Tuma 28:20 - Tampulma

²⁰ Ya Ju tima kpak bambi bɛgimu di Koosa zi tum naa o fun vɔu di o tumu ba wati wuzu digi. Roman tim ta funɛ kpa zɔgliu a vɔu mu nisa a nyɛ lanjima nɔ il min domi naa ya nara kpak bambi bɛgim a nyɛ chen daha. Chendaha mu yir ma di ma wa min na dɔŋa.”

Tuma 28:20 ပူးပေါင်းရင်းမြစ်များ

Tuma 10:29

Chendaha ma yir min, mu vɛ bur gantɛl. Ma ŋɔ min chenani mu zi suŋi ma.”

Tuma 10:33

Mu fun vaan tum ba di ba la yir hin. I ka ya nibin weri a wa. Lalaknɔ ya maga lagmi bar nɔwa Koosa suwachak ni a pɔ di i ŋɔ ya chenani o ŋɔ hin.”

Tuma 21:33

Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 24:15

Chenani Ju tim ba naa nyɛn bar nɔ nan kpak bambi bɛgim di wuzu digi Koosa zi wa lɛli ba naa la tum tum were awa ba naa la tum tum tagnau a li ba sou ni, awa chenani min du ya kibɛgimnɛ.

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 28:17

Wuzu butora gantɛl, o fun yir Ju tima ba naa nyɛn dooni, nihɛɛta ba lagmi a wa o wati. O fun ŋɔ ba, “Mu niinbisa, mu wa fun tum tum tagin a du ya walɛ ni. Mu ka wa fun vɛɛn biksi nara di ba ta bu tiŋ ya nawaalsi ta nyinbaan. Hali nan daha, ba fun kpak min a tɔ dɛ a li Jɛrusalɛm ni a kpa min a du Roman tim nisa ni.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Filip. Tima 1:13

Koor nyuhu tiina Siiza lanjimasa ba naa maga la il min awa nidamata a nyɛn bar nɔ, zimu di ba funɛ tɔ min dɛrɛ muu tiŋ Kristo daha.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

2 Tim. 1:10

Doone o fun tum o be Yesu Kristo di o wa lisi ya a li ya tum tagna ni yaa tiŋ un. Nan biksi ya di o ya Koosa tutɔrɛ o suŋi ya. Kristo funɛ sou a li o daakakli ti ni, o fun a nyaŋi sou. Waa funɛ kpa Koosa laaboor weri naa funɛ sogli chen a biksi ya o mi fali naa vɛ kpak bɔ, wɛ.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

Faili. 1:10

Mu sumi hinu i yoma Onisimus daha. O chi mu bere mu wati, domi o si funɛ su Kristore a li mu biksi ti ni dɛ bar tɔɔli nɔ ni.

Faili. 1:13

Mu daŋni o nyɛn mu watɛɛ dɛ nɔ ni a chiŋi i bar chiŋi ni a suŋi min.