Tuma 5:31 - Tampulma

³¹ a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Tuma 5:31 ပူးပေါင်းရင်းမြစ်များ

Mat. 1:21

O zi lul nibabichɛlau. O wa bi, o zi wa yisi ba naa Koosa fun lisi nyɛ o titi niu a li ba tum tagna ni. Chendaha o lawa i du o sɔnu Yesu.” Malaika ti fun kaali.

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Maak 2:10

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi koti a gil nara wu tagna a nyɛ ba.” O fun ŋɔ wichɔɔr ti ni,

Maak 4:12

‘Chen ni ba zi nuu aa kidaŋni ba zim a muna amaa ba wa kizim. Ba zim a muna, ba bambe zi chɛrgiu, chen ni Koosa zi gil ba tum tagna a nyɛ ba.’ ”

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Jɔn 4:42

Ba fun ŋɔ haan ti ni, “Ya se su un o biksi ti daha. A wa su un chenani i fun ŋɔ ya chen duŋduŋ daharɛ. Ya zimu di wutirɛ Koosa fun tum un di o wa yisi tɛɛnɛ nɔ maga nara tum tagna a li ba.”

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 13:23

Koosa funɛ vɔu saha digi di o zi wa tum Devid bi lulɛ ta digiu o lisi Ju tim ta tum tagna a li ba ni. Yesu funɛ ya naa Koosa vɔu di o tum chen.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Tuma 3:26

Chendaha Koosa fun lisi o be Yesu di o ya o tumtumna a te tum un ma wati di o kpa o nyusum a nyɛ ma ma gil ma tum tagni ta a bur tiŋ Koosa.”

Tuma 4:11

Ba funɛ sɔbi Yesu wɛu a li Koosa sɛm tɔn ti ni a ŋɔ, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi.’

2 Kɔr. 2:10

Ma gil a nyɛ nar ni, mu zi chiŋi ma gantɛl niu. Mu daŋni mu suŋi mau. Chendaha ma ya chen. O chi Kristo nyini chenani mu yarɛ.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Filip. Tima 3:20

Ya waa ka ya Koosa tɔhɔn ti nara. O nyɛn ya bambe niu di ya pɔ ya kunyan Yesu Kristo naa funɛ yisi ya a li ya tum tagna ni ya tiŋ un, o wa bur a li dooni a wa.

Kɔl. 1:14

A li o be daŋni ti ni, Koosa funɛ la ya nyuuna a nyɛ ya a gil ya tum tum tagna a ta.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Tait. 2:10

akoo a ŋmɛ ba kina. O lawa baa tum tum wereu a nyɛ ba a ya wuti tima, chen ni ya Koosa naa funɛ yisi ya a li ya wu tagna ni, biksi ti zi kpak sɔn weriu.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 2:10

O funɛ deŋliu di Koosa naa funɛ naami kina maga di a nyɛ un jirima, nyɛ o be Yesu namsi a sou a peti o tuma a chi chen, chen ni Koosa zi koti a yisi nidamatau a li ba tum tagna ni a nyɛ ba burgi o bisa ba naa wa Yesu la zi wa bɔni o jirima awa o chaani kinkan. Chenani Yesu sou funɛ nyɛ o burgi ba nyuhu tiina birigi.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,