Tuma 20:31 - Tampulma

³¹ Ma doso a kilisi chenani mu fun kpak un mu bambi ni di mu biksi ma bunsa tora a ta hiisi tama.

Tuma 20:31 ပူးပေါင်းရင်းမြစ်များ

Mat. 13:25

Wuzu digi dusum nara maga funɛ chɔ do, o dɔm fun kaali o ŋmaha ti a la chɔɔsi kɔsa a kaali.

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 20:11

Ya maga fun bu zini kaali ya bar lagmi ti. Pɔɔl fun zer boroboro a chɔksi a sumi Koosa a du a kpa a bɔni ya a chi chenani ya kunyan ti biksi ya, a bu ŋɔ ya. Nha wa yɛli chɔsa, o fun sɛm peti ka ya li kaali.

Tuma 20:19

Mu yaa funɛ tum ya kunyan ti tuma awa jɛɛgisi nɛɛ. Hali Ju tim ta funɛ na nyinbaanasa di mu namsi kinkan chen ni mu zi wiu, nannɛ mu funɛ tum.

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

Tuma 24:17

“Saha naa mu fun nyɛn Jɛrusalɛm ni, o funɛ vusiu ka mu la dooni. Ju tim ta bɔnɛ fun lagmi malɛ a du mu nin ni di mu kpa la Jɛrusalɛm. Mu gbanko fun la dooni di mu jɛɛmi Koosa.

1 Kɔr. 4:14

Mu wa sɔbi nannɛ a nyɛ ma di mu nyɛ hiisa kpak ma, amaa mu daŋni mu dɛɛsi mau a chi mu titi bisa.

Filip. Tima 3:18

Mu funɛ ŋɔ mau bu damata di nidamata vɛ Kristo daakakli biksi ti. Lalaknɔ mu bura ŋɔ mau awa siini ni.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

2 Tɛs. 2:5

Ma wa lisi saha naa mu fun nyɛn ma wati chenn? Mu funɛ ŋɔ ma a nama maga wɛu.

2 Tɛs. 3:8

Ya ka funɛ tum nha wa dusumu kinkan, chen ni ya zi diu a li ya bara wilim ni. Ya wa fun a daŋni di ma suŋi ya wa diwe ni. Kin naa maga ma yaa fun a nyɛ ya, ya yaa bɔ a nyuuniu.

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”