Tuma 11:28 - Tampulma

²⁸ Ba nidigi sɔn funɛ ya Agabus. Wuzu digi Koosa siim weri ti fun nyɛ o si nara tima suwachak ni a fun te ŋɔ di lɔsa tagin zi wa chelu tɛɛnɛ nɔ maga ni. Bunsi naa Klɔdius fun di Koosi ta nyuhu tiina Siiza chen bambaan nɛɛ, lɔsa tagin ti fun wa chel.

Tuma 11:28 ပူးပေါင်းရင်းမြစ်များ

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Mat. 24:7

Tɛɛnɛ nɔ maga nara awa ba koorsa zi wa siu a chem dɔŋa wa laal ni. Tɛɛnɛ zi wa jimu kinkan ka lɔsa zi wa chel pulumsi ta maga niu.

Luk 2:1

A saha ti koor digi funɛ dɔ dooni. Ba funɛ yir un Ɔgastus. O funɛ daŋni o gur a zim nibinsa ba naa nyɛn o koor ti ni.

Luk 3:1

Jɔn naa funɛ ya Zɛkaraya be, funɛ la zu nyabaan di o biksi nara Koosa wɛ, kaŋkoor zen naa ba funɛ yir Tibɛrias, funɛ kani o kor ni bun fidanyuunwa. Baal naa funɛ dɔ Galili pulum, chen sɔn funɛ ya Hɛrɔd. O niinbe, naa ba funɛ yir Filip chen, ka fun dɔ Ituria pulum awa Trakɔnaitis pulum. Baal naa funɛ dɔ Abilini pulum, chen sɔn funɛ ya Lisanias.

Tuma 18:2

O fun la tel dooni a pu Ju tim baal naa ba yir Akwila. Ba funɛ lul un Pɔntus pulum nɛɛ ka o wa o haan naa ba yir Prisila, fun nyɛn Room ni a li Itali pulum ni. Koorsi ta nyuhu tiina Siiza Klɔdius fun ŋɔ Ju tim ta maga ni di ba li Room ni. Chendaha Akwila awa o haan ti fun nyɛn Kɔrint ni.

Tuma 21:10

Wuzu bilɛ gantɛl ni Koosa witiinsi ta digi fun li Judia pulum a wa. O sɔn funɛ ya Agabus.