1 PEDRO 2:6 - Tepehua Pisaflores

⁶ Xliyu wachu najunta an tan ts'o'muk'akanta an ixchiwinti Dios: An la'acha'an Sión kit'in k'ulay pumatam yu yuchacha tukan xachiwx an ay cha'a', chiwx yu jasakxtunti chi sawalh lhitapalay. Yu yucha kiklaka'iy, jantu katitamaxanilh.

1 PEDRO 2:6 ပူးပေါင်းရင်းမြစ်များ

SAN MATEO 12:18

Yucha anicha yu iksakxtuta yu kint'atapatsay, oxi lhik'atsan kintak'atsan, ikmapayniy. Yucha akxta'niya kinTakuwin, chi yucha kajajuna an yu jantu tajakiklaka'inin tanyucha yu oxi chi yu jantu.

SAN MARCOS 12:10

’¿Jant'u p'unawt'at'iti tacha an najunta tan an ts'o'muk'akanta an la ixchiwinti Dios? Tan najun: An chiwx an yu tala'amaj'alh an yu tayajuy cha'a, apalij yucha palay lhitapalalh.

SAN LUCAS 20:17

Pero an Jesús sa'cha jala'ts'in chi jajuniy: ―Pus, ¿tasipi nawputuncha an tan ts'o'muk'akanta? tan najun: An chiwx an yu tala'amaj'alh an tayajuy cha'a, apalij yucha yu palay lhitapalalh.

SAN LUCAS 23:35

Chi chux an lapanakni sa'cha ixtala'ts'in, chi masi an jamach'alhkatni ixtamamaxaniycha, ixtalajuniy: ―Ali'in jama'alhtaxtulh, kama'alhtaxtukalhcha ix'akstu li Cristo sawalh yu sakxtuta Dios.

SAN JUAN 7:38

Tacha an najunta an tan ts'o'muk'akanta ixchiwinti Dios, li yu kinkiklaka'iy, tachanu ma'alhuw ayxkani la ixpulakni kapujats'alaya xkan yu la'ajunta.

LOS HECHOS 1:16

―Kint'ala'awnin, ixlitask'iniya li chuncha ka'ixtapasalh tacha an ixnajuntacha an David akxni machiwinilh an Stalan'a Takuwin. Yucha lhichiwinilhi an Judas yu jatap'ulhnilh an lapanakni an yu tach'apayawlh an Jesús,

ROMANOS 10:11

An tan ts'o'muk'akanta najun: “Jantu xamati yu yucha kiklaka'iy chi wa kalhits'an'alhcha.”

EFESIOS 1:4

An Dios kintapusakxtuni an Cristo sta akxni jantuka' ix'ilhtukan an lakamunulhpa', para li la'stalan'ani katsukuw la ix'ukxlakapu chi jantu tu'u kintala'alhink'an kajunlhi.

EFESIOS 2:20

Uxitnan tachanu yu yawkanta a'atam cha'a', yu pumach'atakanta ani cha'a yu'uncha an yu jamala'achalh an Jesucristo chi an yu ixtalhichiwiniy ixchiwinti Dios, chi an Jesucristo yucha yu tukancha xachiwx an ixma'ats'astu ani cha'a'.

2 TIMOTEO 3:16

Chux an tan ts'o'muk'akanta an ixchiwinti Dios yucha an Diosi chuncha chiwininta. Yucha pumasukan an tanlhun chi pujamap'a'sininkan chi pula'oxinikan ixjatapast'ak'at yu wa lhits'an'ay. Pujamatalanininkan para li oxi jatsukunti kalhitsukukalh,

1 PEDRO 2:4

K'ast'alhch'a la'p'it'iti an Jamach'alhkat, tacha la'atam chiwx yu la'ajunta. An lapanakni wa tala'amaj'alh, pero an Dios yucha la'ts'in tacha la'atam chiwx yu sakxtukanta chi sawalh lhitapalay.

1 PEDRO 2:8

Chi wachu tapasapalayi an tan najunta: Yucha la'atam chiwx yu ja'ayst'uk'unun chi wachu la'atam chiwx yu jama'tanan. Mu yu'uncha ja'ayst'uk'ukalhi li jantu takiklaka'ilh an chiwinti, chuncha nawlh an Dios li kataputapasalh.

2 SAN PEDRO 1:20

Task'iniy li k'ak'ats'at'iti li jantu xamati wa ix'akstucha lay katilhi'ilhtulh tani yu nawputuncha an ixchiwinti Dios yu ma'anchacha ts'o'kanta.

2 SAN PEDRO 3:16

Chux an la ixcarta an Pablo yucha ani laktanlhuni talhixa'alayan, masi an ali la'lhima'anxkayi lhimacha'xakan. Xliyu an yu jantu tak'atsay chi an yu jantu oxi takiklaka'iy wa tani talhimacha'xaycha yu jantu chun, chi chuncha tat'alapalay an ali ixchiwinti Dios, wa akstu japulakt'ilhikancha.