1 TIMOTEO 6:16 - Tepehua Pisaflores

¹⁶ Yucha wa yucha yu jantu lay niy, yu wilh laka la'atam jatapulhkunu tan jantu lay xamati kicha'an. Jantu xamati lapanaki la'ts'inta chi jantu lay katila'ts'inkalh. ¡Yucha ixpujun'alhincha ix'anun an ta'ayat chi an alhp'asninti! Chunchacha kawalh.

1 TIMOTEO 6:16 ပူးပေါင်းရင်းမြစ်များ

SAN JUAN 1:18

An Dios jantu a'tam xamati la'ts'inta; pero an isTs'alh, mu wanajcha yucha an Dios, yucha kintamamispanin, mu yucha lhilhiji t'awilhchalh an ixPay.

SAN JUAN 14:9

An Jesús juniy: ―Felipe, ma'anchacha iklat'a'aklat'awnaw, ¿ch'i jant'uka' k'imisp'ay? Yu kila'ts'incha, la'ts'incha an kimPay. ¿T'asu li k'i'uniycha li aklamasuniwi an kimPayi?

SAN JUAN 6:46

’Chi jantu nawputun li sna xamaticha la'ts'ilh an kimPay, wa kit'ini yu ikla'ts'intacha, mu ancha ikminchalh tan wilhchalh.

SAN JUAN 8:58

An Jesús jajuniy: ―Sawalhi ani yu iklajunaw, akxni jantuka' istsukuy an Abraham, kit'in xakt'ajuncha.

EFESIOS 3:21

An Dios ayi kala'ts'inkalh kilakatak'an yu kiklaka'iyaw, chi ixlakata an Cristo Jesús, wa ta wanancha chi ixpujun'alhincha. Chunchacha kawalh.

FILIPENSES 4:20

¡An kiDiosk'an ay chi ixpujun'alhincha li kimPayk'an! Chunchacha kawalh.

COLOSENSES 1:15

Jantu xamati lay la'ts'in an Dios, pero an Jesús, yucha Dios, yu tasuy. An Jesús yucha ixt'ajuncha akxni an lakamunulhpa ilhtukalh.

1 TIMOTEO 1:17

Pus xliyu an Rey yu katsuku'alhiya, yu jantu a'tam katinilh, yu jantu tasuy, yu wa yucha Dios, yucha yu kalhiwilaw chi ay kala'ts'iw, wa ta wanancha kuna'. Chunchacha kawalh.

HEBREOS 13:8

An Jesucristo wanajcha yu yu kutanchacha ixjuntachalh, chi yu chaway, chi wa ixpujun'alhincha kajuna'.

SANTIAGO 1:17

Chux yu oxi tu'u kintaxta'nikanan chi yu jantu k'is inta tu'u ts'an'aniy, talhmani minachalh, yucha an xaPay jatapulhkunu makminachalh, yu jantu tapaxay chi jantu laklay tacha an ma'stele'.

1 JUAN 1:5

Yucha ani chiwinti yu ik'alha'asmattaw an Jesucristo, chi chaway uxitnancha iklamak'atsaaniyaw. Yucha najun: An Dios yucha jatapulhkunu', yucha jantu k'is tu'u lhit'ajun jatats'isni.

1 JUAN 1:7

pero li laka jatapulhkunu t'awnaw, tacha yucha laka jatapulhkunu t'ajun, wanaj tala'xto'otaw. Chi an ixjak'alhni an Jesucristo, an isTs'alh Dios, kintamala'mixini'oyani chux kintala'alhink'an.

1 JUAN 4:12

Jantu xamati a'tam la'ts'inta Dios. Li lamapaynipaxayaw an Dios kintat'a'aklat'awnan chi an ixjamapayninti kintaputasuyancha sawalh.

JUDAS 1:25

An yu wa yucha Dios chi jalakpastaknan, yu kintama'alhtaxtun, ixlakata yu ilhtulh an kiJamach'alhkatk'an Jesucristo, yuchacha ay kala'ts'inkalh, akxni a'taynichalh chi chaway chi ixpujun'alhincha. chunchacha kawalh.

APOCALIPSIS 1:6

Chi kinta'ilhtuni rejnin chi li isacerdotejnin an Diosi kajunwi, an ixPay. An ta'ayat chi an alhp'asninti ixnawincha yucha kajun'alhilh. Chunchacha kawalh.

APOCALIPSIS 1:8

An Jamach'alhkat Dios yu lay ilhtu'ojoy wa tuchicha, najun: “Kit'in ik'Alfa chi ik'Omega, yu p'ulhnaj chi yu astan, kit'ini yu chaway, chi kit'ini yu xajkunita, chi kit'ini yu kamina'.”

APOCALIPSIS 21:3

Walh ik'asmatlhi p'asi chiwinkalh an lakt'iyan, nawkan: ―Anicha jat'awilh an Dios an ixlapanakni, chi yu'uncha ixlapanaknicha katajuna', chi an Dios kajat'a'aklatsukuyacha an lapanakni mu ixDiosk'an.

APOCALIPSIS 22:5

Ancha jantu katitats'isilh, yu ancha katatawla jantu katitama'lhtask'inilhi xajatapulhkunu pumaklhku u li kamaputunkulh an wilhchan, mu an Jamach'alhkat Dios yucha kajamapulhkuniya', chi ixpujun'alhincha katach'alhkatnana'.

APOCALIPSIS 4:11

Jamach'alhkat, uxint'i t'ach'ip'ini li ayi k'ala'ts'ink'a ch'i li k'alhiwilak'a ch'i li k'ach'alhk'atna, mu uxint'i yu lak'ilht'u chux an tanlhun chi la mintalakask'i li lak'alin chi li ilhtukalh.

APOCALIPSIS 7:12

Ixtalaknajun: ¡Chunchacha kawalh! An tanlhuncha an yu laj'oxi xt'a'a an Dios chi an ta'ayaxtu chi an jatapast'ak'at chi an lhimala'puchajun chi an jalhila'sinti chi an lhich'alhkat chi an alhp'asninti ix'anucha an kiDiosk'ani kawalh yu ixpujun'alhincha. Chunchacha kawalh.