2 TESALONICENSES 1:7 - Tepehua Pisaflores

⁷ Chi uxitnan, yu ma'alh'ajnanat'it, kataxta'niyani jastaknat chi kitnan. Chuncha katapasaya akxni an Jamach'alhkat Jesús chi an laktachapunin ix'angelhnin katatalakasuyacha sta anu lakt'iyan, la ixpujan jikmi yu lam lam anta.

2 TESALONICENSES 1:7 ပူးပေါင်းရင်းမြစ်များ

SAN MATEO 16:27

Mu an isTs'alh Lapanak alhp'asi kaxlimj mina la ixtachaput an ixPay, ali an ix'angelhnini kajat'amina'. Akxni atamj atamjcha kamapalhnikana tuchini ilhtulhcha.

SAN MATEO 16:28

Klajunaw yu sawalh, ali'in yu ani tat'ajun, jantu katitanilh sta akxni katala'ts'inacha kamina ch'alhkatna an isTs'alh Lapanak.

SAN MATEO 25:31

’Akxni kaxlimjcha jat'amina an isTs'alh Lapanak an ix'angelhnin, yucha katawlacha an la ixputawlan yu ta lhichux kapumispa'okana li yucha ay.

SAN MATEO 25:41

’Ixli'astan an Rey kajajunacha an yu ixlila'ama'xi tayanalh: “¡Uxitnan yu laka lhima'alh'ajna k'ap'ina'it k'a'ost'itcha ani, k'ap'inchi'itcha laka jikmi tan jantu a'tam mixa, tan mala'asijninikanta an xapay makxkay'un chi an lakmakxkay'un!

SAN MATEO 26:64

Pus an Jesús alhtaylh juniy: ―Uxint'ich'a naw, chi atumpaj klajunaw chaway ati'anta k'ala'ts'ina'itcha an isTs'alh Lapanak katawlanta tan oxi la ixpa'xti an Dios tan ch'alhkatnan, ch'i k'ala'ts'ina'it'iti akxni kaminanta lakt'iyan laka jataputs'i.

SAN MARCOS 14:62

Pus an Jesús alhtaylh juniy: ―Chun, kit'in. Chi kit'in yu ikminta juna wa tacha isTs'alh Lapanak akilala'ts'inawi akxni akpiktutawlanta an kimPay tan ch'alhkatnan, chi akxni akminanta an lakt'iyan laka jataputs'i.

SAN MARCOS 8:38

Ani lapanakni yu chaway tat'ajun ta'ilhtuyi ixtala'alhink'an chi jantu ta'ilhtuyi yu sawalh. Yu kint'amaxanani kit'in chi an kinchiwinti, kit'in isTs'alh Lapanak wachu akt'amaxanana akxni akmina la ix'alhp'asninti an kimPay ali an ix'angelhnin yu la'stalan'an.

SAN LUCAS 16:25

Pero an Abraham juniy: “Kints'alh, k'ap'ast'akt'i, uxint'i jama'lht'ayancha la mijatsukunti laj'oxi mintanlhun, chi ani Lázaro wa stakcha ma'alh'ajnalh. Pero chaway yucha anicha ma'oxamixikan, chi uxint'i st'akch'a ma'alh'ajnan.

SAN LUCAS 17:30

Chuncha katapasaya akxni kamina an isTs'alh Lapanak.

SAN JUAN 1:3

Chi chux an laktanlhun, yucha pu'ilhtukalh, jantu tu'u an yu alin laktanlhun yu jantu yu kapu'ilhtukalh.

SAN JUAN 1:51

Chi nawpalay an Jesús: ―Sawalhi an yu iklajunaw, ati'anta uxitnan k'ala'ts'ina'it'iti an lakt'iyan katati'ayanta ch'i k'ajala'ts'ina'it'iti an ix'angelhnin an Dios tacha tatach'ixa chi tata'alhtajuy la ix'ukxni an isTs'alh Lapanak.

LOS HECHOS 1:11

Chi jajunkan an ixt'alhtanan an Jesús: ―Jamacha'an Galilea, ¿tasu li wa sa'ch'a t'ala'st'ayat'iti an lakt'iyani? Ani Jesús yu ixtat'a'aklat'awnan, yu lhi'ankalhcha lakt'iyan, chuncha kamimpala', t'ach'a la'ts'int'it alh an lakt'iyan.

LOS HECHOS 3:19

Xliyu chaway uxitnan k'amak'a'unt'itcha mintala'alhink'an chi k'ach'a'o'atcha an Dios, para li katamala'mixinini mintala'alhink'an.

ROMANOS 8:17

Chi mu ixjas'at'ancha an Diosi kitnan, wachu kala'a'iyawi yu an Dios kintajunan li akintaxta'niyan, kalhawat'alhitsukuyawi an Cristo, li t'ama'alh'ajnanaw para li wachu kat'atawlhcha'awi tan ka'ana tawlhna la ixlich'alhkat.

1 CORINTIOS 3:13

Pero tani yu katapatsayacha atamj atamj akxnicha ts'awj katasuya akxni kanawkanacha li oxi u jantu yu ilhtulh, kachina panch'e'ex akxni katasuya', mu laka jikmicha kapulhila'ts'intanukana'. Chi atamj atamjcha tanyuchacha ixtapatsat, yucha an jikmicha kalhila'ts'intanuya'.

2 CORINTIOS 4:17

Yu ani la kijatsukuntik'an wa ixlak'anti ikma'alh'ajnanaw chi wa lasi la'pusa, pero apalijcha kinta'ilhtuyani li aklhitsukuyawcha yu palay ay chi yu sawalhcha oxi jatsukunti.

EFESIOS 1:2

Katamapaynin chi kataxta'nini an oxi jatawlhnat an Dios yu kimPayk'an chi ixPay an kiJamach'alhkatk'an Jesucristo.

COLOSENSES 1:16

An la ix'alhp'asninti ilhtulh chux an tanlhun yu alin an lakt'iyan chi an lakaat'un, chux yu tasuy chi yu jantu tasuy, wa tuchicha yu tala'ajunta takuwinin, chi yu talhit'ajun ix'alhp'asnintik'an u yu tach'alhkatnan. Yucha pu'ilhtu'okalh chux an tanlhun chi para yucha li ilhtukalh.

1 TESALONICENSES 3:13

Yucha katalak'ut'ilinin mijalhunutk'an, jantu tu'u katalhimuk'an li t'u'u lhits'an'ayat la ix'ukxlakapu an kimPayk'an Dios, akxni kamincho'oya yucha an kiJamach'alhkatk'an Jesucristo ali chux an ixlapanakni. Chunchacha kawalh.

2 TIMOTEO 2:12

Li ma'alh'ajnanaw, wachu kat'ach'alhkatnanawi yucha. Li nawnawi li jantu mispayaw, yucha wachu kanawna li jantu kintamispayan.

TITO 2:13

Chuncha katsukuw li jantuka' chini an yu lhi'acha pakxan'iyaw: akxni kaxlimjcha chincho'oya an ay kiDiosk'an, an Jesucristo yu kintama'alhtaxtuyan.

HEBREOS 10:27

wa la'atamcha yu ay tukan lhima'alh'ajna pakxan'iyaw chi tan lam lam anta jikmi yu wanaj kajat'olo'oya an yu jantu taja'asmatnan.

HEBREOS 12:29

Mu an kiDiosk'an jikmi yu jala'xawanan.

HEBREOS 4:1

Pus xliyu li ixpaku ka an tan kintajunan li layi katanucha'aw tan jastaknan an Dios, kajalajk'atsanaw, jantu junita xamati yu uxitnan jantu katanuchalh.

HEBREOS 4:11

Pus kat'ataxtuniwi para li katanucha'aw anchunu tan jastaknankan, para li jantu xamati ali kataylhi'alh tacha an yu jantu tajakiklaka'inilh.

HEBREOS 4:9

Pus chaway alinka la'atam jastaknat para an yu takiklaka'iy Dios.

HEBREOS 9:28

wanajcha chuni an Cristo wa a'tami ma'axta'kalh para li kajalhi'anilhi ixtala'alhink'an ixluwk'an an lapanakni, chi katalakasupala yu ixlipu'a't'uycha. Pero jantucha yu an tala'alhini katila'milh, yucha wa kaminacha jama'alhtaxtunu an yu tapakxan'iy.

1 PEDRO 3:22

Yucha li alhcha an lakt'iyan chaway piktuwilhchalhcha an Dios tan lhi'oxi ixpa'xti', chi an angelhnin chi an yu talhit'ajun lhich'alhkat chi an yu talhit'ajun tachaput, ta'asmatniy.

2 SAN PEDRO 3:7

Chi chaway wanajcha yu an ixchiwinti Diosi japuma'akanta an lakt'iyan chi an lakaat'un, wa jama'akantacha para li akxni kachinacha wilhchan li kalats'awalayacha an tanlhun an Dios, kajamak'anacha laka jikmi, chi an yu jantu takiklaka'iy Dios wanajcha chuni kaja'ilhtukana'.

JUDAS 1:7

K'ap'ast'akt'it wachu an la'acha'an Sodoma chi Gomorra chi yu waniycha la'acha'anaxni ixlaklhitamakajun. An Dios jala'xawalh laka jikmi yu jantu a'tam mixa, mu wa tani talalhcha yu jantucha oxi chi wa ayacha ixtalay, chunchacha yu'uncha kintapumak'atsaanikanan.

APOCALIPSIS 1:7

An Cristo an laka jataputs'i kamina', chi ta lhichuxi kala'ts'inkana'. An yu tapajalhto'olh wachu katala'ts'ina', chi ta kilhmakchux lapanakni ani lakamunulhpa katalhita'oxila'alhiya'. Chuncha kajuna'.

APOCALIPSIS 14:10

yucha kama'alh'ajnana'. Tachanu ka'ot'a an ixtalh'amti Dios, yu puxte'ejukalh wanaj wa ixla'stu an la xacopa ixtalh'amti chi kamama'alh'ajnikana laka jikmi chi laka azufre la ix'ukxlakapuk'an an la'stalan'a angelhnin chi an Jas'at'a Borrego.

APOCALIPSIS 14:13

Wa chuncha ik'asmatlhi kixa'alakalh sta an lakt'iyan kijunkan: ―K'ats'o'ulat'i: “Oxi para yu'uncha yu chaway ati'anta taniy chi tat'atala'xto'ta an Jamach'alhkat Dios.” Chun, najuni an Takuwin, katajastaknanacha la ixtapatsatk'an, chi mu oxi tatapatsalh ani pus awint'i katala'a'iyanta yu laj'oxi.

APOCALIPSIS 20:11

Ikla'ts'ilh la'atam ay sut'ut'u putawlan yu puch'alhkatnankan chi an yu ixpuwilh, la ix'ukxlakapu ta'osli an lakaat'un chi an lakt'iyan chi jantucha k'is inta jala'ts'incho'okalh.

APOCALIPSIS 21:4

An Dios yuchacha kajalaklakpuxakamaj'ana chux ix'alhutk'an la ixla'chulhk'an, chi jantucha kati'alilhi lhinin, chi alhut, chi ta'oxila'alhit, chi ma'alh'ajnat, mu an yu p'ulhnajcha ixlak'alin tapasalhcha.

APOCALIPSIS 22:16

―Kit'in Jesús, ikmala'achachalhi an ki'angelh para li kajamak'atsaanilhi ani tanlhun an tacha tala'ta'ayxt'o'a an yu kintakiklaka'iy. Kit'in ixjataxiyak chi ikpu'a'p'unminchalh an David, kit'in ikst'aku yu xlimj mapulhkuy akxni tunkunmintacha.

APOCALIPSIS 22:6

An angelh kijuniy: ―Ani chiwinti sawalh chi ka'uktaxtuya sawalh. An Jamach'alhkat, an Dios, yu jamachiwiniy an yu tanajun ixchiwinti Dios yu katapasaya, mala'achachalhi an ix'angelh para li kajamasunilhi an yu tat'atapatsay tuchini yu katapasayacha watukan.

APOCALIPSIS 22:9

Pero yucha kijuniy: ―Jant'u ch'uni k'alat'i, mu kit'in wa ikt'atapatsaycha an Dios, tacha uxint'i chi tacha an mijat'ala'awnin an yu talhichiwiniy ixchiwinti Dios, chi tacha ixchuxk'an an yu takiklaka'iy tacha an ts'o'muk'akanta chiwinti ani laka libro. Yu ay k'ala'ts'i yucha an Dios.

APOCALIPSIS 6:11

Wa chuncha jala'xta'nikalhcha la'sut'ut'u ixla'ch'itk'an chi jajunkan li katapakxampalhka lakats'uniy panch'e'ex, sta li katata'a'tsalhcha an ixt'ala'ajunk'an yu wachu chun kajalhima'nikana tacha yu'uncha jalhima'nikalh ixlakata li tat'atapatsay an Dios.