Room 9:22 - Tampulma

²² Chen vɛɛna, Koosa funɛ daŋni o biksi nara o kpokre awa chenani o na paan a du ba ni a lɛrgi ba diŋsa. Saha ti funɛ telu di o deŋlu di o wa chɔk ba, amaa o funɛ kpak ba kanyitau a vusi.

Room 9:22 ပူးပေါင်းရင်းမြစ်များ

Room 1:18

O waa na paan a du ba naa vɛ o nɔ a la tum tum tagna a zi lɛrgi ba diŋsa. Ba tum tagna daha, ba kpa o wuti ti a ta.

Room 9:17

Ba funɛ bukoo sɔbiu a li Koosa sɛm tɔn ti ni chenani Koosa fun ŋɔ Ijipt tim koor ni, “Mu funɛ daŋni mu biksi hin mu kpokre, chen ni tɛɛnɛ nɔ tim maga zi nu mu wɛu a nyɛ min jirima. Chendaha mu fun vɔu hin koora.”

Room 9:20

Ma naa ya nibinsa, yɛrɛ ma daŋni ma lɛusi Koosa? Nibine kɔɔri tempile, tempile ti zi koti a burgi a pɛɛsi naa kɔɔri un chen di, yɛrɛ i kɔɔri min nan?

Room 9:21

Tempile nikɔɔri daŋni o lagmi chuha a kɔɔri tempile naa ba zi kpa a tum tum were, a ka kɔɔri tempile naa ba zi kpa a tum tum tagna, waa kpak chen kpok.

1 Tɛs. 2:16

Ba funɛ daŋni ya gil Koosa laaboor weri ti a ta sɛm kinyɛ ba naa vɛ ya Ju tim ni, domi ba nuɛɛ, Koosa fu zi koti a yisi bau a li ba tum tagna ni. Chen funɛ ya ba tum tagin a kaali ba tum tagna maga. Lalaknɔ Koosa na paanu kinkan a du ba ni a zi wa ta ba yɔri.

1 Tɛs. 5:9

Koosa wa fun lisi ya di o na paan a du ya ni a ta ya yɔri, amaa o funɛ lisi yau di o yisi ya a li ya tum tagna ni hali a wa peti ya kunyan Yesu Kristo daha.

2 Tim. 2:20

Kidamata nyɛn sal zen ni. Ba kpa aniita awa salmasiwa a kɔɔri bɔnɛ a kpa daasa awa choha a kɔɔri bɔnɛ. Ba kpa aniita awa salma kin tau a chiŋsi a pɔ wuzu zene wuzu. Ba ka kpa daasa awa choha kin tau a tum tuma wuzu kam.

1 Pita 2:8

Buŋkul nɔ la zi mo nibinsi naŋgere ba chel,” domi ba vɛu di ba wa zi nu Koosa laaboor weri ti. Koosa tutɔ funɛ ya chen.

1 Pita 3:20

Siimsi nama wa fun tiŋ Koosa nɔ. Ba funɛ nyɛnu saha naa Nowa fun kɔɔri o arŋa saha digi chen. Chen saha ti Koosa kpak ba kanyita, amaa ni funɛ wa su, o fun a yisi nara mɛnasa duŋduŋ ni ti ni.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

2 Pita 3:15

Ma lisi chenani ya kunyan ti nyɛ narawa nyinbaan lalaknɔ di ba gil ba tum tagna aa tiŋ un. Koosa funɛ kpa o zimarɛ a nyɛ ya niinbe daŋni Pɔɔl ni o fun sɔbi chen wɛ a nyɛ ma.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.