1 PEDRO 2:8 - Tepehua Pisaflores

⁸ Chi wachu tapasapalayi an tan najunta: Yucha la'atam chiwx yu ja'ayst'uk'unun chi wachu la'atam chiwx yu jama'tanan. Mu yu'uncha ja'ayst'uk'ukalhi li jantu takiklaka'ilh an chiwinti, chuncha nawlh an Dios li kataputapasalh.

1 PEDRO 2:8 ပူးပေါင်းရင်းမြစ်များ

SAN LUCAS 2:34

Chi an Simeón tapayninilhcha an Dios para li oxi katatsukulh. An Simeón juniy an María: ―Ani jas'at'a lhimakminkanta para li ixluwk'ani katata'a'talh u ixluwk'ani kata'ostayalh an xalapanakni Israel. Chi ixluwk'ani yu jantu k'is katitala'ts'imputulh.

ROMANOS 9:22

An Dios masi ixmasuputuni tani yu junitacha an ixjamama'alh'ajninti chi kaxmasulhi an ix'alhp'asninti, sawalh ixlak'anti jalhitayanilh an yu ixtat'acha'an li kaxtama'alh'ajnalh chi kaxtats'an'alhcha.

1 CORINTIOS 1:23

Pero kitnan lhichiwinaw an Cristo yu makxtukmuk'akalh laka cruz, yu an judiojnin jantu tala'ts'imputun wa ixlakata tacha an nilh chi an yu jantu judiojnin tanajun li wa lhilokojcha.

2 CORINTIOS 2:16

An yu tats'an'ay, ani lhaklhi ixtanta'ut an cencia wa talhiniy, pero an yu tata'alhtaxtuy, jaxta'niy jatsukunti. ¿Chi tisiyuchacha yu lay ka'ilhtulh ani tapatsati?

GÁLATAS 5:11

Yu kit'ini kint'ala'awnin, li xaklhinawlhka li kach'uk'up'uxkalhi a'axt'a'a, an judiojnin jantu xakintach'a'o'alh para li akintalhitama'chapulh. Mu chuncha, an tacha lhichiwiniy an ixcruz an Jesús jantu xkay kaxta'asmatlhi.

1 TESALONICENSES 5:9

Mu an Dios yucha jantu kintalhimalakxtutan li kala'a'iw an lhima'alh'ajna, kitnan kintamakmin li kaputa'alhtaxtuwi an kiJamach'alhkatk'an Jesucristo.

1 PEDRO 2:6

Xliyu wachu najunta an tan ts'o'muk'akanta an ixchiwinti Dios: An la'acha'an Sión kit'in k'ulay pumatam yu yuchacha tukan xachiwx an ay cha'a', chiwx yu jasakxtunti chi sawalh lhitapalay. Yu yucha kiklaka'iy, jantu katitamaxanilh.

1 PEDRO 2:7

Para uxitnan yu k'iklak'a'iyat'it, anchunu chiwx sawalhcha lhitapalay. Pero an yu jantu takiklaka'iy, tapasaycha tacha an najunta an tan ts'o'muk'akanta an ixchiwinti Dios: An chiwx an yu wa tala'amaj'alh an ixyawnan cha'a, yuchacha apaliji yu lhitapalay tukan.

2 SAN PEDRO 2:3

Yu talakask'in ani yu jantu sawalh maestrojnin wa katamaxtuniyancha mintumink'an laka ja'o'xcho'onti. Pero an Dios ma'anchacha jamala'asijninita la'atam lhima'alh'ajna chi kajalakt'ilhiya'.

JUDAS 1:4

Mu ali'in lapanakni tatanumananchalhi an t'an t'awnat'it yu jantu takiklaka'iy an Dios, wa la'asa'. Yu'uncha ma'anchacha jalhisakxtukanta para li kajamama'alh'ajnikana', yu'uncha jantu k'is taja'asmatnan, yu'uncha wa tani tapulaycha an ixjamapayninti kiDiosk'an chi tanajuni li jantu sawalhi an yu wa yuchacha kimPayk'an chi kiJamach'alhkatk'an Jesucristo.