Tuma 20:28 - Tampulma

²⁸ Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 20:28 ပူးပေါင်းရင်းမြစ်များ

Mat. 16:18

Adaha mu gbanko ŋɔ hinu, Pita, ba naa Koosa dɔ chi dam naa n sarɛ. I waa ya o sɛchik. Sintana awa o alizin tagna maga wa zi kut a chɔk un.

Mat. 2:6

‘Ba zi wa lul nyuhu tiinau a li Bɛtlihɛm ni. Waa la zi il mu Ju tima. Chendaha Bɛtlihɛm ya kibirigire a kaali tɔsi naa maga nyɛn Judia pulum ni.’ ”

Maak 13:9

“Ma doso ma titi ni. Ba zi wa kpak mau wa kpok ni a muksi ma kinkan. Ba zi wa kpa mau a kaali ba bar lagmi dɛɛna nihɛɛti wati ba di ma sɛria a tuk ma. Ba gbanko zi wa kpa ma la koorsa suwachaku ba di ma sɛria domi maa tiŋ min daha. Ba wa di ma sɛria, ba gbanko zi wa nu Koosa laaboor weri tiu.

Luk 12:32

“Ma naa chi mu piisisa, ma ta ɔmi. Chenani ma kunyana Koosa dɔ ma ya un lɛmlɛmu kinkan.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 20:17

Pɔɔl funɛ nyɛn Mailitus nɛɛ a tum nara ba la ŋɔ Yesu nitiŋɛ ba naa nyɛn Ɛfɛsus ni, nihɛɛta di ba wa pu un.

Tuma 20:29

Mu funɛ kaali chen gantɛl nɛɛ, mu zimu di nara zi wau a chi gbesa a chem ba naa ma nyini chen a muksi ma kinkan.

Room 16:16

Ma zaami dɔŋa nɛnɛ. Kristo nitiŋɛ ta maga zaami mau.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Kɔr. 11:22

Yɛrɛ? Ma wa kpak damsa doonani ma zi di aa kinyɔɔ? Ma wara zɛɛmi Yesu nitiŋɛ taa? Ma wara du Yesu nitiŋɛ ba naa ya fara tim ta wa hiisarɛɛ? Yɛrɛ ma bur a daŋni mu ŋɔ ma? Mu pɛgi maa? Aai. Mu wara pɛgi ma.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

Gal. 1:13

Ma zimu di saha digi mu funɛ tiŋ Koosau a chi Ju tim ta, mu fun a muksi Yesu nitiŋɛ ta kinkan. Mu wa fun a kpak ba siki a la daŋni mu chɔk ba maga.

Ɛfɛ. 1:14

Koosa nyɛ o siim weri tirɛ ya o purigiri bɔɔli. Chendaha ya zim di o zi la ya nyuunau a nyɛ ya hali o wa peti a chi o funɛ vɔu chen. Ma nyɛ ya pɛgi un nan daha.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 4:11

O funɛ lisi a li o papaha ti ni a nyɛ o nitiŋɛ ta ni, o fun nyɛ ba bɔnɛ ŋɔ nara o wɛ, bɔnɛ nyini o nitiŋɛ ta, bɔnɛ ka biksi ba o wɛ,

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Kɔl. 1:14

A li o be daŋni ti ni, Koosa funɛ la ya nyuuna a nyɛ ya a gil ya tum tum tagna a ta.

Kɔl. 4:17

Mu daŋni ma ŋɔ Arkipus ni di o lawa o tum tum naa Koosa fun kpa nyɛ un chenu a peti.

1 Tim. 3:1

Mu sɛm wutirɛ. Nar kpak un o bambi ni di o ya Yesu nitiŋɛ nyuhu tiina, o daŋni kiwerere.

1 Tim. 3:2

O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

1 Tim. 3:5

Nar vɛ koti a nyini o walɛ nɛnɛ, yɛrɛ o kaa ya a koti a nyini ba naa tiŋ Koosa?

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.