Tuma 10:38 - Tampulma

³⁸ Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 10:38 ပူးပေါင်းရင်းမြစ်များ

Mat. 12:15

Yesu funɛ nu nan wɛ, o funɛ li dooni a kaali. Nidamata fun tiŋ un. O fun tiibi ba wichɔɔrsa maga,

Mat. 12:28

Koosa siim weri ti ka nyɛ min kpok mu yaa duŋni alizin tagna a li nara ni. Nan biksi ma di saha ti telu di Koosa wa dɔ ma.

Mat. 9:19

Yesu wa o gantɛl tiŋsi ta fun si tiŋ un a kaali.

Mat. 9:35

A saha tirɛ Yesu funɛ gba aa go tɔsa awa tɔ wisa. O fun a biksi nara tima Koosa koor laaboor weri ti wɛ a li ba bar lagmi dɛɛni ta ni. O gbanko funɛ tiibi wichɔɔrsa magau.

Maak 6:6

O fun jɛri Yesu kinkan. O fun si a kaali tɔ wisa naa nyɛn dooni chen, a biksi nara Koosa wɛ.

Luk 3:22

ka o na Koosa siim weri ti. O funɛ chi komne a tu wa a zɔŋ un ni. Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Luk 9:42

O funɛ kpa be ti a wa, alizin tagin ti fun si un ni kinkan a zer un a lɔ tɛɛnɛ ti ni. Yesu fun ŋɔ alizin tagin ti ni o li be ti ni ka o tiibi un a nyɛ o bur kaali o nyan ti wati.

Luk 9:56

Ba fun kaali tɔ digi.

Jɔn 10:32

Yesu fun ŋɔ, “Mu nyan ti funɛ nyɛ mu tum tum were kinkannɛ di ma na. O leema daharɛ ma daŋni ma kpu min?”

Jɔn 16:32

Ma nu n wati. O wa zi vusi ka ma maga chɔ kaali ma damsa a ka min duŋduŋ, amaa mu nyan ti wa zi ya chen. O wa min zi nyɛnu.

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Tuma 10:37

Ma gbanko zim chenani Jɔn fun te chaksi Yesu wa ni ni ka chenani zi ya a li Galili pulum awa Judia tɔsa maga niu.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Ju 1:9

I si yaa sɛriu di i tum tum were a vɛ kpak wu digi wa tum tagna ni. Chendaha mu waa naa ya i Koosa, funɛ lisi hin di i kpak jirima kinkan awa tu sɔɔna a kaali kina maga.”

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

1 Jɔn 2:20

Amaa Koosa funɛ kpa o siim weri ti a du ma bambe niu ka ma maga kpak zima.

1 Jɔn 3:8

Ba naa maga la tum tum tagna, ba ya sintana bisiwa. Sintana funɛ tum tum tagnau a li piili ti ni hali wa zinan. Chendaha Koosa fun nyɛ o be wa tɛɛnɛ nɔ maga a wa chɔk sintana tuma.