Tuma 17:31 - Tampulma

³¹ O fun lisi a wuzu naa o nyɛ naa o fun lisi chen wa di tɛɛnɛ nɔ tim maga sɛria. Koosa fun lɛli Yesu a li o sou ni di o biksi ya di waa ya naa la zi tum chen.”

Tuma 17:31 ပူးပေါင်းရင်းမြစ်များ

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Luk 22:22

O ya Koosa tutɔrɛ n waa nibine be zi wa sou lalaga. Naa kaa wa li mu gantɛl nan, yɛrɛ o zi wa du un ni?”

Jɔn 12:48

Tɛɛnɛ nɔ maga siili saha wa tel, sɛm nawara mu fun sɛm zi wa di ba naa funɛ vɛ min awa mu sɛma sɛriau.

Jɔn 16:10

Chenani mu zi chiŋi ba bar chiŋi ni a sou a nyɛ ba a bur la mu nyan ti wati, nan duŋduŋ la zi nyɛ ba deŋli Koosa suwachak ni.

Jɔn 5:27

Mu ya nibine be. Chendaha o fun kpa chenani o di nara sɛria a du mu nin ni.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:32

Nihɛɛti ta awa nibiksɛ ta bɔnɛ nu ka Pɔɔl sɛm di Koosa funɛ lɛli Yesu a li o sou ni, ba funɛ mɔmsi un. Bɔnɛ ka fun wa ŋɔ un, “Ya daŋni i bur wa biksi yau a gbaari.”

Tuma 17:6

Ba funɛ vɛ na ba, ba fun kpak Jesɔn awa Yesu nitiŋɛ ta bɔnɛ a zaksi ba a la tɔhɔn ti nihɛɛta suwachak a tɛsi a ŋɔ, “Doonani nara nama la, ba yaa muksi narawa kinkan. Lalaknɔwa ba tel ya tɔha,

Tuma 2:32

Naa wɛ Devid fun sɔbi chen awa Yesu ya nibɛgimnɛ. Ya funɛ nau awa ya se ni ka Koosa lɛli un a li o sou ni,

Tuma 4:10

Ya daŋni ma awa Ju tim ta maga zim chenani mu kaa ŋɔ mau nɛnɛ. Yesu Kristo Nazarɛt nar kpokre ya kpa a tiibi un. Ma fun kpaasi Yesu a mari daakakli ti ni o sou, amaa Koosa fun lɛlɛ unu a li o sou ni. Yesu daharɛ baal nɔ na alaafɛ a wa chiŋi bar nɔ zinan nan.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

Room 2:5

Amaa i si kpoku kinkan. I tuha wa zi chɔk i tum tagna daha. I tum tum tagniwa aa chiŋsi. Koosa wuzu wa tel di o wa di hin sɛria wa wuti, o zi na paanu kinkan a du hin ni a lɛrgi i diŋsa a gbaari.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

Ju 6:2

awa chenani nibinsa kpa ni a chaksi ba nara aa kurge awa chenani ya kpa ya nisa a saksi dɔŋ ni. O wa lawa ya sɛm dɔŋ ni chenani Koosa zi wa lɛli nisitɛ a li ba sou ni wuzu digi a di nibinsa maga sɛria.

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.