Tuma 16:31 - Tampulma

³¹ Ba fun ŋɔ un, “Nyɛ i si su ya kunyana Yesu ka Koosa zi yisi i wa i walɛ a li ma tum tagna ni.”

Tuma 16:31 ပူးပေါင်းရင်းမြစ်များ

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Tuma 15:11

Chenani ya kunyana Yesu fun suŋi ya ya se su un, ka Koosa fun yisi ya a li ya tum tagna ni ya tiŋ un awa chenani o tum nyɛ ba ya kibɛgimnɛ. Kin nama ya kibirige.”

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 16:32

Doone Pɔɔl awa Sailas fun biksi Koosa laaboor weri ti a nyɛ un awa ba naa maga nyɛn o dam ni.

Tuma 18:8

Ba bar lagmi dɛ ti nihɛɛta digi sɔn funɛ ya Krispus. O wa o walɛ fun nyɛ ba se su ya kunyan ti. Ba naa funɛ nyɛn Kɔrint ni, nidamata fun nu Koosa laaboor weri ti a nyɛ ba se su un. Doone Yesu nitiŋɛ ta fun chaksi ba wa ni ni.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Tuma 8:36

Ba funɛ nyɛn nyinbaan ti ni a la chene a la dugli pul. Baal ti fun ŋɔ Filip ni, “Ya duglɛ ni bar nyɛniu. Mu daŋni i chaksi min wa ni ni, nandigi wa to a la zi ŋɔ hin di i gil.” ((

Room 11:16

Ma lisi kikumɛ ta tama a nyɛ Koosa ni, o chi a magawa ma kpa nyɛ un. Bugil luta weree, o hulsa gbanko zi weru.

Gal. 3:14

Yesu Kristo fun la ya nyuuna a nyɛ ya nan ni, chen ni Koosa wa zi koti a na ba naa vɛ ya Ju tima galimsa o suwachak ni o daha. Chene o fun vɔu a nyɛ Abraham ni. Ya se su Yesu Kristo. Chendaha Koosa fun kpa o siim weri ti a du ya ni a chi chenani o fun vɔu di o nyɛ ya chen.

Gal. 3:22

Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.

Gal. 3:26

Chenani ma se su Yesu Kristo nyɛ ma ya Koosa bisa.