

Li an Dios, diosnini jajunilh an yu takilhichiwinchilh ixchiwinti, pus k'atsayawi li an tan chuncha ts'o'muk'akanta jantu layi jantucha katikiklaka'iw.

SAN JUAN 3:20

Watichicha yu wa tanlhuncha yu jantu oxi lak'ilhtuy, jantu la'ts'imputuni an jatapulhkunu', chi jantu k'uxa'ani tan pulhkuy para li jantu katasulhi yu an ilhtuy.

LOS HECHOS 1:16

―Kint'ala'awnin, ixlitask'iniya li chuncha ka'ixtapasalh tacha an ixnajuntacha an David akxni machiwinilh an Stalan'a Takuwin. Yucha lhichiwinilhi an Judas yu jatap'ulhnilh an lapanakni an yu tach'apayawlh an Jesús,

LOS HECHOS 18:25

Ani lapanak oxi ixmatalaninikanta an la ixtij Dios, chi sawalhcha tachapuni ixlichiwiniy an Jesús chi ts'ajwi ixlichiwiniy, masi wa yucha ixmispay an ixjama'paxanti Juan.

LOS HECHOS 20:20

Kit'in o'sliyani iklamak'atsaaniw yu oxi para uxitnan, tan lhilhuw xaklamak'atsaaniyaw chi la mila'cha'anink'an.

LOS HECHOS 20:27

mu kit'in iklamak'atsaani'ojocha chux yu ka'ilhtuya an Dios, jantu tu'u yu jantucha aklajuniw.

LOS HECHOS 28:25

Chi mu jantu wa tami ixtak'atsay, akxni ixtitalak'ancho'oycha, an Pablo jajunilh: ―An Stalan'a Takuwin ts'ajwi jajunilh an yu t'a ixjala'lhila'ts'inat akxni an Isaías yu ixlichiwiniy ixchiwinti Dios manawnikalh:

ROMANOS 15:4

Mu an tanlhun yu ma'anchacha la'ts'o'kalh, yucha lhits'o'kalh li kapulaklaniw para li laktachapunini kapujunwi chi chuncha layi kapakxan'iyaw yu najun an Dios li kajuna'.

ROMANOS 2:20

K'ats'ayi li layi k'ajamap'a'sit'i an yu jantu tu'u tak'atsay chi li layi k'ajamap'a'sit'i an yu jantuka' oxi tajalakpastaknan, mu an laka lhamap'a'sini la'ch'ip'in an jatapast'ak'at chi an yu sawalh.

ROMANOS 3:2

Wanaj lhuw sawalhi tuchini ixli'oxicha. Yu p'ulhnaj, wa xliyu yu'uncha an judiojnini an Dios jaxta'nilh an ixchiwinti.

ROMANOS 4:23

Chi jantu wa ixlakatacha an Abrahami lhits'o'muk'akalh li lhakapu'ankalh,

1 CORINTIOS 12:7

Atamj atamj kitnan tamjtami kintaputalakasuyan an Takuwin, para li oxi kajapu'a'tayjuw an ali'in.

GÁLATAS 3:8

An tan ts'o'muk'akanta, an Dios mu ixk'atsaycha li an yu jantu judiojnin wachu kajamaxtuniya ixtala'alhink'an yu katajakiklaka'inina, pus an Abraham mak'atsaanikalhi yu ma'anchacha ani oxi chiwinti: “Ta kilhmakchux an lapanakni milakata uxint'i oxi katatsukuya'.”

2 TIMOTEO 2:25

Chi kajamap'a'silhi an yu jantu k'is taja'asmatnan, laka jakilhpatinijk'atsat, para li sna an Dios kaja'ilhtulhi li katamakawlhcha yu jantu oxi jatsukunti, para li katamispalh an yu sawalh.

2 TIMOTEO 4:2

li k'alhich'iwini an ixchiwinti Dios, k'ajamak'ats'aanini akxni ixpaku chi masi akxni jantu ixpaku'. K'ajamat'anunin, k'ajamap'a'sin, ixlak'anti k'ajama'oximaj'ayan ch'i k'amasut'i.

HEBREOS 11:1

An jakiklaka'inti, yuch'a li na'un sawalhi li kajuna yu p'akxan'iy, yuch'a li na'un li lhit'a'uncha sawalhi masi yu jant'uka' la'ts'in.

HEBREOS 3:7

Xliyu tacha an lhinajun an Stalan'a Takuwin an tan ts'o'muk'akanta: Li asmat'at'iti uxitnan chaway yu iknajun,

HEBREOS 4:12

Mu an ixchiwinti Dios yucha la'ajunta chi alhp'as, chi palay jach'uk'unun, walh jantu masi watuchicha espada yu ta'ukxput'uy makikxtukanta, chi yucha layi ta'aknuy sta ch'uk'uy an tak'atsan chi an takuwin, ta'aknuyi sta ixpulaknicha tukan an lapanak, layi k'atsay tani jatapastaknankancha chi tuchini ilhtuputuncha an jalhunut.