Tuma 15:28 - Tampulma

²⁸ Koosa siim weri ti te ya suwachak di ya ta bu kpa chiksɛ a gbaari ma, amaa ma doso aa tiŋ ya sɛm na.

Tuma 15:28 ပူးပေါင်းရင်းမြစ်များ

Mat. 11:30

Nuha para naa n zi kpa a nyɛ ma nan, o wa bɔm. Bun naa n zi kpa a chuk ma nan, a wa yuk.”

Mat. 23:4

Ba fun a saksi bun yuga a lagmi dɔŋ ni a nyɛ nara chuŋi a, amaa ba wa fun kpa ba nisa a gbaŋsi bun tima.

Jɔn 16:13

Koosa siim weri naa ya wuti tiina, wa nyɛn ma bambe ni, o zi nyini mau a li wuti nyinbaan ni. O biksi ti wa zi wa li o titi ni. Sɛm naa o zi wa nu mu wa mu nyan ti wati, o zi kpa au a sɛm ma. O gbanko zi biksi ma kin nawara zi wa yau wɛ.

Tuma 15:19

Jems fun bukoo ŋɔ ba, “Ba naa vɛ ya Ju tima nidamata bur aa tiŋ Koosa. O ya mu tutɔrɛ ya vɛ kpa kin nama a gbaari ba.

Tuma 15:25

Zinannɛ ya maga lagmi di ya na dɔŋa a zim chenani ya zi ya a lisi nara balɛ di ba lagmi Pɔɔl awa Barnabas ni ba la ma wati. Ya daŋni Pɔɔl awa Barnabasrɛ kinkan,

Tuma 15:8

Koosa naa zim chenani nibinsa bambe du, fun kpa o siim weri ti a du ba ni a chi chenani o fun te kpa du ya ni chen. Nan funɛ biksi ya di ba naa funɛ vɛ ya Ju tima zi kotiu a wa zim un a chi ya.

Tuma 16:4

Ba funɛ li tɔsi ni, ba yaa fun ŋɔ Yesu nitiŋɛ ta ni chenani nitumɛ ta awa nihɛɛta ba naa funɛ nyɛn Jɛrusalɛm ni, fun sɔbi a li ba tɔn ti ni. Ba gbanko fun ŋɔ ba di o lawa ba tiŋ chenani ba sɛmu.

Tuma 5:32

Kin nama wɛwa ya biksi nara tima. Koosa kpa o siim weri tirɛ a nyɛ ba naa tiŋ o nɔ. O gbanko la biksi ba chen.”

1 Kɔr. 14:37

Ma naa la sɛm di maa sɛmu a li Koosa kpok ti ni, akoo ma kpak o siim weri ti papaha tirɛ, o lawa ma gbanko zimu di chenani mu sɔbi a nyɛ ma nan ya ya kunyan ti chiksirɛ.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

1 Kɔr. 7:40

Mu wati, o gil baal yuuli, o tuha zi sɔɔniu a kaali o yu baal. Mu la sɛm nan, mu lisu di Koosa siim weri ti biksi min.

1 Tɛs. 4:8

Adaha ba naa wa vɛ ya biksi nɔ, o wa vɛ chenani nibinsa fun biksi, amaa o vɛ chenani Koosa funɛ biksirɛ. Waa funɛ kpa o siim weri ti a du ma ni.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

JɔnN Deesi 2:24

“Ma naa nyɛn Tiataya ni a vɛ tiŋ sintana wu sogle naa o biksi nara, mu daŋni ma duŋduŋnɛ kpak mu wuti biksi ti hali mu wa bur wa. Mu wa ŋɔ ma di ma bu ya wu digi.